عروستنا في المطبخ - الصفحة 4

ام نسمة · 2013-09-16, 18:28

****اللحوم ..نصائح ..تتبيلات.... ****
1-اللحوم الحمراء

اللحوم البيضاء

اللحوم البحرية

اللحم المفروم

هذا الدرس ستقدمه لكن ام كوثر كونو في المتابعة

ketkouta · 2013-09-16, 20:44

الف شكر لك يا اعطر زهرة فل في الدنيا ربي يجازيك ان شاء الله
في انتظار درس الاخت أم كوثر على احر من الجمر...

عطر الياسمين الاصلي · 2013-09-16, 21:02

موضوع اكثر من رائع بارك الله فيك على هده الافكار وهدا الجهد جعله الله في ميزان حسناتك وبالتوفيق لكل العرائس

ام نسمة · 2013-09-16, 23:27

****القهوة والحلويات *****

بما انكي عروس لازم تحرصي ان تكون مائدة ضيوفك انيقة ومحتواها من قهوة الى حلويات يكون لذيذ عادة الضيوف يأتون بعد العصر للزيارة لانكم ساكنين وحدكم لذا لن يزعجوكم بعد الظهيرة الا اذا كان شخص سامط ههههههههههههه اذن بعد غسل مواعين الغذاء جهزي القهوة والحليب والحلويات وحطيهم في الالون وغطي طبق الحلويات بمناديل ورقية او حتى مناديل من قماش مطرز وجميل رتبي كل شيئ بعدها اذهبي لاخذ القيلولة حتى اذا جاء ضيوف لا تتلبكي في المطبخ ما عليك الا التانق والجلوس معهم فقط

الحلويات رتبيهم كلهم في سنيوة كبيرة وحطي اطباق فردية للتقديم
كي تعملي القهوة غليها في ابريق مع ملاعق سكر فقط يعني ماتسكريهاش بالكامل فقط بضعة ملاعق وخليهم يغلو راح يبنن القهوة ويعطيها ذوق جميل
الحليب استعملي فقط لحظة باش قهوتك بالحليب تجي بنينة اكثر وتعجبهم

ولا يفوتك تحضير القهوة التركية لزوجك ان كان من عشاق القهوة وقدميها بطريقة جميلة واحتسي معة قليلا منها حتى وان لم تعجبك لكن ماعليش شاركيه فيها

نسيم الإيمان · 2013-09-16, 23:58

يعطيك الصحة اختي زهور الفل
ماكانش ردود بزاف في الموضوع و نظن خاطر هذ القسم مايجيوهش بزاف
يدخلو طول للمعجنات او الحلويات او....
و مايتولهوش للموضوع
ان شاء الله يكون تفاعل اكبر
بارك الله فيك على المجهود

سميحة 01 · 2013-09-17, 11:15

بارك الله فيك زهور الفل يا الله بدنا همة اكثر يا اخوات المنتدي حتى نشجع الغالية زهور الفل على المزيد من العطاء

و اكثروا من الضغط على كلمة الشكر لانوا كااامل نحبوها هههه

في انتظار جديد زهور الفل و نصائح و تتبيلات ام كوثر

سلام

أم ماجد · 2013-09-17, 15:16

موضوع جد رائع تستحقين وسام لأجله 444444444444444444444444444444444

لبنات ركزوا معاها مليح
الوصول لقلب الرجل معدته كاينة منها لبنات ركزوا ركزوا

ام نسمة · 2013-09-17, 16:58

اقتباس:

المشاركة الأصلية كتبت بواسطة أم ماجد

موضوع جد رائع تستحقين وسام لأجله 444444444444444444444444444444444

لبنات ركزوا معاها مليح
الوصول لقلب الرجل معدته كاينة منها لبنات ركزوا ركزوا

اهلا عززيزتي ام ماجد
نورتي الموضوع
وياريت تفيدينا حتى انتي بخبرتك وتجاربك في الحياة المطبخية
اكيد راكي خبرة كبيرة في المجال

ام نسمة · 2013-09-17, 17:05

*مرحبا رجاء اطلب من كل الشافات اللي معانا انهن يفيدو عرايسنا بخبرتهم الكبيرة في مجال الطبخ

عمري ضايع · 2013-09-17, 17:37

كل مرة موضوع وكل مرة افادة...راني غير نتابع ونعمر في راسي ربي يبارك فيك

ام نسمة · 2013-09-17, 19:57

******السفة لا زم يا عرايس تعملوها بافخر المكونات ********

بما انكي عروس جديدة في بيتك فلازم تعملي السفة لضيوفك وباش تعمليها مليح لازم تحرصي ان تكون كل المكونات فاخرة جدا
اولا ابدا بالكسكسي لو بيكون مفتول في الدار راح يكون لذيذ بزاف قبل العرس وصي امك او وحدة من عائلتك تفتلك قدر 50 كغ اديها معاك
ناس زمان يقولو غير الجايحة دارها تفرغ من الطعام المفتول
لذا احرصي ان يكون الكسكس متوفر لديك طوال السنة لازم لازم
اشتري الزبدة الحرة تاع البقر اشري 1كغ وديريها في بوات والى المجمد ماراحش تفسد بصح خلي كمية مليحة التحت في الفريقو
تستخدميها في اول شهر
الكسكس اساسياته باينة هي اغسليه وعصريه بيدك وخليه ينتفخ شوية
ومن بعد حليه بمغرف زيت
وافركيه مليح وديريه يفور ونحي ورشي مليح بالماء وخليه يبرد مغطى بفوطة مطبخ
وعاودي رشي وفوري ل 2 مرة وكي تعاودي ترشي بالماء اضيفي الملح وشوية مارغارين صول ورجعي يفور لاخر مرة
نحيه وادهنيه مليح بالزبدة الحرة وشوية مارغارين وزينيه بالبيض المغلي والمكسرات وراح اقدملك صور عن نماذج التزيين والتقديم اتمنى ان تروقك
وقدمي معه لبن وليس حليب واحرصي ان تقدمي في اطباق فردية حسب عدد المعازيم راح يكون اريح وارقى
احسن من انو يتخاطفو على المكسرات وواحد ياكل اكثر من واحد هههههههههههه يعود يغشه يشرق هههههههههههه
والان اتركك مع الصور

ام نسمة · 2013-09-17, 21:55

يلا بنات نحطو القائمة مع بعض للاواني المنزلية الضرورية لكل بيت
وكما تحبو سوا نبدو باواني العزومات او الاواني اليومية
انتظر تفاعلكن لننطلق معا

ailemak · 2013-09-17, 22:34

baraka lahou fik khti, rabbi yjazik, deja ana nsselek rohi w na3ref n9oum t3am mais leftil non mana3refch lol
bghitek dirina sujet 3la tartib la table te3 l akl

nadjet.alwalid · 2013-09-17, 22:45

بصراحة استفدت كثيرا ، تفاصيل لطالما نهملها في حين أنها الأهم في عملية الطبخ
الرجال يتعودو على اكل الوالدة في حين تكون البنت المتزوجة حديثا اغلب الاحيان مش خبيرة كحالتي على هذا نخاف اكلي ما يعجبش الحبيييييييييب
تااااااااااابعي ، أجرك على الله

أم ماجد · 2013-09-18, 09:01

زهور انا في خدمة العرايس حبيبتي ياك انا عروسة كبيرة ههههههههههه
اعطني اسئلة محددة نجاوبك عليها