~~~ الجزء 127 من واش طيبتي اليوم ~~~ التجديد ، التغيير - الصفحة 4

oum ibrahim · 2015-04-22, 09:51

وصباحك اسعد استاذة
صباح الورد اختي بصيرة اسمحيلي اختى ساعات ندخل نحط مشاركة و نخرج خروج اضطراري اسفة وعلى حلوى الطبقات نتاع ليزا طبقتها حرفيا درت نصف المقادير في بلاتو صغير 28 *24و ماحرفت فيه والو درتو بالمارغرين اصلا بنتو كي تخدميه بالمرغرين درت الطبقة الاولى 125 غ مرغرين مع 2 بيضات مع 100 غ سكر مع قشور القارص و الخميرة ماقسمتهاش درت باكي كامل و زدت الفرينة حتى تحصلت على خليط كما الموسكوتشو درتو يطيب
ووجدت الطبقة الثانية 125 غ مرغرين مع 2 بيضات مع 100 غ سكرو قشور القارص و 125غ نوادكوكو و باكي خميرة لما تطيب الطبقة الاولى نص طياب نشوفها نشفت من فوق نخرجها و نفرغ عليها المعجون انا درت كمية مليحة نحب المعجون و نفرغ فوقها الطبقة الثانية و نسويها بالملعقة و ندخلها الفرن تكمل الطياب رايحة تطول شوية عادي حتى تشوفيها حمارت من فوق و تماسكت تعرفي انو القاتو طاب خرجتو و رشيتو بالسكر الناعم و خليتو برد تماما باه قطعتو وممكن ليزا تفيدك و اي استفسار انا في الخدمة حبيبتي

أم ياسين الزهراء · 2015-04-22, 09:51

دائمة وليت على جال الدجاجة تسخف قولي لاسينات جايتك على بساط النت ههههههههههههههههههه يعطيها الصحة

البنات الكل تسلم ايديكم

عازفة انا خاطيني البيذنجال هداك مانكره ههههههههههههههه شوفيلي حاجة حمرى وهبرة ههههههههههههههههههههه

lyzzabel · 2015-04-22, 09:55

اقتباس:

المشاركة الأصلية كتبت بواسطة ماريا.م

ليزابيل ، غيرتيني بالصابلي تاعك
ماشاااااااء الله روووووووووووووعة
درتيه بالمرغرين والزيت حبيبتي؟؟؟؟؟؟

تسلميي حبيبتي ربي يخليييك ،، ويي درته بالمارغريين و الزييت

ام عماااااد يا سلااااااام كلللشي كللللشي رووووووعة تسلم الأياااادي و بوسيلي الكتاكييييت

داائمة الحمد هلت الأنوااااار غاليتي ان شااء الله راكي لااباااس

دائمة الحمد · 2015-04-22, 09:57

ديري مرقة صوص روج نورمال وماتكثريش لفاح مع الثوم راه يكحل لا صوص وديري شوي فلفل احمر حلو مرحي وقلي اللحم البصل امرقي بماء سخون وارمي الجلبانة وما تغلقيش الكوكوط حتى تغلي شوي وهي محلولة اعمليلها عصرة قارص واغلقي عليها من بعد الكان حبيتي زيدي القرنون والفلفل حار طبعا راهي وصفةعادية غير واقيلا تحبي ماكلة العجايز

دائمة الحمد · 2015-04-22, 09:58

ام يس على الراس والعين كون تجي
ليزابيل اهلا بيك حبيبتي راه نعمل في النتواياج الكبيييييييييييييييير والنت زادت عليا

ام رشدى · 2015-04-22, 09:59

انتوما هنا وانا لهيه وحدي ههه
اختي عازفة كوزينة الربح انشاء الله واكييييد رايحا تكون عامرة بالخيرات لانو مولاتها صاحبة خير وشاااااطرة وكل صبع بصنعة الله يبارك وادا رضا عليا مركز التحميل انحط الباروك لاختي

kaouka · 2015-04-22, 10:02

اقتباس:

المشاركة الأصلية كتبت بواسطة دائمة الحمد

ممممممممممممممممممم يشهي طياب سنينات يعطيها الصحة

ام سراج وملاك · 2015-04-22, 10:07

nihale89 · 2015-04-22, 10:08

الفففففف مبروك افتتاح الكوزينة
ان شاء الله خير علينا كاااامل
عازفة الناي اطباقك رووووعة يعطيك الصحة

ام سراج وملاك · 2015-04-22, 10:09

عازفة الناي مبروك عليك افتتاح جزء جديدمن واش طيبتي ليوم ان شاء الله يكون فاتحة خير للجميع

عازفة الناي · 2015-04-22, 10:12

اسمحولي النات راحت
مريم اهلا بيك حبيبتي و الله يخليك
ليزا العزيزة الله الله عليك باروكك امممممممممممممممممممممم هايل يعطيك الصحة
واكيد معي نحوس بيك في تبسة حتى تشبعي هههههه
زينوبة 83 يا الف مرحبا اشرقت الانوار والله طلتك تشرح القلب ~~~ راني نشعر هههههههههه~~~ الطبق اللي حطيتو تاع الفيلو بقلاوة بالقشطة اممممممممممممممم فعلا هايل
ام ابراهيم يا ملكة الحلويات راكي 44444444444444444444444 اسعدتيني بمرورك وزيارتك العطرة صراحة فرحة كبيرة
ماريام مرحبا وسهلا ختي
دائمة الحمد يا الله شحال فرحت والله قريب نزغرد هههههههههههههههههههههههههه والطبق جبتيه الله الله عليك مبروووووووووووووووووووك دورك الان هاتي اللغز اللي بعده؟؟؟؟؟؟؟؟؟؟؟؟؟؟؟؟؟ واطباق اسينات الله عليها امممممممممممممم
بصيرة الله يبارك فيك حبيبتي دمت مشاركة معنا
ام التوام اسعد الله صباحك
ام ياسين الله يبارك فيك حبيبتي وفكرتيني بتوتة الله يرجعها بخير
ام رشدي يا هلا بالغالية
ام سراج الباروك هايل كي مولاته

عازفة الناي · 2015-04-22, 10:13

نهال الله يبارك فيك حبيبتي
واش الغيبة

أم هبوبة · 2015-04-22, 10:15

صباح الخير على الغاليات و الاحبة
عازفة الناي الف مبروك الكوزينة الله يجعلها عتبة ربح عليك و علينا و اطباقك ما شاء الله روعة و في القمة
ان شاء الله نحط الباروك من بعد لانه راني غير من الخدمة
ليزا ان شاء الله تكوني ريحت شوية من الطيحة
ام ابراهيم الله الله على هادوك الباتيسري و الحلويات فعلا ملكة
دائمة الحمد وصلي سلامنا لاسينات
ام ياسين صباح الانوار
ام سراج بصحتك القهوة
الاخوات كامل يعطيكم الصحة و ان شاء الله نتمتعوا بأطباق جديدة و هايلة و خصوصا الشهر الفضيل و الكريم قرب يدخل علينا بالصحة يا رب

عازفة الناي · 2015-04-22, 10:17

الأمنيات · 2015-04-22, 10:22

السلام عليكم
مبروك الكوزنه اختي عازفه ربي يبارك فيك وفي لبنات تبارك الله عليكم
غذايا حوت وحميس ان شاء الله
وعصير ليمون