تحليات جميلة باهية وبنينة ....... ومنعشة - الصفحة 4

اسمهان79 · 2015-05-25, 14:47

السلام عليكم ورحمة الله وبركاته
اول تحلية بالمونت او مركز النعناع ذوق جديد ورااااائع كنوع من التغير
اول نوع

ثاني نوع

ثاني تحلية تيراميسو بجبنة الماسكاربون وبيسكوي fiesta roll

بسم الله
النوع الاول

الطبقة الاولى

نصف لتر حليب
3 م ك نشاء الذرة
3 م ك سكر عادي
1 م ص فاني
2 حبات كيوي او اكثر
هاي هي صورة مركز النعناع المونت
وكاين انواع كثيرة

نخلط الحليب مع السكر والنشاء والفاني ثم نضيف
وعلى النار ونحرك حتى يعقد ويثقال
نكون حطينا من قبل حلقات الكيوي في اسفل اكواب التقديم
نفرغ في كل كوب شوية من الخليط الاول

ونحط فوقو قطع كيوي مقطع مكعبات\
الطبقة الثانية

اقل من نصف اللتر حليب ونكمل الناقص بنص كاس مركز النعناع اواكثر الا حبيتي الطعم احلى
2 م ك نشاء 2 م ك سكر عادي 1 م ص فاني اختياااري
3 صفار البيض
نخلط كلش بارد في بارد

ثم على انار ونحرك حتى يثقال نفرغ الخليط في كيس الحلواني
ثم نفرغ في الاكواب فوق الكيوي اللي حطيناه في الوسط نخليه يبرد مليح ثم نزينو باوراق نعناع خضراء او كيما تحبي

النوع الثاني

تقريبا نفس الطريقة مع اختلاف بسيط
الطبقة الاولى

1 كاس ماء
1 كاس مونت اي مركز النعناع
خلطتهم مع بعض ثم اضفت 2 ونصف م ك نشاء
و2 م ك سكر نخلط ثم على النار ونحرك حتى يثقال نفرغ في اكواب التقديم شوية برك

الطبقة الثانية انا هنا استعملت بواقي من كيكة الاحلام اللي سبقت وحطيتها كموضوع

مرة عملتها دائرية ثم نحيت الجوانب ورجعتها مربع ما هانوش عليا نرميهم عملت بيهم هاذ التحلية والله جات روعة في البنة نتاعها
هاذا هو الرابط
https://www.djelfa.info/vb/showthread.php?t=1789733
المهم نكملو مع بعض
حطيت هاذوك البواقي بشكل عشوائي

الطبقة الثالثة كانت نفس مقادير الطبقة الاولى مع اضافة صفار بيضة واحدة وشوية زبدة

ونحرك مليح ثم في كيس حلواني ونحط فوق الطبقة الثانية والل هي بواقي الكيكة اللي قلتلكم عليها

ونزين بالشكل اللي تحبي على ذوقك حبيبتي

تيراميسو

علبة من جبنة الماسكاغبون ممكن تعوضيها ب 8 حبات جبن كيري مربعات
كاس كرام فراش سائلة نوع اوبلا
3 م ك سكر رطب

نخلطهم مع بعض مليح بالخفاق الكهربائي
نوجد بيسكوي انا استعمات fiesta roll

قطعيه حلقات ثم اغطسيه في قهوة محلات بالسكر

واعملي طبقات مثل اللي في الصورة ورشي في الاخير شوية
كاكاو

نتمنى يعجبوكم حبيباتي
في امان الله