التحضير البسيط لرمضان و ما بعد رمضان

[rowaida18]

و عليكم السلام و رحمة الله تعالى و بركاته غالياتي ......

أم ضحى أنت على حق و شعور متبادل من الأخوة و المحبة ...و كما قلت ان شاء الله ربي يجمعنا على الخير والحب والصدق .....

أختي أم هزاز راني مجربة هذاك الشعور كي تكتبي رد طويل و يروحلك كامل الشيء اللي كتبتيه.........نوصيك كلما كتبتي عدد من الأسطر قومي بنسخ النص يعني (sélectionner) النص و من بعد احفضيه في (copier) و هذي قبل اعتماد المشاركة هكذا إذا ما راحتش و تعاودي الدخول تلقايه واجد........و تعملي (coller) فقط....و والله صراتلي عدة مرات خاصة اذا كانت المشاركة طويلة و لاكن الحمد لله تعلمت هذي العفسة و تخلصت من خيبات الأمل المتكررة هههههههه.

حياتي كلها أمل وفقك الله أنت أيضا .......و لا تنسو الذكر أثناء العمل ...........

[rowaida18]

و لا تنسو تذكر الآخرة .....عن أبي هريرة قال: قال رسول الله صلى الله عليه و سلم : أكثروا ذكر هادم اللذات: الموت

عن أبي هريرة، عن النبي صلى الله عليه وسلم قال: أكثروا ذكر هاذم اللذات؛ فما ذكره عبد قط وهو في ضيق، إلا وسعه عليه، ولا ذكره وهو في سعة، إلا ضيقه عليه.

كما قال أحد السلف: "إن فارقني ذكر الموت ساعة فسد قلبي"

بذكره تصلح القلوب........بذكره يقصر الأمل و يحسن العمل ........بذكره تصغر في عينك الدنيا و لا تعطيها أكثر من ما تستحق.......و تتيـقن من إقبالك على الله فتجعل السعي لرضاه مبتغاك .........

[ام شمسو محمد]

السلام عليكم فراااااشااااات
شكرا من قلبي لكل اللي رحبو بيا ربي يحفظكم يارب رويدا و ام هزار و ام هاجر ...و الغايبات واقيل ماكمش تحضرو لرمضان بانوا هنا هههههه
حبيبتي ام ضحى كلامك يسعدني و هذيك الغالية ام هزار عيونها عسل (لو رات قبح سريرتي ��)و الاكيد كسبناك تباني فحلة و راح نستفيدو منك
انا راني مع المطبخ ننظم في البلاكارات ...و كي تكون الاشغال مايبان التنظيم ماوالو هههههه
اليوم اخيرا خدمت الكركم و وجدتو تهنيت منو ....كان مازمني ....هههه ماتضحكوش عليا انا من النوع اللي يتوتر من الاعمال المنزلية ...حتى السهلة ...تبقى ترحي في راسي حتان ننجزها باش نرتاح ....الصراحة شعور سيء
هذي المهام اضافة للروتينات اللي نوصيكم لبنات هي الصح ...الالتزام بالروتينات قبل البدء بالمهام

[ام شمسو محمد]

تأهب للذي لا بد منه، فإن الموت ميقات العباد.

ما المال والأهلون إلا ودائع، ولا بد أن تردّ الودائع.

ما لزم عبد ذكر الموت إلا صغرت الدنيا عنده.

لا دار للمرء بعد الموت يسكنها، إلا التي هو قبل الموت بانيها.

إذا ذكرت الموتى فعدّ نفسك أحدهم.

الموت هو انقطاع تعلق الروح بالبدن، ومفارقتها له، والانتقال من دار إلى دار، وبه تطوى صحف الأعمال، وتنقطع التوبة والإمهال.

من عرف الموت هانت عليه مصائب الدنيا.

[رندة.]

السلام عليكم ورحمة الله وبركاته
مرحبا بجميع الفراشات وان شاء الله كامل تكونو بخير

بالنسبة لتحضيرات رمضان أنا أول حاجة نديرها هي شراء الأواني إلي نحتاجها، وفي الحقيقة العمليّة هاذي بديت فيها من شهر رجب، لأنو غير مؤخرا باش لحقتني الموجة تاع استبدال أواني الطبخ بأواني الاينوكس، وعلى هذا بديت كل مرة نبدّل حاجة حتان كملت قاع واش نحتاج، كاين منهم إلي استعملتهم مباشرة وكاين إلي راح ندّشنهم في هذا رمضان.

شريت ثاني شوية طباسة، طراشن. طبق تاع الخبز. رحاية تاع التوابل. طباسة تاع الفلون. مغرف تاع العود لتحريك الأكل.

[رندة.]

أهلا وسهلا بأم شمسو الغالية على قلوبنا
وجودك في الصفحة يعطينا حافز كبير للإنجااز والعمل الدؤوب الغير متعب، غرستني فينا حب العمل المنزلي بسلاسة ورويّة وبدون قلق أو استعجال، رانا ندعولك من كل قلبنا بالتوفيق وأنو ربي يجازيك خير على كل ما قدمتيه وتقدميه في قسم المنزل.

أم هزار أنا ثاني كانت تصرالي كي نكتب ردّ طويل ونتفّنن فيه ما يفوتش، وأمبعد ننسى قاع واش كتبت ونمّل باش نعاود نكتب ردّ جديد، على هذا وليّت نقوم بنسخ النص قبل ما نعتمد الردّ بالضبط كيما شرحتلك رويدة.

[جهينة اليقين]

السلام عليكم الهمة والنشاط الله يبارك
اهلا ام شمسو يسال عليك الخير ليك وحشة انت ورويدة
كملت يبست القمح وراني نستنى المعلم يطحنو وضرك كنت نوجد فجومبو منزلي للصلصات تاع دداح صحي وتاع الدار خبيت شوي جلبانة وليمون معصور ونقيت
الزرارع لخبز القمح الله الله والتشيشة تاع الشعير فالحقيقة خدمتها لي اختي والتنظيف والله ما بديت من غير الروتينات مازال ما استقرت ظروفي ربي يوفقنا ويبلغنا رمضان

[rowaida18]

و عليكم السلام و رحمة الله غاليات.......

مرحبا باللمة الطيبة التي جمعت الأحبة .....................
مرحبا بأخواتي مجددا ....أم شمسو جزاك الله خيرا على تلبية الدعوة و ان شاء الله ترافقينا في هذه الدورة .......و أنا مثلك راني فالكوزينة البارح خلصت الحيوط و الرفوف ..و مازال البلاكارات أسفل البوتاجي اليوم ان شاء الله ننظفهم فالليل و بغرضي ...

رندة بصحتك الأواني اللي شريتي و خصوصا الإينوكس ....و كيما قلتلكم من قبل ليس شرط أن تشريهم دفعة واحدة لاكن كل ما سمحتلكم الفرصة.....و أصدقكم القول و الله أحيانا نروح نشري في لباس للمناسبات و يكون ثمن مرتفع ..نخمم مع روحي و نقول المناسبات خطرة فالزمان و المبلغ كبير و عندي لباس في حالة جيدة فنقول و الله غير نخرج نشري بهذاك المبلغ أواني أو أغراض ذات نوعية جيذة و تنحي عليا الغبينة طوال السنة ....خير من لبسة تلبسيها لمدة ساعات و ترجعي تخبيها فالخزانة سنة كاملة أو أكثر....و هكذا درت مجموعة مليحة من الأدوات الكهرو منزيلية جيدة النوعية.......

جهينة بصحتك أنتي أيضا ......و راني معاك في تحظير القمح .....نظفتو هذي مدة و أعطيتو للزوج رحاهولي في المطحنة و جابهولي و زدت شريت القمح العادي باش نخلطو معاه كي نحضر الخبز......

و بالتوفيق للغائبات

[قرويجة]

المشاركة الأصلية كتبت بواسطة ام هزار

مسك الختام عزيزتي ام ضحى الحقيقة انا ايضا افتقدتكم كانت عندي مهمات علي انجازها
فقط اليوم مساء اكملت ترتيب الخزانة للغرفة الثانية بقاتلي البلاكارات بادن الله غدا نكملهم راني لاهية شوية مع هزورة مريضة ربي يشافيها
اختي قريوجة انا شفت الخزائن البلاستيكية بصح ما نيش متاكدة من فاعليتها ممكن تشوفي قناة سارة كويزين راهي عاملة عليها فيديو
البقية ربي يعانكم و يعاونا جميعا
احبكن في الله

السلام عليكم

شكرا خبيبتي أم هزار على النصيحة ضرك نشوف القناة لي قلتيلي عليها

ربي يشفي هزار شفاء لايغادر سقما

تحياتي لكل الأخوات

[rowaida18]

أختي أم هزاز سامحيني لأني نسيت لم أسألك عن هزاز ...كيف حالها الآن ..........و ربي يشفيها آآآآآآمين

[قرويجة]

السلام عليكم

اليوم خرجت مع زوجي رحنا لإنو مستغانم داني نشريشوي ماعن خصوني

دختلو فالطريق رجعني للدار كانت اسخانة 35

وأنتوما خياتي السخانة عندكم اليوم

[ام شمسو محمد]

🌹🌹🌹🌹
* { وَاصْبِرْ لِحُكْمِ رَبِّكَ فَإِنَّكَ بِأَعْيُنِنَا ۖ}*
* ما أجملها من آية *..... تبعث في ......
* نفوس المهمومين *....؛ راحة البال ....؛ *
* وطمأنينة القلب * ...؛ وإنشراح الصدر.....
* أمع الله* جُرحٌ لا يَبرأ ....؟
* أمع الله* كَسرٌ لا يُجبر.... ؟
* فثق بالله وأعلم أن * ....
حُبُّكَ للّه ....؛
* وَخُضُوعُكَ لَهُ *....؛
وَذُلُّكَ إِلَيْهُ....؛ *هُو عِزُّكِ الحَقِيقِيُّ *
* آللّهُــــمَّ *......
* اِرْفَعْ عَنَّا * كُلُّ شَكْوَى ....؛
* وَأَكْشِفُ عَنَّا * كُلٌّ بلْوِي ....؛
* وَتَقَبَّلَ مِنَّا * كُلٌّ نجوى ....؛
* وَأَلْبَسْنَا لَبَاس التَّقْوَى*....؛
* وَأَجْعَلُ الجَنَّةَ لِنَّا مَأْوَي...
* أَمِيْنَ يَاْآآآرَبْ اَلْعَاْآآآلَمِيْنَ *
🌹🌹🌹🌹

[ام شمسو محمد]

��������
المتأمل في تقلب الجو الآن يدرك أن ...

لا شيء أيسر على الله من تقليب أحوال العباد .. من مسيء إلى محسن ؛ ومن شقي إلى سعيد ؛ ومن مظلوم إلى منتصر !

اللهم غيِّر حالنا الى أحسن حال
...

[ام شمسو محمد]

رويدا ربي يعاونك في الكوزينة ...صمام الامان نتاع المنزل ...انا سياستي معاها النفس الطويل ..و الحل الوحيد اللي خلاني نسيطر عليها هو الروتينات مقسمة كل عنصر فيها لعمل يتكرر اما يوميا او اسبوعيا او شهريا
حتى الحيوط و النوافذ و الابواب نغسلهم مرة في الشهر بحصة نتاع ربع ساعة مع الساعة الاسبوعية
عندي خمس دقايق يومية لفرز و ترتيب كل البلاكارات ...هكذا ماتتفاقمش خلاص و دايما لحوايج في بلايصها و حتى و نغفل اليوم غدوة نصيدها
الثلاجة عندها نصيبها اليومي من الترتيب الخفيف و ازالة كاش بقع او تسربات ...و حصة اسبوعية من التنظيف مفيدة جدا و مخليتها توب ...مانحتاجش التنظيف العميق الا كل فصل ربما
الفرن البؤرة الاصعب نلاحقها يوميا بعد العشا نرشها بمحلول الما و الخل و الازيس ...ننبهكم البنات هذا المحلول يمنع الدهون كليا من التشكل ...كي نغسل لماعن نولي نصوبنها و نمسحها ...طبعا بلا ماننسى الحيط اللي وراها...دقيقتين برك كل يوم تنحي عليا الغبينة
طابلة الماكلة كذلك نرشها و نمسحها يوميا
الاسطح نتاع البوتاجي و الابواب و الفايونص اللي فوقو يوميا
ماعن الكطهو كيما المقالي و الكوكوت و القدرة و الكسرولات دايرتلهم روتين نتاع نقع و حكان كلما يتحرقو او يبداو يكحالو
الارضية نسيقها كل يوم ...و مرة في الاسبوع حكان و تنظيف عميق في عشر دقايق
نص ساعة بالكثير كل يوم تكفي لهذي العمليات
و النتيجة ناكدلكم مرضية جدا
لذلك ماحرتش هذي المرة من التنظيف العميق
الفرن نخليه لبعد رمضان خير ..راهو معقول الان مافيهش حتى ترسبات او بقع

[ام هزار]

[COLOR="DarkOrchid"]بارك الله فيكما اختاي رويدة و قريوجة على السؤال عن صحة هزورة راهي في تحسن و الحمد لله و بالسياس عليك اختي قريوجة و حدار من الجو المتقلب و خاصة و انت بالحمل
اختي ام شمسو جزاك الله عنا خيرا فاقتباساتك الايمانية تثلج الصدر و تاصل اليقين في القلوب و تبعث البهجة في الصدور
بقية الفراشات اتمنى لكن التوفيق عني فقد اكملت ترتيب الخزائن الحائطية للغرفة الثانية بقالي فقط نظفها عميييقا من الجدران و السقف وووووووو/COLOR]