دخول اهل الزوج بيتي في غيابي

[الصديق قروف]

قصتك ناقصة
‏ عندك بيت مستقل كيف يدخلوه
اضن انهم يدخلون بعد اذن ابنهم
وغير ذالك فهم تعدو حدودهم

[سحابة مسافرة]

من لم يستحي فليفعل مايشاء

[كاميلا]

اختي تفقدي اشيائك ودارك وديري رقية دائمة مكانش لامان يا اختي انا بت عندهم يومين في اليوم الثالث خرجت من المنزل قالي راجلي هاكي نقود اشري شوية مواعن غيرت ملابسي خليت بيجامتي عندم من بعد كي روحت لقيت قطعة منها منزوعة والبيجامة جديدة من تم انا حالي مش مليح راني بالرقية مديريش الامان

[fati 47]

اختي دارت الامان وكانت تخليلهم الدار
وتقوللنا هذي دار ابنهم مانقدرش نمنعهم منها
حتى طفروها فيها سلفها سرقلها ذهبها وقالولها ماعلابالناش شكون سرقو
غير جا الحمدلله حلال وقاللهم الصايغ راه جابو فلان يبيع فيه عندي
وزيد مرةصابت لبستها كاملة منحيين طرف منها الله اعلم واش دارو بيه
حتى كره راجلها الدار، باعها و زوج بيها خوه ورجعها تسكن مع عجوزتها.
راني حكيتلكم القصةباه تتعضوا وتعرف كل وحدةبانوالنيةمش دايما تسلك

[نوشكا]

انا كي تزوجت جديدة عانيت من هاد المشكل. انا خدامة وراجلي يجيب امه للدار وانا في الخدمة و المشكل مايقولوليش انا اكتشفت بالصدفة ان امه تاتي في غيابي لداري. انا رفضت و قلتهالو في وجهو علاه يماه تجي كي نكون غايبة و تزيد يخبيو عليا هاد الزيارة. قلتلو كي نكون في داري تجي مرحبا بيها نحطها فوق راسي بصح كي نكون نخدم علاه تجي .خاصة وانه ولدها اي راجلي يزورها يوميا. غضبوا مني غضب شديد وقاطعوني اهل زوجي بعض الاشهر مباعد تقبلوا الموضوع. وعادت تجي كي نكون انا حاضرة. لانه ما كانش حتى مبرر يخليها تجي في غيابي.وزيد تخبي عليا.انا خدامة والبيوت اسرار.كيما انا تاني مانقدرش نرةح لدارها في غيابها. انصحوني راني غالطة

[ذات النطاقين*]

تصوروا اخواتي انا اسكن وحدي وبالصعوبات باش درتها وفي الاخير اناكلما روح نخدم ياتون اهل زوجي اليه لان زوجي معلم واناكذلك ونعملو العكس كي يدخل نخرج ان فينتضرون دخوله ويذهبون وعندما ارجع يخرجون قبل وصولي وعندما تكلمت تعرضت حتى للضربمن طرف زوجي وانا للان صابرة مدة صبري تفوق 22سنة

[*ام عبد الكريم*]

من غير المعقول دخولهم خاصة في غيابك ...انا عن نفسي لا اقبلها ..يجيو كي نكون في بيتي اهلا و سهلا اما اذا كنت ما كنش علاه يجيو و زيد يخدمولي الشغل ...علاه انا عايبة و لا مقصرة في داري
انت يا اختي افهمي عليهم علاش يجيو في غيابك حتى لا تظلمي احدا و لا عيب في طرح السؤال عليهم مباشرة هنا ما تكونيش منافقة معهم
و لكن في جميع الحالات انا ارفض رفضا قاطعا دخولهم لبيتي في غيابي
سلام

[sunshine2013]

و هدا رأيي، غير مقبول غير مقبول غير مقبول يدخلو لبيتي و ينظفوه ؟؟؟ شكون قالهم نظفوه أوﻻ هادي حجة للتفتيش و التنقيب؟؟ و بزيادة عﻻه بالتحديد في غيابي؟؟ سأعلن الحرب حالتها
بﻻك راني مخلية خصوصيات زوجية ، خاطة دراهم، دهب؟؟؟
ﻻﻻﻻﻻﻻﻻﻻﻻﻻﻻﻻﻻﻻ
في ديننا ﻻ ندخل بيوت ختى نستأدن أهلها

[bourayou]

ساعفي الحاله حتى يفرج ربيييييييييييي

[رجائي فيك]

ييا اختي انا يدخلوو بيتي و حتى نغرفة نومي ددوون اذن نصاب بااحرج خوصا ممن الرجال اوول خبر زوي م ازعاي نخاف يوهلييهممباششرة يسسبب لي مشككل معاهم اناا في غنى عنهها انا نعتبر هذ لشيء من لتربية وو الاخلاق نتاع بنادم

[*ام عبد الكريم*]

المشاركة الأصلية كتبت بواسطة رجائي فيك

ييا اختي انا يدخلوو بيتي و حتى نغرفة نومي ددوون اذن نصاب بااحرج خوصا ممن الرجال اوول خبر زوي م ازعاي نخاف يوهلييهممباششرة يسسبب لي مشككل معاهم اناا في غنى عنهها انا نعتبر هذ لشيء من لتربية وو الاخلاق نتاع بنادم

السلام عليكم اختي
حبيت نفهم برك حتى رجال العائلة يدخلو لشبرتك؟؟؟ من فضلك فسري لنا
لان بيت الزوجية من الخصوصيات و حقيقة واحد مربي ما يدخلهاش
و الله انا نروح لدارنا و عمري ما ندخل لغرفة بابا و ماما الا اذا طلبت منا ماما ذلك لغرض التنظيف او لفريز ...فما بالك بغرفة اخي ؟؟؟؟؟
كاين ناس حاسبين ارواحهم مسموح لهم كل شئ

[سيرين 5]

أنا عندي هاذ المشكل مع ناس داري من قبل ما نجي قالي راجلي باب الغرفة اغلقيه بالمفتاح و ما نحبش التجمعات في بيتنا هي مكان خاص و ما لازمش يدخلها من والا ؟؟؟ أنا استغربت من هاذ الهدرة حتى رحت و شفت بعيني ، ما قالوليش بلي الطابق مفتوح كلي راني معاهم في الدار ، كي جاو قالت العجوزة عندها الطابق تاعها وحدها واحد ما يدخل روحو فيها .... كي رحت لقيت الطابق مفتوح و نجوز عليهم كي نخرج الصباح و العشيا و العياط و الهاراج يجي من التحت و الغاشي دايما في دارهم و كامل يدخلو روحهم و عندهم الضوء الاخضر باش يحلو فمهم معاك ....
كي جيت العجوزة قاتلي أغلقي بيتك بالمفتاح بالاكي تخليها مفتوحة ؟ كيما كان الحال البيت دايما نغلقها بصح الكوزينة ما فيهاش كامل باب يعني ما نقدرش نغلقها و اتسرقلي روبو من الكوزينة كي قلتلها حصبت في وحدة فميلتهم كانت بايتة عندهم قاتلك جات فارغة ولات معمرة ؟ واش كانت رافدة ما علابالهاش ؟
المهم بعد مدة جات العجوزة تقولي خلي التاقة محلولة في النهار باش تتهوى البيت و اغلقي الباب ؟؟؟؟ تمسخر بيا علاه نغلق الباب و نفتحت التاقة كلي ما درنا والو ؟ هكذاك يقدرو من التاقة تاع الكوزينة يدخلو للبيت ؟؟؟
بعد مدة لقيت الخضرة تترفد من الفريجيدار و الفرينة الفاكهة .... و كل ما نهدر نقول كي طلعتو تقولي بالزعاف ما راناش نطلعو واحد ما راه يطلع واحد ما راه يدنا ؟؟؟ و مرة حكمتها هاربة كانت في الكوزينة حبت ترفد الخضرة و كي خرجت من بيتي هبطت تجري ، أنا حرت واش تسحق علاه هربت ؟؟؟ قلت بالاك جات توقب عليا إذا كملت شغلي ؟؟؟ شوية هكذا جات دات شوية خضرة و قاتلي ما قضيتش و جاوني ضياف باش نديرلهم العشاء دات واش استحقت و زدت أنا مديتلها حاجات وحدوخرين ؟ يعني علاه عليها تدخل بالسرقة ياك دار وليدها ترفد واش حبت علاه حتى تخليني نشوفها كي السراقة و طيح من عيني ؟؟؟

[سيرين 5]

الدخول بالمختصر المفيد لغرفة النوم أمر جد خاص يا أختي بلا ما نشرحو ، يكونو في غرفة النوم حاجات خاصين بزاف أيا هكذا و خليتي حاجة ماشي مغسولة كنت مزروبة و ما لحقتيش تغسليها ضروري هوما يشوفوها ؟؟؟ عيب كبير يقدؤو يعايروك بيها ؟
بصح مادام زوجك قابل يدخلو لبيتكم ما عندك ما ديري غير إذا قنعتيه بلي هذا مكان خاص و مالازمش يدخلو أي شخص ؟

[سيرين 5]

عيينا والله غير عيينا من المشاكل تاعهم ربي وكيلهم ربي يفرج علينا ان شاء الله عاجلا و ليس آجلا

[libelle]

Chofi okhti srali l mm probleme m ana makbaltech w gotlovl 3ajbet omek dar taskon fiha w ana akrili w t3arekna waslet llkbira gsli mankhlihamch yadkhlo chambertek m ada 3ayb rahi dar 3awra.wmakbaltech bhad l3akliya l hasbinha normal. Mart salfi yadkhlo ldarha nirmal w yrslo kashham m ana makbaltech.hata hwayj doch utilisawham k dakhlo...dark 3zojti nayfa matjinich.. m kon ydkhlo raho maygolech.mala essay tkan3ih w nchalah yafham