طبخ الأعراس

[روح مراد]

أمين أختي نحن في الخدمة و الكتابة ماشي مشكل بالنسبة لي (سريعة جدا جدا هاهاها)

[sidali 2007]

يعطيك الصحة اختي روح مراد في ميزان حسناتك ان شاء الله

[ana hia]

2 كيلو تكفيك ل 820 شخص . مستحيييييييييييييييييييييييييييل

[روح مراد]

وين 820 شخص قلت قزان يقدر يوكل 80 شخص ربما خطأ في الكتابة

[أم سيرين3]

السلام عليكم ورحمة الله
بارك الله فيك أختي روح المراد ملييييح الواحدة تكون تسلك راسها وتكون شااااطرة لأنو هاذ الطبخ تحتاج كل واحدة فينا وحاجة أنو في مناسبة صغيرة مثلا ما يشقاش تجيب طباخة لاااازم تعرف هذي المقادير وكذلك الطريقة الملائمة لطبخها .
مذابيك أختي أعطينا مقادير الكسكسي مرقة بيضاء والطواجن لي تعمليهم مادابيا كل واحدة عندها فكرة تقدمها وتنفع أخواتها
وفي ميزان حسناتك أختي روح المراد.

[sonia32]

اختي الكريمة انااعتقد ان طبخ الاعراس صعب ويحتاج الى خبرة كبيرة ففي اعراسنا تطبخ فقط النساء الكبيرات في السن لان لديهم خبرة وانا عندي الخطا يكلف الكثير لانه ادا اخطاتي في المقادير سوف تكون كارثة نصيحتي لك اختي تعلمي بكميات قليلة و اسالي من لديهم الخبرة وان شاء الله في المستقبل تكوني طباخة اعراس كبيرة

[sali-sali]

السلام عليكم

حنا اما نديروالكسكس بالمرقة ونعملوسلاطة بالفلفل والطماطم و البصل ونحطو تاني الرايب لانوكاين لي مايحبش المرقة
اونعملوالحريرة و (الزيتون او الجلبانة ) وطاجين الحلو وسلاطة
مع المشروبات

تكوني عارفة الكمية لي تكفي للضيافك هكدا ماتنقصي و ماتبذري

[ام سهام 02]

يعطيك الصحة الاخت روح مراد ربي يجازيك على مجهودك في الحقيقة موالفة نطيب بكميات كبيرة لكن عيني ميزاني

[روح مراد]

شكرا لكن أخواتي
أخت سيرين اللي طلبت الكسكس بالمرقة البيضاء
أختي رايحة نعطيك بالتفصيل مع كل أنواع اللحوم بصفة عامة
الحاجة الأولى بالنسبة للحم البقري و الغنمي و الدجاج يعني الأساس واحد لا يتغير
البصل المسكرفج مليح يعني هذا على حسب الكمية المراد طبخها لحوالي كيلو لحم 2 بصلات كبار
أول شيء أنحطو السمن في القدرة مع 2 ملاعق زيت المائدة و نزيدو البصل و نخلوه يتقلا مليح بلا مايتحرق البصل بعدها نظيفو اللحم أم الدجاج نفس الشيء و نخلوه يتقلى لمدة 5دقائق قبل بعدها نظيفو التوابل
للمرقة البيضاء الأحسن الفلف الأبيض ماشي الأسود إلا ما عندكش أنديرو فلف اسود (الفلف الأسود يكحل المرقة خاصة البقري) و نحطو عود قرفة و ملح حسب الكمية و نخلو اللحم يتقلا مليح مليح
من جهة أخرى أنكونو حطينا في قدرة أخرى الماء مع الحمص يغلا شوية وحده لمدة 15 دقيقة مع قليل من الزيت نحو الرغوة كامل الليتطفو على السطح و بعدها بعد ما يتقلى مليح اللحم نرمو عليه الحميصة مع الماء المغلي. و نغلقو على القدرة
في هاد الوقت نحرو الكسكس كل واحد و الطريقة نتاعو في التحضير نحطوه إيفور على اللحم
بعد ما يفور المرة 1 نعاودولو التشماخ و ندهنوه و نحطوه جيه نتفقدو اللحم إذا كان دجاج إيكون طاب أنحوه من القدرة إلا مازال نزيدو نفورو للمرة 2
بالنسبة للخضر اللي ترافق المرقة البيضاء .
إما لفت لوحده ، أو قرعة لوحدها ، أو خليط من اللفت و القرعة
بعد ما يفور الكسكس ندهنون بشروية زبدة و نرمو عليه رشة صغيرة قرفة و نخلطو القرفة نصف ملعقة قهوة أو أقل ما تكثروش لأنه إذا كثرنا الذوق يتغير
بالنسبة للمرق كي يطيب اللحم نجبدوه و نحطوه جانبا ما تنساوش تغطوه مليح
نرمو الخضرة في المرق و نخلوها الطيب
بعد ما الطيب المرقة نزيدو عليها رشة فلف اسود خفيفة و رشة قرفة صغيرة و بالصحة عليكم
بالنسبة للتقديم إذا عند ضياف من الأحسن تحطي الكسكس في صحن كبير تحطي الحمص و تزيني بالخضر و الدجاج أو اللحم
و المرقة تتقدم في وعاء جانبا
بالنسبة للطوجن حددي أختي الطبق اللي تحبيه و نعاونوك فيه

[تغرينية]

منكم نستفيد

[ايمان ميري]

يعطيك الصحة

[ظريف آمال]

يعطيكم الصحة كنت حاصلة وسلكتوني
ربي يحفظكم ان شاء الله

[midou12]

اختي السلام احنا التباسة كامل يعرفو يطيبو في العرااااااااس انا ماما عمرهااااااااااااا45 في عرس ولييييييد خووووووووهااااا طيبت وحدها الشووووووووووربة والطعاااااااام والطاجييين الحلو والدووووووووولمة نورمااااااااااال شوووووووووووفيي واحدة كبيرة في العمر تعطيييييييييييييك الخبرة وربي يوفقك

[روح مراد]

ميدو قولي لماماك تعطيني الكميات و الطريقة من فضلك

[sa78sa]

اختي هنالك مواقع لطبخ تعطيك الوصفة مع عدد الأشخاص التي تكفي كل ماعليك مضاعفة الكمية أو انقاصها فمثلا وصفة ل5أشخاص تحتاج لنصف كيلوا أوأنت عزمت عشرة أضيف النصف الآخر لتصبح كيلوا وهكذا دوليك وهو كحال الحلويات أيضا أنا أتبع هذه الطريقة وأغلبها تنجح وبالأخص ماتعوذت على القيام به