اقتباس:
المشاركة الأصلية كتبت بواسطة rate12400
السلام عليكم اخي الكريم
يعطيك الصحة خويا لعزيز على هاذ الموضوع الاكثر من رائع وربي يكثر من امثالك .... كاين حاجة ماشي عاجبتني فينا كجزائريين انو السواد الاعظم يدخلو الانترنت غير نستفيدو وقليل جدا اللي يحاول انو يفيد ويستفيد وهذا حسب خبرتي المتواضعة كمراقب عام في احد المنتديات الجزائرية الهادفة... ربي يهدينا ويزرع فينا حب العطاء
خويا عبدو حبيت نسقسيك شوية تاع اسئلة وارجو انك تعطيني اجابة شافية ووافية حسب خبرتك
عندي 100 مليون وحاب نشري سيارة من السوق وانا راني محتار بين 4 انواع
yaris , 207 hdi , clio 3 dci , polo 1.2 ( واذا كاين حاجة اخرى تنصحني بيها ما تبخلنيش)
او golf 5 تكون ماشية بالزاف
ومع العلم اني نخدم في الصحراء يعني السيارة رايح نسوقها شهر ونقاريها في القراج شهر وحاب نكسب على الاقل 3 او اربع سنوات
- المشكل ماعندي حتى خبرة في الشراء من السوق كيفاش تنصحني باه ما نطيحش في الخدع وماهي الاجراءات المعمول بيها بين البائع والشاري عند الاتفاق على المبلغ .
- حسب خبرتك واش من سوق موافق في الاسعار و مافيهش الترافيك و السيارات المعروضة موثوقة و مضمونة
-سؤال اخير واش رايك في سيارة BYD F3 الصينية اللي تشبه للكورولا الشكل القديم 2002-2006 والموتور تاعها ميتسيبيشي 1.6 حسب علمي انها عندنا محقورة بالزاف لكن المصريين يشكرو فيها بالزاف سيرتو انو البياس تاعها تاع الكورولا و الميتسيبيشي يركبو عليها نورمال
اسمحلي على الاطالة خويا عبدو وربي يهنيك ويحفظك
|
العفو اخي وانا ما دمني على قيد الحياة بربي إنشاء الله نقدم النصح والمساعدة قدر المستطاع
اما بالنسبة السيارة اللي ننصحك بيها عن نفسي نفضل سيارة 207 ونفضل تكون ليسانس على HDI لأن اليسانس الأعطال فيها سهلة بزاف على المازوتي وكذالك المازوتي سعر قطع الغيار ممكن تكون غالية
اما بالنسبه للإجراءات باش ما تخدعش في سوق السيارات أول شيء وثائق السيارة لازم تكون صحيحة وبعد ما تعجبك سيارة تروح انت وصاحب السيارة للدائر اللي فيها عنوان الشخص صاحب السيارة في البطاقة الرمادية وتتطلبو من الدائرة يعطوك فيش كنترول fiche controle وهذا يثبت أن السيارة مسجلة في تلك الدائرة ويعني ان السيارة راها مسجلة وبعد تروح إلى مهندس المناجم مع صاحب السيارة ويشوف الرقم التسلسلي للسيارة ويخبرك أن السيارة رقم تسلسلها ما فيه حتى شبها يعني هنا في ذي الحالة تقدر تشتري السيارة وتعطي المبلغ المتفق عليه فقط لازم تخبر صاحب السيارة أنك راح تقوم بهذه الإجراءات وهو برفقتك لأن كاين بعض الناس يقلك خلصني وبعد انت روح وحدك جيب فيش كنرول وروح وحدك للمهندس المناجم وهذي انا الطريقة ما تعجبنيش لأن صرات بعض الحالات أنك تروح تجيب فيش كنترول فيتم القبض عليك من طرف الشرطة لأن السيارة كان قد تم الإبلاغ عنها من صاحبها الأصلي و أن السيد الذي إشتريت من عندو مجرد سارق ولص ومجرم وهذه الحالة قليلة لكن انا شفت ناس قدامي خبروني عليهم بللي صراتلهم لكن مش يعني راح تخاف يا اخي وتبطل لا فقط للعلم لأنك لو تخاف مش راح تشري وطبعا هذه قليل وين تصرى
اما بالنسبه لسيارة BYD اللي تكلمت عليها نعم شنوية ومحركها ميتسيبشي لا بأس بيها لكن ان لا أحب السيارات الصينبة وغذا حاب تشريها عادي تقدر تشريها لأني نعرف واحد عندو يخدم في إيليزي يشكر فيها
ولا أنسى كذالك طلبت مني ان أخبرك عن السوق اانا بصارحة اللي نروح ليهم بزاف سوق حاسي فدول يوم الإثنين الذي يبعد عم عين وسارة حوالي 65 كلم فقط وهو سوق كبير وكذالك سوق عين الرومية لكن سوق صغير ممكن يكون محلي ويبعد عن الجلفة حوالي 30 كلم في طريق الأغواط
أتمنى أن تكون إستفدت ولقيت الجواب وأرجو فقط الدعاء لي بالخير
أخوكم عبدو
( تقرير عن مشاركة سيئة )، و الموجودة أسفل كل مشاركة .
2012-02-26, 22:04
هل عندكم مشكل ما ( خاص بالسيارات )
العرض العادي
