وصفة قاطو لي روشي تفضلوا..... - الصفحة 4

zahra30 · 2012-04-12, 15:37

السلام عليكم
اليوم جبتلكم وصفة من وصفاتي المجربة لكن بدون صور للاسف وهي لذيذة جدا وممكن الكثير يعرفها وهي لي روشي وبلا ما نطول نبدا باسم الله
المقادير /
250غ زبدة طرية *03 صفار بيض * 1/2 كاس ( او فنجان ) سكر عادي
مبشور حبة قارص * 01 خميرة الحلوة * فرينة * 01 فاني * كاوكاو محمص ومرحي خشن
* شكولاطة * بريون خاص بالحلوة
الطريقة /
نخدمو الزبدة مع صفار البيض مليح ونزيدو السكر ومبشور الليمون ثم الخميرة والفاني والفرينة ( عينك هي ميزانك ) حتى نتحصلو على عجينة يابسة نوعا ما
امبعد نحكمو السكرفاج ونسكرفجوها ونحطها في الفرن حتى تطيب وتاخذ اللون البني الفاتح وبعدها ناخذ كيلتين من القاطو المرحي ونزيدولو كيلة كاوكاو ونلموهم بالشكولاطة الذائبة في حمام مائي ونلموها وناخذو منها بالملعقة ونحطو في ليكيسات ونزينوها بالبريون ( التزيين حسب الذوق )
وبصحتكم
ان شاء الله تجربوها وتعجبكم فهي مجربة اكييييد
تحياتي للجميع
الصورة منقوولة لكن تشبهلها شوية