طريقة صنع العسل بالصور و التفاصيل ,,,حصري - الصفحة 4

nounoutoto · 2013-02-10, 19:42

هذي الطريقة شائعة عندنا ونستعملها مليح مع القريوش بارك الله فيك

ام ملاك. · 2013-02-10, 20:08

الله يسلمك اختي

Amine456 · 2013-02-10, 20:23

انا نستعمل دائما هذه الطريقة خاصة في البقلاوة والمقروط لانها تكون دائما خاثرة وفي نفس الوقت طرية

*نآدرة~ · 2013-02-10, 22:39

السلام عليكم
عندي شحال من لي شفت موضوعك ونويت نردعليه،اذا راكي قاصدة موضوعي تاع العسل المصنوع في طنجرة الضعط يعني هذا طريقة صنع العسل،وداعا لذاك الذي يباع في الدكاكين فانا مكتبتش الموضوع من راسي ةخلاص ولا نقلته بالعكس انا ما نكتبش حاجة الا اذا كنت متأكدة منها 100 ب100،جربت هاذ العسل بعذ ما جربوه قدامي وأبهرتني النتيجة وزيدي قراي موضوعي وضوفي ردود الناس لي مجربينو تفهمي بلي الطريقة صح كاين منها،وحنا رانا هنا باش نستفيدو من بعضانا ونجربو الحاجة لي ما نأمنوش بلي كاين منها
صحيتي على العسل لي درتيه ونتمنى يستفادو من موضوعك
وشكرا

ام ملاك. · 2013-02-11, 00:20

اقتباس:

المشاركة الأصلية كتبت بواسطة ~الشّذى الفوآح...

السلام عليكم
عندي شحال من لي شفت موضوعك ونويت نردعليه،اذا راكي قاصدة موضوعي تاع العسل المصنوع في طنجرة الضعط يعني هذا طريقة صنع العسل،وداعا لذاك الذي يباع في الدكاكين فانا مكتبتش الموضوع من راسي ةخلاص ولا نقلته بالعكس انا ما نكتبش حاجة الا اذا كنت متأكدة منها 100 ب100،جربت هاذ العسل بعذ ما جربوه قدامي وأبهرتني النتيجة وزيدي قراي موضوعي وضوفي ردود الناس لي مجربينو تفهمي بلي الطريقة صح كاين منها،وحنا رانا هنا باش نستفيدو من بعضانا ونجربو الحاجة لي ما نأمنوش بلي كاين منها
صحيتي على العسل لي درتيه ونتمنى يستفادو من موضوعك
وشكرا

يااختي والله مانكذب عليك اذا موضوعك ولا موضوع واحداخر قريتو مرة وماشفيتش شكون مولاتو
اذا كنت انت او غيرك من العضوات انا ماقصدتش نقلل من وصفتكم ولامنكم كتبت موضوعي هذيك الدقيقة خاطرش ماقتنعتش بالوصفة برك هذا ماكان واذا كان مجرب كيما قلتي اختي حاجة مليحة اكيد مارانيش ضد اي واحدة انا كتبت طريقتي برك وماتهمت حتى واحد
صح رانا نستفادو من بعض وكل واحد كيفاش يخدم حاجته مع انو تلقاي نطلعو بنفس النتيجة بصح الطريقة مختلفة
اسفة اذا كنتي حسيتي بللي انتقدتك, واش نكون انا راني نتعلم انا ثاني مارانيش شاف نتاع مطبخ
مشكورة على مرورك

ام ملاك. · 2013-02-11, 00:29

اقتباس:

المشاركة الأصلية كتبت بواسطة amine456

انا نستعمل دائما هذه الطريقة خاصة في البقلاوة والمقروط لانها تكون دائما خاثرة وفي نفس الوقت طرية

يعطيك الصحة اختي على مرورك
ايه صح انا نخدمو ويبقالي فترات طويلة في الفريجيدار جامي يخسر وجامي ييبس ولايولي كي السكر
نخدم بيه حتى الطمينة واي حاجة تحتاج عسل

mereyoucef · 2013-02-11, 07:08

انا نخدم العسل بالكوكوت و الله روعة وليت مانشريهش خلاص

ريم الفلى · 2013-02-11, 09:53

أنا تاني هكدا نديرو بصح ندير كيلو سكر و1ل ماء وعصير حبة قارص وعود قرفة و2 شرائح قارس ونقص للطابونة ونخليه يطيب بصح لازم في وعاء سميك وباش نعرف إذا طاب بدير بالمغرفة كيما قلتي وربي يخلي ايامنا كامل عسل ههههههه