اقتراح ادخلوا شاركوني

[linat]

حياك الله ام محمد
بارك الله فيك على فكرة الموضوع

[sofiane2075]

لعصري الليمون و جمديه في قوالب التلج تم ضعي كل قطعة في كيس على حدى و احتفظي بيه و استعمليه لما يصبح سعره اغلى و قبل عسره ماتنسايش تغسليه و تبرشيه حتى تحتفظت بالزاست لعمل الحلويات

لا تنقعي الخضار قبل طبخها.

2- لا تتركي الخضار تغلي لمدة طويلة.

[sofiane2075]

- لطهي البنجر والكرنب الأحمر: أضيفي القليل من عصير الليمون أو الخل إلى ماء الطهي: هذا الأمر يساعد على احتفاظها بلونها الأحمر الزاهي

اضيفي قطرات من عصير الليمون للماء لي يغلي فيه الارز ليبقى لونه ابيض

[هفين]

راني عجزت يعني كبرت ووليت عجوزة وانا نخمم فالفكرة
ماتقوليش برك لازم تاكلو الكسبر والمعدنوش لاخطراشي عندهم ذوق مقرف

[امال7]

السلام عليكم و شكرا على الارشادات القيمة

اذا أردت ان تتخلصي من المواد الدهنية داخل الزجاجات نوضع كمية من الملح الخشن داخل كل زجاجة مع كوب ماء ساخن و نخض جيدا الزجاجة

اذا تحصلت على مورينغ رطب من الداخل ذلك نتيجة 3 أخطاء
1 - استعمال السكر أكثر من الكمية المطلوبة
2- لم يأخذ و قت كفاية فى الطياب
3- طياب المرينغ فى فرن ساخن

[السيدة كرمين]

يا ستي تجيبي طبسي تاع لينوكس اييييييييييييييه اينوكس

وتحطيه تحت الماء - صيهور- اي يصب عليه

وتبداي تحكيه بأصابعك رح تروح الريحة


سهلة ولا وش

لا مقرف ولا شئ


تحياتي

[نزهة الربيع]

لسكان الشمال كى طيبى الشاى ضعى درات من الملح فى الماء باه يجيك طعمه مثل شاى الصحراء وهدا سرى الخاص فى اختلاف شايى عن جاراتى

[ام محمد ميدو]

اذا درتي اي وصفة فيها صفار بيض وما لقيتيش واش ديري بالبياض ساهلة ديريه في صاشي و حطيه في المجمد (الكونجيلاتور) نهار لي تستحقي ديري ميرانغ او اي وصفة فيها بياض بيض برك اجبديه

[ام محمد ميدو]

باش ما يلصقش في يديك اللون الاحمر نتاع البيتراف ادهنيهم بشوية زيت

[مقدسية]

سلااااااااااااااااا م
ادا حبيتي اللوبياء او الحمص خاثرة خدي لوش منهما بعد ما يطيبو ورحيها ورجعيها للمرق ورا ح تلاحظي الفرق.

[** موحدة 02 **]

ثبتوا الموضوع ؟؟ الله يبارك هذا وين راني شفتوا كنت نحوس عليه التحت ما لقيتوش.
المهم ماراه حاضرني والو ذرك حتى نتفكر كاش حاجة راني نكتبلكم آآآآآآآآآآآآآآآآآآآ تفكرت حاجة
يلا بعيتي تروحي للعرس و خفتي ولادك الصغار يهبلوك ديريلهم تارموس تع كمون و اعطيهم يشربوا حتي يسيخوا ينصرعوا و يطيحو كااااو ههههههههه

[ام محمد ميدو]

سلام بنات
كي تكوني رايحة ديري كريم باتيسير الكسرونة لي راح طيبيها فيها ديري فيها اولا مكعبات ثلج او ماء بارد جدا
وفي هذه الاثناء وجدي المكونات نتاعك ثم فرغي الكسرونةمن الثلج وبلا ما تشليها او تغسليها حطي فيها مباشرة الحليب وكملي الكريمة هكذا مش راح تلصقلك الكريمة في الكسرونة

[miri_27]

السلام عليكم عجبني الموضوع كثير و حبيت اشاركم بهذه الفكرة
إذا حبيتو المرق ايجيك ثقيل و مافيهش ليدام قلي في الاول مع البصل و الخضار ملعقة كبيرة نشاء

[ام محمد ميدو]

كي تقسمي حبة القارص و يبقالك نصف كي تخليه في الثلاجة راح يتغير طعمه باش ما يصرالكش هاك اقلبي النصف في صحن صغير و ديري فوقه كاس راح تبقى كيما هي

[هفين]

اذا حبيتي اتطيبي دجاجة محمرة وخفتي اتجيك ناشفة ما عليك الا ان تضعي داخل الفرن في الاسفل اناء فيه الماء وهكذا كي يبدا الماء يسخن البخار يطلع والدجاجة تتحمر وتجيك طرية