هل لديك"ي" فوبيا معينة ؟

[anfal10]

انا تانى نحب المرتفعات او المشكل عندى فالهبطات يعنى لما نشوف التحت نخاف

ام ورود
غمضي عينيك

[salam algeria]

السلام عليكم
انا عندي فوبيا من كل حاجة تجي في بالك ههههههه الحيوانات بأنواعها خاصة الثعبان الحشرات كلها خاصة الدودة ههههه الظلام حتى رجعت نحشم من اولادي
الماء نموت من الخوف منو قصدي البحر و حتى في الدوش لازم المرش ما يجيش على وجهي و لا نحس روحي مش قادرة نتنفس كيما لي راح يغرق و الأماكن المغلقة كارثة مرة كنت في السيارة و و كانت مغلوقة عادي كي هبط الزوج بكى ابني رحت عندو للمقعد الخلفي سكتو وجئت هابطة ما قدرتش نحل الباب لأننا مدايرينلها هاذيك العفسة باش الاولاد ما يفتحوهاش بدا العرق يسيل و دارتلي السخانة و رجعت حمرة و ذاق التنفس و رجعت نخبط في الباب و نحاول نفتح لي من قدام و ما قدرتش رجعت نبكي و نشهد و نستغفر و الله حسيت روحي رايحة نموت و كي جا راجلي لقاني نعيط و تخبط حار فيا و اتخلع شك كشما صرالي

[ام ورود]

المشاركة الأصلية كتبت بواسطة anfal10

ام ورود
غمضي عينيك

او هداك وش كنت ندير،وكنت ندى طريحة كل مرة،و رانى حابة ندير البارمي لكن على هاد المشكل رانى ديما نعطل،رانى نخاف كاش نهار نغمض عنيا في كاش هبطةً.........

[أم شروفة]

عندي فوبيا من الماء ....حتى عندما نكون نسيق ما نقدرش نكثر الماء وكذلك من الظلام .

[ام ورود]

شكرا اختى على الموضوع الشيق

[~اسيل ريحانتي~]

[b]

شكرا على الموضوع الشيق انا يا ختي نخاف من الصراصير بشكل غير طبيعي ههههه ونخاف بزاف من طبيب الاسنان

/b]

[(( هبة الرحمن ))]

السلام عليكم

عندي فوبيا من نوع خاص
لا أخاف الأماكن العالية مهما كان علوها ( ركبت الطائرة عادي ....بقيت لمدة في سكن بالطابق 16 ( ليس بالجزائر ) ....أصعد وأنزل بالمصعد ...نورمال )

المشكل أني أخاف من هذا :
-
-
-
-
-
-
-
-
-


حقا

والله العظيم ...مجرد رؤيته في غرفتي .آآآآآآآآآآآآآآآآآآآآي ......لا أنام الليل إلا إذا تم قتله ........

نبات نتحسس ونشعر بقشعريرة في جسمي ونومي يكون متدبدب نقول راه في رجلي ...راه في راسي ...راه ف ي دراعي .................

من كثر الخوف بحثت كثيرا فوجدت له دواء الحمد ريحت منه ...لأنه في فصل الصيف يظهر ..................

[hiba6]

اول ما رأيت الموضوع يتكلم عن الفوبيا ..ولجته بسرعة =)
للأسف عندي فوبيا من الـــــــدم
لآأتحمل رؤية الجروح وا قطرة دم لدرجة الاغماء
كنت اظنها في الصغر حالة رهاب عادية
الا ان كبرت ولازلت كذلك

[السي محمد]

المشاركة الأصلية كتبت بواسطة hiba6

اول ما رأيت الموضوع يتكلم عن الفوبيا ..ولجته بسرعة =)
للأسف عندي فوبيا من الـــــــدم
لآأتحمل رؤية الجروح وا قطرة دم لدرجة الاغماء
كنت اظنها في الصغر حالة رهاب عادية
الا ان كبرت ولازلت كذلك

iهههه

اذكر مرة في الجامعة

كنت اشرف على حملة تبرع بالدم ..

دخلت طالبة

من الباب سألت ماذا يفعلون؟

قالوا لها تبرع بالدم

شافت واحد راقد على لاسرير و الكيس موصول بذراعه ...يتبرع بالدم....طاحت ( اغمي عليها )

هههههه

[sabar inf]

أنا الحمد لله ليست عندي أي فوبيا

[anfal10]

سلامو
شوفي يا اختي انا نخاف من العلالي يعني الاماكن العالية كثيرا

ونخاف من الجرااااااااادة. يا ويلي البارح شفت وحدة على. 10تاع الليل نضت نعيط جاو يجريو حتى قتلوها باه خرجت من الغرفة

شكرا

استسمح الجميع على عدم الرد لدي مشكل في اللابتوب
الاخت سطايفية المرتفعات على حسب الردود الاغلبية تعاني منها يعني عادي لكن فوبيا الجراد .. لا اظن تصل درجة الرهاب خوف انا كذلك لا احب الجراد نزع كي نشوفوا لا اكثر ياوكلين ناس ياكلوهم

[anfal10]

صباح الخير
ارواحي لي شحال مانقدرش حتى نشوفهم تالمون نعيفهم واشمئز من منظهرهم سبحانك ربي بصح الله غالب مانقدرش
كي كنت ساكنة في دار عجوزتي وعندهم حديقة تحتهم يوميا يدخلو لدار سورتو الكوزينة نغلق الباب ووندخل لشمبرتي حتى يدخل راجلي يخرجهم ولا يقتلهم
مرة لقيت واحد ميت في البالكون واله ماقدرت لا نتوشيه ولا نكنسو حتى عيطت لواحدة من العيلة تسكن فوقي جات نحاتو
عندي خوف منهم غير طبيعي
الظلام خوفي الابدي وخاصة الشهور الماضية قرات كذا قصة عن الموت وظلمة ووحشة القبر قريب توسوست بقيت شحال وانا مبسيشيكية وخايفة
بسيف باش نسيت شوية
بصح الظلمة عمري ماقدرت نتخلص من الخوف منها

ام ملاك شكرا على المشاركة
هاهاهاها نعيفهم لكن كي توصل لعضم نقتلهم يا هوما يا انا ما نقدرش نرقد
يكاد الانسان يخاف من كل شيئ سبحان الله العبد ضعيف جدا صحيح لما نفقد شخص عزيز علينا نصبح نفكر كثيرا في الموت و الخوف من الظلمة اتذكر اني كنت لا انام الا بوجود الضوء كان ينتابني شعور غريب اني احس اكثر من الاخرين بوجود من رحلوا عني ,,,,,,ربي يرحم جميع الموتى و يوسع عليهم آمين
اليوم لا اخاف من الظلام اصلا لم اكن اخاف في صغري من اي شيئ تقريبا كنت محاربة
هناك فرق بين الفوبيا و بين بعض المراحل من الحياة التي تترك فينا شعورا بالخوف من شيئ محدد
لا تقولي انك لن تستطيعي تصدي الظلمة فقط حاولي و لا تياسي ابدا ان سقطي فحتما ستنهضين الى الامام

[anfal10]

مانخاف من حتى شيء...الحمد لله

سي محمد شكرا على ردك
الله ابارك ربي ادومها

السلام عليكم ..شكرا على الموضوع القيم..في الحقيقة عندي فوبيا من طبيب الاسنان منذ صغري و الامر تطور عبر السنين حتى اصبحت الفوبيا عندي من مختلف الاطباء ...كلشي نديرو غير الطبيب واحد ما يكلمني عليه ...و عندي اختي تخاف من الجسور تموت و ما تفوتش فوق جسر حتى لو كان صغير ...تحياتي

ام عبد الكريم
انا كنت تلاقيت وحدة تخاف من الابرة التخدير لحد انها كانت يديها ترتعشان من الخوف سالتها لم انت هاكذا قالت لي عندي الوسواس من كل شيء سبحان الله يعني تبقى توحد الله كلما رايت اشكالا و الوانا كل واحد يخاف من شيئ ما ربما نحن لا نراه مهما و نقول لما يخاف و ربما نستهزء لكن يجب معرفة خلفية الرهاب لكي نعالجه و الا الحالة ستتفاقم ربي يشفي الجميع و ان شاء الله ما تشوفي طبيب ....
انا كذلك اختي تخاف من الجسور و السلالم لما تنزل لانها سقطت في يوم من الايام من اعلى السلالم الى اسفلها و الله ضربة ربي ستر الحقيقة ان هذه الحادثة حدثت لي في الحي الجامعي انا تاني اديت ضربة صحيحة الحمد لله جات سلامات و ولكن الفرق ما عنديش فوبيا لا الجسور و لا السلالم و لا المرتفعات و الحمد لله

[جويرية الإيمان]

أنا عندي فوبيا من العلا .

مثلا السلالم

لكن ليست السلالم المغطاة من الجوانب مثل الباطمات لا

السلالم المفتوحة مثلا الجسور أو السلالم الموجودة في المحلات الكبيرة (المول)

أحس بانقباض في صدري و تزداد نبضات القلب وأحس بأنه سيغمى علي .

[anfal10]

لسلام عليكم
انا عندي فوبيا من كل حاجة تجي في بالك ههههههه الحيوانات بأنواعها خاصة الثعبان الحشرات كلها خاصة الدودة ههههه الظلام حتى رجعت نحشم من اولادي
الماء نموت من الخوف منو قصدي البحر و حتى في الدوش لازم المرش ما يجيش على وجهي و لا نحس روحي مش قادرة نتنفس كيما لي راح يغرق و الأماكن المغلقة كارثة مرة كنت في السيارة و و كانت مغلوقة عادي كي هبط الزوج بكى ابني رحت عندو للمقعد الخلفي سكتو وجئت هابطة ما قدرتش نحل الباب لأننا مدايرينلها هاذيك العفسة باش الاولاد ما يفتحوهاش بدا العرق يسيل و دارتلي السخانة و رجعت حمرة و ذاق التنفس و رجعت نخبط في الباب و نحاول نفتح لي من قدام و ما قدرتش رجعت نبكي و نشهد و نستغفر و الله حسيت روحي رايحة نموت و كي جا راجلي لقاني نعيط و تخبط حار فيا و اتخلع شك كشما صرالي

salam algeria يا اختي انا متاكدة بلي باش ولاتلك فوبيا ربما صراتلك حاجة و لا صدكة قوية خلاتك تخافي بزاف مع الوقت تراكم الخوف شيئ عادي اولي فوبيا
وعلاش خليتي روحك هاكا ماشي مليحة للاولاد بعيد الشر اوليو كيما نتي الطفل يتعلم من الاولياء واش تقولك ما تستهزيش راكي عندك بزاف من فوبيا ماشي وحدة الرقية مليحة كاين ناس يقطعوا الخلعة و لا طبيب نفسي راح ترتاحي المهم تختاري واحدة تكون شاطرة و ان شاء الله تزول عليك جميع الفوبيات يا رب