كوزينة حراير المنتدى

[فاتي 05]

صباح الخير حبيباتي واش راهم و واش أحوالكم انشاء الله تكونو بخير توحشتكم بزاف بزاف كل وحدة باسمها و توحشت هاذ اللمة الهايلة راني جيت و قررت مانزيدش نعاود نغيب الا لضرورة مادام بقى شهر و شوية باه نرجع لشقة و التمارة تاع الخدمة انشاء الله تكون هاذ الكوزينة عامرة بالخيرات كيما عودتونا ياالفحلات , ماقولتوليش شكون صاحبة الكوزينة الجديدة ؟؟؟ ماقدرش نراجع النت ثقيلة عندي على كل حال انا عن نفسي تعلمت بزاف حاجات من هاذ الكوزينة و الصراحة هي اللي خلاني نحب الطبخ و النفخ و زادت عرفتني بكامل الفحلات اللي في الكوزينة نروح نحملكم شوية صور و نرجع

[فاتي 05]

جبتلكم بريوش وصفة جديدة سهلة و اقتصادية و ناجحة من اول تجربة باه تتقهواو بيه درتو البارح في الليل و درت حسابكم معايا جاء خفيف ريشة و كيما يقولو الصورة تعبر عن نفسها ههه هههههههه.










و هاذا صابلي بالزيت و المرغرين يذوب في الفم و الصراحة عندي مدة ملي درتو و قلت نحط هولكم مكانش ما خير من الصابلي بالمعجون تاع زمان

[فاتي 05]

لحم مشوي على الجمر خويا و صحابو دارو لمة راحو يحوسو و دارو مشوي من الصباح و هو يطيب حتى الليل الله الله راني كيفكم شفت غير التصاور برك قلت نعذبكم معايا ايا اليوم وحدة مادير فطور في هاذ السخانة راني عارضتكم مرحبا بيكم







بصحتكم

[فاتي 05]

و هاذو حلوياتي لعيد الفطر حطيتهم من قبل و قلت نعاود نحطهملكم مرة أخرى

[mosta*limoges]

السلام عليكم و رحمة الله و بركاته كيف حالكن يا حراير بلادي ما شاء الله عليكم كل وحدة باسمها نتمنى تكونو بخير
شكرا لمشرفتنا المتالقة حيوتة لافتتاح هدا الجزء من كوزينة الحراير ووقوفها و عطاءها الداءم للكوزينا
اسمحولي دخلت بيديا فارغين هده اليامات ما كان لا طياب لا والو راني نسلك برك لانني راني مع تحضيرات السفر ان شاء الله يوم السبت نهبط للبلاد
نخليكم في امان الله

[حياة نور الدين]

السلام عليكن ونهاركم زين

ملوكتي يااااا سلاااام اعطيني نبرد قلبي البارد يشهي وتطبيقات روووعة وهده كوزنتنا الكل حبيبتي ربي يخليك على وقفتك

اسوم على قول ملوكة وين رااه تلبازك ومرانيش نصور لانه تابلات تخسرت

موستا حبيبتي وجهك خير وربي يلحقك على خير للبلاد وفكرتيني بفيفي تع لندن ربي يسمعنا عليها الخير

فاتي ماشاء ه عليك وعلى البريوش والحلويات ويعطيه الصحة خوك فطرنا اليوم ههه بصحتهم

فطوري اليوم تليتلي بالدجاج والحمد الله

[idem16a]

السلام عليكم ورحمة الله وبركاته،،اهلا بحبيبات قلبي،كل وحدة باسمها،،والله توحشتكم كيما يقولو التوانسا. برشا برشا
للاسف الشديد ملي تكسرت التابلات تاعي من قبل رمضان وانا غايبة،،والحمد لله راني شريت تليفون،ان شاء الله نقدر نطلع الصور
حياة حنونة،مبروك الكوزينة،وان شاء الله كي اليوم نقولك مبروك عليك الدار،وربي يخلف عليك التابلات،وتوحشتك بزاف،،،،،
نهال سامحيني ما كملتش معاك الكوزينة،،بصح ضحكنا واستفدنا من بعضانا
طيموشة،،والله والله فرحتلك كي راكي هابطة وتشمي ريحة البلد،،اكيد بلادنا تحتضن اناس طيبين كيما انتي يا غالية
ام هدول. يويويو،،الحمد لله والف مبروك لابنتك،يا فرحي يا سعدي،،ربي انشاء الله تفرحي بيهم في زواجهم وكل العضوات لي وحشة كبيرة ليكم،مازال ما راجعت والو،،نحط الصور ،لانو هذا الاسبوع اللي شريتو،،

[idem16a]

فطوري اليوم حساء الخضر مع المرقاز
وعشايا البارح الكباب والسلاطة والحمد لله
كنت راح نحط باروكي لقيت هاذو برك،،درك نزيد نحوس

[idem16a]

هذا باروكي،الكروكي درتو قبل امس

[idem16a]

هذو اطباق تاع الايام السابقة،كنت نسلك برك،،والله مالقينا واش نطيبو،،،مع راجلي كيما العادة ما ياكل والو،،والحمد لله على النعم سترك يا رب

[idem16a]

وهذا وليدي كان يصلي،كي شاف باباه يصلي،،عندو عام وشهرين،،داير فيا حالة،وهو اللي كسر التابلات ههههه

[حياة نور الدين]

اهلااااا اهلاااااا ام مهدي لك وحشة ويتوحشك الخير واش راكي ك التليفون و عقبالير يا رب

[idem16a]

حبيباتي صح قهوتكم
قهوة سخونة مع لي دونات سخونين،،،روووعة اكيد. لام محمد اسلام،،معتمدة الوصفة تاعها منذ وقت طويل،،،قهوتي مع ابنتي كاىعادة،،وراجلي حتى لليل ربي يحفظو ويحفظ رجالكم

[idem16a]

حبيباتي درت العشا بكري،،في الحقيقة ،الحساء درت فطور وعشاء،،زدت برك. المونشون والسلاطة،والحمد لله

[فاتي 05]

المشاركة الأصلية كتبت بواسطة mosta*limoges

السلام عليكم و رحمة الله و بركاته كيف حالكن يا حراير بلادي ما شاء الله عليكم كل وحدة باسمها نتمنى تكونو بخير
شكرا لمشرفتنا المتالقة حيوتة لافتتاح هدا الجزء من كوزينة الحراير ووقوفها و عطاءها الداءم للكوزينا
اسمحولي دخلت بيديا فارغين هده اليامات ما كان لا طياب لا والو راني نسلك برك لانني راني مع تحضيرات السفر ان شاء الله يوم السبت نهبط للبلاد
نخليكم في امان الله

واش اخبارك اختي موستاانشاء الله تكوني بخير