زيني عالمك بشرائط الساتان **الدرس الثالث: لنتعلم صنع الورود **

[fifiarch]

مسااااء الخير والنور والاوقات الطيبة ان شاء الله

كعادتنا

نلتقـــــــــــــــــــــــــــــــــي لنرتقـــــــــــــــــــــــــــي

وبعد اسبوعين من العمل والاجتهاد واكيد كل ماجادت بيه ايديكن

وحتى لا ننسى هنا ما سبق وتطرقنا اليه

زيني عالمك بشرائط الساتان **الدرس الاول: صنع حامل اكياس**


زيني عالمك بشرائط الساتان **الدرس الثاني: صنع وسادة شكل قلب**


تطبيقات المشتركات لانجاز حامل الاكياس بتقنية الطرز بالشرائط


تطبيقات المشتركات لوسادة شكل قلب بتقنية الطرز بالشرائط

نلتقي مع الدرس الثالث

*********
اخواتي حبيت منكم ومن قلوبكم الصافية تدعوا معي لروح بنت توفت الله يرحمها حتى ولو ماتعرفوهاش

لكن الدعوة بالخير تلحقها وتنور قبرها ان شاء الله

الله يرحمك يا اية وينور قبرك ويجعل مثواك الجنة ان شاء الله
*********

لنتعلم صنع الورود

كالعادة درسنا من امضاء استاذتنا المتالقة دوما

kika85

دوما ندعو لها بدوام الصحة والعافية وجازاها الله خيرا على كل ما تقدمه لنا

واتمنى دوما ان يكون منبرنا منبر تعلم خير علينا كلنا

والان نخليكم مع شرح الاستاذة
*
*
*
*
*
*
اليوم درسنا سهل ومتنوع بصح مفيد خاطر متعدد الاستعمالات
حبيت نوريلكم اليوم طريقة صنع تلات مودالات تع ورود باستعمال شرائط الساتان...وهادو الورود نقدرو نستعملوهم في حاجات بزااااف
نبداو بالمودال الاول
ناخد الحاشية عرض 1/2 سم نقطع قطع بزاف كل قطعة طولها 4 او 5 سم
ونبداو نخيطو بالطريقة الي في الصور

نخيطو بزاف قطع من بعد كي نلقى الوردة تكونتلي نولي نخيط هاد الطرف بالطرف الاول الي بدينا بيه الوردة....ثم ناخد قطعة من الحاشية تع 1 سم ونكمشها باستعمال الخيط ونصنعها قلب للوردة

نروحو للوردة التانية
نقطعو قطع من حاشية عرض 2 سم طول كل قطعة 5 سم...نحتاج هنا 7 قطع.....
نطوي كل قطعة بهاد الشكل ونخيطهم بخيط واحد يعني ما نقطعش الخيط في كل واحدة


هنا تحبو تصنعو قلب الوردة وتكتفيو بهاد العدد تع البتلات وتتحصلو على هاد الوردة

او انكم تزيدة تصنعو وردة من تلات بتلات بنفس الطريقة باش تكبرو الوردة وتلصقوهم من فوق الوردة الي فيها سبعة بتلات من بعد تحطو القلب لداخل الوردة....



نروحو للوردة التالتة
ناخدو حاشية عرض 1 سم والطول ديالها على حساب ما نحبو كبر الوردة
نبدا نخيط في الحاشية بهاد الطريقة....




من بعد نبدا نلوي ونخيط من تحت او نلصق بالبيستولي....هنا الصورة ما خرجتليش مليح بنتي كانت طالعة فوقي..



هادو الوردات كامل الي خدمناهم



متلا انا الوردات درتهم في لي زيتاجار تع الخزانة ديالي. ...وتقدرو تستعملوهم في شحاااال من حاجة...متلا للعرايس يقدرو يستعملوهم في طويان الحوايج ديالهم او لتزيين صابون ينحط في الخزانة.....








انشا الله تكونو فهمتو الدرس واي سؤال طبعا راني في خدمتكم...ادعولي...


ملاحظة

كالعادة ترسل الاعمال الى المشرفة fifiarch قبل يوم الاثنين 01/06/2015 على الساعة 20.00

وتمنياتي ليكم بالتوفيق...واكيد كل الاسئلة تطرح هنا ونحن في الخدمة ان شاء الله

ملاحظة

هنا تجدن تطبيقات هذا الدرس

https://www.djelfa.info/vb/showthread.php?t=1817881