حلقات السيدة يعلى حصريا - الصفحة 4

sisi 26 · 2012-03-16, 16:53

شكرا أختي الكروان على الترحيب

الكروان الجريح · 2012-03-16, 16:58

شكرا ليك اختي سيسي سمعت حصة الثلاثاء و راني حطيت وصفة خبز الباي

sisi 26 · 2012-03-16, 17:01

عفوا أختي رانا لبعضنا

sisi 26 · 2012-03-16, 17:31

موسكتشو 2 بيضات للسيد يعلى
2 بيضات + كأس سكر عادي + كأس حليب +نصف كأس زيت + كأس مايزينة + 2 كيسان فرينة + 2 خميرة كيميائية + فانيلا
خلطي بالباتور البيض و السكر و الفانيلا حتى يتضاعف الحجم ثم زدي حطي الزيت وخلطي ملح ثم الحليب و خلطي ثم المايزينة ثم أضيفي خليط الفرينة و الخميرة و خلطي بمغرف في اتجاه واحد حتى لا يتكسر البيض ثم فرغي الخليط في مول مدهون بالزبدة و مرشوش بالفرينة و دخليه الفرن حتى تتأكدي بلي طاب دخلي سكين و إذا خرجلك ناشف اعرفي بلي طاب و شهية طيبة
ملاحظة المقادير كيليها بنفس الكأس : على حد قول السيدة يعلى الكأس اللي تبداي بيه كملي بيه
ما تضحكوش عليا خويا الصغير فتحلي عليه هبطلي موالف يخرجلي مليح على هذا نصيحتي متفتحوش عليه إلا بعد 25 دقيقة

التزيين حسب الذوق

sisi 26 · 2012-03-16, 17:44

هذه وصفة أخرى للسيد يعلى****ز بالمايزينة
250 غ مارغرين طرية + كأس سكر ناعم + حبة بيض + نصف كأس نواد كوكو + نصف كأس كوكاو مرحي + كأس حبيبات الشكولا + 3 كيسان مايزينة + كأس فرينة + 1 خميرة كيميائية
خلطي جميع المقادير للحصول على عجينة طرية و محببة شكلي كريات بحجم حبة الجوزة هبطي كل كرية بفرشيطة و دخليها الفرن بدرجة الحرارة 180 و مدة الطهي من 20د إلى 25د
التزيين :ذوبي علبة شكولا مع 2 مغارف كبار ماء على نار هادئة حتى تخثار حطيها في لا بوش أ دوي و اللي معندهاش ديرها في ساشي حليب و دير خطوط عكس اتجاه خطوط الفرشيطة ثم رشي بالسكر الناعم
شهية طيبة
ملاحظة : عبري بكأس اينوكس
****ز ماعلابليش علاه حرف الكاف و الواو و الياء راه يخرج نجمات الكلمة

mimi53 · 2012-03-16, 19:08

شباك الجنة
هي حلو تقلى في الزيت من عائلة القريوش اللي ميعرفهاش
المقادير
125غ فرينة-
50غ سكر عادي -2حبات بيض-ملعقة فاني-قرصة ملح-جريها بالماء او الحليب ومن الافضل الحليب على قول السيدة يعلى تقريبا كاس لكن غير بشوية يعود يجي جاري بزاف وعينك هي ميزانك ولازم تكون كيما الموسكوتشو
نحط المقلة فيها الزيت ونحطوها تسخن نضع المول نتاع شباك الجنة الشكل نتاعو هادا هو الي ما يعرفوش

ثم يغمس في الخليط يرجع الى الزيت
ملاحظة الزيت لازم تكون سخونة بزاف باش يحكم الخليط داخل المول
ثم يرجع الى الخليط وهكدا 3 مرات حتى يثبت الخليط جيدا ويطيح من المول واحدو هدهي العفسة اللي في هاده الحلوة على قول حبيبتي يعلى
وشهية طيبة

وهدا شكلها هده الحلوة لي اختي ميري بعد ادنها طبعا ادرجتها باش برك تشوفو لشكل

mimi53 · 2012-03-16, 19:59

شكرا سيسي حبيبتي تطبيقكي للموسكوتشو شباب بصحتك حنونة

امال7 · 2012-03-16, 22:55

ماشاء الله عليكن أنا رانى وضعت عدة وصفات و جربتهم قبل مانضعهم للسدة يعلى في المنتدى

sisi 26 · 2012-03-17, 08:52

اقتباس:

المشاركة الأصلية كتبت بواسطة mimi53

شكرا سيسي حبيبتي تطبيقكي للموسكوتشو شباب بصحتك حنونة

شكرا لك أختي ميمي

sisi 26 · 2012-03-17, 08:53

اقتباس:

المشاركة الأصلية كتبت بواسطة امال7

ماشاء الله عليكن أنا رانى وضعت عدة وصفات و جربتهم قبل مانضعهم للسدة يعلى في المنتدى

شكرا على مرورك

mimi53 · 2012-03-17, 10:11

مشكورة حبيبتي امال 7 على مروركي نورتي واهلا بكي بيناتنا ياريت لو تحطينا وصفاتك المطبقة للسيدة يعلى هنا لنستفيد ونفيد وشكرا لكي

mimi53 · 2012-03-17, 19:03

الكاشير
7ملاعق سميد متوسط -7ملاعق روز طايب مليح-1/2 راش ثوم مسكرفج رقيق -ملح -فلفل اسود -كمشة لحم مرحي -ملون غدائي احمر -زيتون ايفيلي -قطع جبن ابيض -6حبات بيض -2علب زباغيتي فارغة طبعا
نخلط جميع المقادير مع بعض ونضعها في ساشي نتاع زباغيتي ونعمل ثقوب لكي يدخل الهواء فيها ونضعها في كسكاس تفور 30دقيقة
ملاحظة
بالنسبة الى الفرماج لابد ان يقطع مكعبات en dé ويخلط مع الخليط

aziza05 · 2012-03-17, 20:41

merci beaucoup

OU SS AMA · 2012-03-17, 22:39

بارك الله فيك موضوع رائع جدا

sisi 26 · 2012-03-18, 08:14

اقتباس:

المشاركة الأصلية كتبت بواسطة mimi53

الكاشير
7ملاعق سميد متوسط -7ملاعق روز طايب مليح-1/2 راش ثوم مسكرفج رقيق -ملح -فلفل اسود -كمشة لحم مرحي -ملون غدائي احمر -زيتون ايفيلي -قطع جبن ابيض -6حبات بيض -2علب زباغيتي فارغة طبعا
نخلط جميع المقادير مع بعض ونضعها في ساشي نتاع زباغيتي ونعمل ثقوب لكي يدخل الهواء فيها ونضعها في كسكاس تفور 30دقيقة
ملاحظة
بالنسبة الى الفرماج لابد ان يقطع مكعبات en dé ويخلط مع الخليط

شكرا لك ميمي على الوصفة كنت نحوس عليها فاتتني السيدة يعلى