كفة الحرب غير متوازنة لتستسلمي الهام - الصفحة 4

ام سهام 02 · 2013-06-04, 13:06

مشكورة راكي دايرة النشاط و الحيوية في المنتدى
يعطيك الصحة

sissou nrdn · 2013-06-04, 13:09

و الله ضحكتيني ام ماجد راكي مدايرة امبيونس هايلة و انا نشهدلك انك طباخة ماهرة ما نخافش من وصفاتك كي نطبقها تجي دايما قدقد لكن ما ننساوش ان الهام ايضا حبوبتنا و شاطرة في الكوزينة لكن ما تلحقش عليك
صراحة ام ماجد ما نتمناش نكون طرف في الحرب هههه........ ربي يدوم هاذ الجملة و المحبة

أم ماجد · 2013-06-04, 13:14

اقتباس:

المشاركة الأصلية كتبت بواسطة oum abdelkader

مشكورة راكي دايرة النشاط و الحيوية في المنتدى
يعطيك الصحة

شكرا شكرا

اقتباس:

المشاركة الأصلية كتبت بواسطة sissou nrdn

و الله ضحكتيني ام ماجد راكي مدايرة امبيونس هايلة و انا نشهدلك انك طباخة ماهرة ما نخافش من وصفاتك كي نطبقها تجي دايما قدقد لكن ما ننساوش ان الهام ايضا حبوبتنا و شاطرة في الكوزينة لكن ما تلحقش عليك

صراحة ام ماجد ما نتمناش نكون طرف في الحرب هههه........ ربي يدوم هاذ الجملة و المحبة

ان شاء الله اختي ربي يدومها

faizarbh · 2013-06-04, 13:15

ما شاء الله عليك حبيبتي الغالية أم ماجد واش هادا كلو ربي يزيدلك و يبارلك و يرزقك من واسع خيراتو ما شاء الله
تطبيقات روعة سلامي ل عبد الحفيظ الغالي

فدوى فؤاد · 2013-06-04, 13:16

وش رايك حبيبتي ام ماجد اديرو الطبق الفاصل بيناتكم من حيث النجاح وسرعة التطبيق والبنة احنا لجنة التحكيم ونذوقوا ونحكموا بصح لازم يكون حاجة جديدة

إلهام07 · 2013-06-04, 13:25

ماراني متخفية ماوالو
من الصباح المنتدى مايفتحش حتى الآن مافهمتش لاه أنتوما فتح معاكم وانا لا
وزيد عندي خدمة لفوق راسي كي مافتحش المنتدى فرحت قلت خلي على الأقل نركز في خدمتي نخلص بسرعة ونقعد في المنتدى براحتي .

هذا ردي :
* تاريخ التسجيل :
أنا انتسبت للمنتدى على جال أختي تحب الخياطة كنت نهزلها لي باترون بصح كنت ماندخلش لقسم الطبخ حتى الشتاء هذا كنت نحوس على وصفة والله ماشفيت نتاع واش لقيت طبق أم رامي نتاع الشفلور طبقتو عجبهم زدت هزيت وصفة بريوش ثاني طبقتو ماتو عليه ومن هذيك وليت مدمنة على المنتدى
* عدد التطبيقات :
كي بديت نطبق كنت خجولة نأخذ الوصفة ونطبقها بصح نحشم نحط رد أو نحط التطبيق نتاعي وبالشوية والفت وبديت نحط التطبيقات والمواضيع
* السن :
كي راكي تقولي أنت كبيرة ، أولا راكي غير تبعدي في العين باينة مازلتي غزالة غير تلعبي فيها برك باش مانديوهاش فيك وشكون اللي قالك أنا صغيرة علاه 2 3سنة قليل
* الصحة :
عندي مرض مزمن في ركايبي مانقدرش نوقف بزاف او نمشي بزاف أو نطبق رجليا لمدة طويلة ومرض مزمن في عمودي الفقري مانقدرش نقعد عادي كي الناس راني نسوفري في الخدمة ومع ذلك صامدة نخدم ونمشي ونوقف في الكوزينة حتى يتفخو ركايبي الصح راهو في المورال
الحاجة الوحيدة اللي حبست عليها ، مانقدرش نروح للجامع مستحيل نقعد عادي ونزيد نطبق رجليا الله غالب .
* المسؤولية :
مانقدرش نحكي ظروفي الخاصة على المباشر بصح متحملة مسؤولية كيفي كيما أي رب أسرة نخدم نروح نقضي ومتحملة كامل المسؤولية مع امي في الدار مني مرأة مني راجل أوووووووووووووه بكيتيني .4
من بعد نكمل

فدوى فؤاد · 2013-06-04, 13:31

اووووه يالهام يمالا خسارة علينا والله غير نقصروا ربي يحفظك ويعطيك الصحة والعافية ان شالله ويقدر ك على فعل الخير اكثر واكثر

أم ماجد · 2013-06-04, 13:38

اقتباس:

المشاركة الأصلية كتبت بواسطة faizarbh

ما شاء الله عليك حبيبتي الغالية أم ماجد واش هادا كلو ربي يزيدلك و يبارلك و يرزقك من واسع خيراتو ما شاء الله

تطبيقات روعة سلامي ل عبد الحفيظ الغالي

شكرا ام الفوز توحشناك حبيبتي

انت الاروع

أم ماجد · 2013-06-04, 13:41

اقتباس:

المشاركة الأصلية كتبت بواسطة إلهام07

ماراني متخفية ماوالو
من الصباح المنتدى مايفتحش حتى الآن مافهمتش لاه أنتوما فتح معاكم وانا لا

وزيد عندي خدمة لفوق راسي كي مافتحش المنتدى فرحت قلت خلي على الأقل نركز في خدمتي نخلص بسرعة ونقعد في المنتدى براحتي .

هذا ردي :
* تاريخ التسجيل :
أنا انتسبت للمنتدى على جال أختي تحب الخياطة كنت نهزلها لي باترون بصح كنت ماندخلش لقسم الطبخ حتى الشتاء هذا كنت نحوس على وصفة والله ماشفيت نتاع واش لقيت طبق أم رامي نتاع الشفلور طبقتو عجبهم زدت هزيت وصفة بريوش ثاني طبقتو ماتو عليه ومن هذيك وليت مدمنة على المنتدى

* عدد التطبيقات :
كي بديت نطبق كنت خجولة نأخذ الوصفة ونطبقها بصح نحشم نحط رد أو نحط التطبيق نتاعي وبالشوية والفت وبديت نحط التطبيقات والمواضيع

* السن :
كي راكي تقولي أنت كبيرة ، أولا راكي غير تبعدي في العين باينة مازلتي غزالة غير تلعبي فيها برك باش مانديوهاش فيك وشكون اللي قالك أنا صغيرة علاه 2 3سنة قليل
* الصحة :
عندي مرض مزمن في ركايبي مانقدرش نوقف بزاف او نمشي بزاف أو نطبق رجليا لمدة طويلة ومرض مزمن في عمودي الفقري مانقدرش نقعد عادي كي الناس راني نسوفري في الخدمة ومع ذلك صامدة نخدم ونمشي ونوقف في الكوزينة حتى يتفخو ركايبي الصح راهو في المورال

الحاجة الوحيدة اللي حبست عليها ، مانقدرش نروح للجامع مستحيل نقعد عادي ونزيد نطبق رجليا الله غالب .
* المسؤولية :
مانقدرش نحكي ظروفي الخاصة على المباشر بصح متحملة مسؤولية كيفي كيما أي رب أسرة نخدم نروح نقضي ومتحملة كامل المسؤولية مع امي في الدار مني مرأة مني راجل أوووووووووووووه بكيتيني .4
من بعد نكمل

الهام راني نضحك معاك فقط حبيبتي حاسة بيك بلا ماتتكلمي سبحان الله

احبك الهام احبك الهام

رانا عمريات ونص وخمسة وعشرين
منا رجال منا نساء

إلهام07 · 2013-06-04, 13:49

على بالي حبيبتي باللي تضحكي أصلا كان هدفي من الموضوع نزهي الحالة ونكسر لروتين ونشط الأخوات باش يتحمسو ويطبقو
بصح كي قاعدة نكتب في الرد كيما يقولو بالمصري " قلبتي عليا المواجع " وأنا أصلا دمعتي قريبة

أم ماجد · 2013-06-04, 13:56

اقتباس:

المشاركة الأصلية كتبت بواسطة إلهام07

على بالي حبيبتي باللي تضحكي أصلا كان هدفي من الموضوع نزهي الحالة ونكسر لروتين ونشط الأخوات باش يتحمسو ويطبقو
بصح كي قاعدة نكتب في الرد كيما يقولو بالمصري " قلبتي عليا المواجع " وأنا أصلا دمعتي قريبة

عندي خبرة في الحياة وفهمت
المهم امسحي دموعك والبسي واعدلي روحك وهيا للعرضة في الصالة تاع بروقة والجماعو راهم ينتظرو ا

إلهام07 · 2013-06-04, 14:02

هيه ضرك كي خلاصت البكية نولي ليك :

التطبيق الفاشل نتاعي واش هو : صلصة التوفي ؟
يالالة ، جا فيها ريحة الحريق لاخاطر تحرقلك السكر ، لازم هنا تكوني حذرة معاه وماتخليهش يتحرق كي يبدا السكر يذوب تبداي تحركي في الطاوة من ذراعها وإلا يتحرق السكر من الحواشي وفي النص يبقى مايذوبش وكي يذوب معظمه هنا تبداي تحركي فيه بملعقة باش تسرعي العملية ويزرب يذوب بلا ما يتحرق لازم ماتقويش النار ، هذا راهو ماشي كيما الكاراميل نحرقو السكر حتى نحيولو جدو

oum anas 69 · 2013-06-04, 14:03

إلهام معليش عزيزتي هذه هي الدنيا كل واحد واش أعطاتو و ياربي ياربي و يا ربي يفرحك بوليد حلال لي يستاهلك و يقدرك و يحميك و يعوضلك التعب و الشقا .... أيا خاص حنا ثاني رانا نبكوا معاك و الله غير الدموع طاحولي صاي أمسحي دموعكو أرجعي كيما كنتي قبل و الله نقلكم ديرو هدنة ههههههههههههه و الله يا لعرضات عيينا وأحا نستناو ههههههههه وقيلة أم كوثر راحت و خلاتنا

oum anas 69 · 2013-06-04, 14:06

إلهام هذا السؤال محيرني من قبل بزاف جامي تجبدي والدك الكريم ... يعني تهدري غير على ماماك و خواتاتك ماتقوليش ....... أسمحيلي

imanewafa · 2013-06-04, 14:12

انا لا اعرف السطايفيات و لكن من خلال مشاركات ام ماجد احسست بطيبتهم و روحهم المرحة مما جعلني ابحث دائما عن اسم ام ماجد في المنتدى لك مني الف تحية