يومياتكم مع البراءة

[*سندوسة*]

اليوم اردت ان احكي لكم عن ابن اختي

عندي ابن اختي صغير عنده عام ونص ختي كل يوم تخليه عندنا بما انها عاملة

لوكان تشوفوه تقولو ناكلوه الله بيارك ربي يحفظه لوالديه المهم يدير واحد صوالح نتاع كبار يحوس على لخيوط نتاع ضو يلعب بيهم وخصوصا سيشوار نتاعي يحوس عليه ويجبده من بلاصته ويلعب بيه

ولميكرو نتاعي ديما دايراته يتشارجا يقعد يبكي باش نطلعه فالسرير ويبقى يخرب ههه وغير يغفلني ويعضني هه راهم ينوضولهم سنين راه مشيطني

ويلا بات عندنا تلقاه مقصر حنا نعسانين وهو يلعب وكي يدير حاجة وتعيط عليه يقتلك بذيك الضحكة نتاع تسيتيت والله ماتقدر تضربه نزيدو نبقاو نسلمو عليه هههه

ومع ماماه تعضه من حنكه ايا حنا كي نعضوه من جهة يدورلك وجهه باش تعضيه من الجهة الاخرى ههه

كي نتفكر صوالح وخدخرين نزيد نقولك


وضرك حكولي على البراءة لي عندكم وكيفاش تتعاملو معاهم