الخبر اليقين حول اعفاء 2011

[MOHMESSAAD]

السلام عليكم
سؤالي هو اذا استفدت من هذا الاستدعاء الي غاية ديسمر 2015 ونجحت مثلا في مسابقة دكتوراء هل ملفك يلغى من الحصول على الاعفاء ؟

[محمد1700]

[QUOTE=MOHMESSAAD;3993765559][size=6][font=arial]السلام عليكم
سؤالي هو اذا استفدت من هذا الاستدعاء الي غاية ديسمر 2015 ونجحت مثلا في مسابقة دكتوراء هل ملفك يلغى من الحصول على الاعفاء ؟

للاسف نعم يلغى ملفك و تتعرض للمتابعة لتصريحك الكاذب....انا مثلك اخي اود مواصلة دراستي و عندي معدل يؤهلني للمتابعة الماستر...لكني اجلت ذلك للعام القادم مادمت قد اودعت ملف الاعفاء لان التحقيق اللي يديروه الدرك الوطني راح يفيقولك بنسبة 100%.

[محمد1700]

يجب التنبيه كل من اودع ملف في اطار اعفاء 2011الى عدم التسجيل في اي تكوين حتى في هذه الفترة الاخيرة من جويلية الى غاية ديسمبر 2015تحت طائلة عدم الاستفادة من الاعفاء.

[Noufel_staps_04]

يا جماعة ،،،،، الخدمة الوطنية هاذي في الجزائر راهي كيما تاريخ الجل للانسان تولد معاه اذا ماحبتكش الدولة العظيمة تفوتها راك حشيتيه و اذا حباتك تفوتها و الله تفوتها يا لوكان معوق كيما بوتفليقة
ايا تهلاو و صحة فطوركم

[debabi]

كيفاش يعرفو بلي ما زدتش قريت بعد 2011 ؟ عندهم الفيشيي تاع الجامعة أو التكوين المهني؟؟؟؟

[salim cham]

السلام عليكم يا جماعة كل الشروط متوفرة فيا ولكن جاني استدعاء في ماي المنصرم مكتوب فيه oa ولم اذهب هل تحق لي التسوية افيدوني من فضلكم

[سجّل أنا جزائري]

المشاركة الأصلية كتبت بواسطة debabi

كيفاش يعرفو بلي ما زدتش قريت بعد 2011 ؟ عندهم الفيشيي تاع الجامعة أو التكوين المهني؟؟؟؟

عندهم كلشي خويا

[سجّل أنا جزائري]

المشاركة الأصلية كتبت بواسطة salim cham

السلام عليكم يا جماعة كل الشروط متوفرة فيا ولكن جاني استدعاء في ماي المنصرم مكتوب فيه oa ولم اذهب هل تحق لي التسوية افيدوني من فضلكم

الجماعة راهم يقولو ما يكونش عندك oaor

[salim cham]

المشاركة الأصلية كتبت بواسطة سجّل أنا جزائري

الجماعة راهم يقولو ما يكونش عندك oaor

برك الله فيك خويا

[سجّل أنا جزائري]

محمد خويا عندي سؤال هل شرط انه يكون جامي خرجلك استدعاء مهما كان صفته او استدعاء من نوع oaor فقط ؟ لانه صعب جدا ما يكونش خرج استدعاء

[محمد1700]

اخي سجل انت جزائري - حسب ما سمعته في مكتب التجنيد يجب ان لا تكون روشارشي يعني oaorهذه متأكد منها يعني oaنورمال ضف الى شرط اخر تداوله الاخوة هنا في المنتدى ما يكونش خرجلك oaفي ماي و هذا انا مش متأكد منه ...يبقى للتأكيد....اما انت يا اخي لا تنتظر الرزنامة لا والو....روح سقسي ما تخافش ...يقولولك وضعيتك بدقة...و ان شاء الله لحكموا عليك الملف نقلك بنسبة كبيرة الف مبروك الا بعيد الشر تكون صرحت تصريح خاطئ و انت مازالك تقرى...و نخب نبهك حذاري بعد ما يقبلولك الملف تسجل في تكوين الى غاية ديسمبر اجل كل شيئ ما عندك ما تخسر ....الى غاية الاعفاء لانهم لوكان يفيقولك اختمال يلغوا ملفك.

[DZ DZ DZ]

اخي ممكن نعرف اذا لقاوك بلي روشارش يطلقوك تروح نورمال ولا يشدوك ولا يعطوك استدعاء للمحكمة العسكرية

[محمد1700]

اخي اذا لقوك روشارشي يقلك روح سوي وضعيتك في المحكمة العسكرية فقط....هذا ما رأيته امامي...ما عطاه حتى ورقة

[silver88]

السلام عليكم
انا من ولاية الجلفة ومن مواليد 1988 اتممت دراستي في 2010
هل القانون الجديد يشملني ام لا؟
وهل يوجد من ذهب الى مكتب التجنيد بالجلفة وماذا قالوا له
ارجو الرد
جزاكم الله خيرا.

[محمد1700]

المشاركة الأصلية كتبت بواسطة silver88

السلام عليكم
انا من ولاية الجلفة ومن مواليد 1988 اتممت دراستي في 2010
هل القانون الجديد يشملني ام لا؟
وهل يوجد من ذهب الى مكتب التجنيد بالجلفة وماذا قالوا له
ارجو الرد
جزاكم الله خيرا.

مبدئيا تستفيد لكن عليك الذهاب الى مكتب br في ولايتك للاطلاع على وضعيتك ان كنت روشارشي او لا.