موضوع مميز وصفات من حراير مطبخ وش طيبتي اليوم - الصفحة 4

oum ibrahim · 2013-07-20, 21:36

ام رامي
اللامونة

لامونة هي نفسها عجينة بريوش بالشكولا نتاعي وراهي جات فوووووووور فقط نقصت شووية فرينة من المقادير

بريق الامل& · 2013-07-21, 08:00

اقتباس:

المشاركة الأصلية كتبت بواسطة AMOUNA OUMEL BOUAGHI

يعطيك الصحة حبيبتي موضوع ثري استفدت منو قداه من حاجة
تعيشو البنات نعتولي كيفاه تطويو البوراكة مثلث انا نشمشرهما ونلكمتها فقط حتى تولي شبه مثلث ومعتادة نشوف البنات تجي البوراكة منظمة ومليحة

ساندي 28 · 2013-07-21, 08:54

كتبت بواسطه ليدي ميلين
صباحالخيييييييييير لبنات كااااامل نهاركم طيب
الهام علاه تشرفينا من صباح لصباح وشياختك حلوة زهينا شوي في السهرة حبيبتي بيعي ميكرو واشري واحد لاشتى occasion ههههههههه وعمة ندبر عليك هههههههههههههههه
سعيدة راني رديت عليك حتى أنا ننصحك كي ديري مادلان شربيهم شوي بعصير لي يكون عندك أو حليب وشوكولا غير شوي برك ذايبة فيه يعني يكون سائل ممممممممم تجي تهبل وديري فوقهم كريم باتيسيير وزيدي مادلان وشربيها + الباتيسسير + لكريم شونتيي
يجيو بنااان

ساندي 28 · 2013-07-21, 08:57

كتبت بواسطه الهام على موضوع المثلجات بالفلن ااخت الهام ايه

آآآآآه فهمت شوفي تقدري ديري طعم أي فاكهة تحبي ليمون او توت أو برتقال أو منقا أو................
العفسة ساهلة ، أنا ذوبت شوية من غبرة نتاع أكياس العصير amila في الحليب ( حوالي نص كيس في 2 كيسان حليب ) لازم يذوب مليح مليح ومن بعد صبيه على باقي المقادير واضربي بالخلاط وخلاص تتحصلي على ذوق وريحة تهبل نتاع الفاكهة الللي تحبي

ساندي 28 · 2013-07-21, 08:59

كتبت بواسطه ام ابراهيم
شوفي ام ماجد تديري عجينة لاكيش بات بريزي او فايتيفي مولات صغار و تطيبيها كليا يعني ماشي تص طياب لازم تطيب كامل وبعد ما تخرجيها من الفور تعمريها بحشوة لحم مرحي طايب مع بصل و توابل و من بعد تزيني بالبطاطا من فوق اذا حبيتي ديري البطاطا بالبوش ادوي و رجعيها للفور و شعلي من فوق برك قيس ما تتحمر البطاطا شوية كلش طايب وشهية طيبة

فايزة44 · 2013-07-21, 13:05

بيبتي ام رامي /اليك طريقتي السريعة لكن جربي كمية قليلة اليوم وشوفي الذوق واذا ععجبك كمليه ه

1كغ فلفل حار نثقبه بالموس او الفرشيطة ونقليه في الزيت عادي ، ومن بعد نحطه في صحن يبرد يتندى ومن بعد قشريه ، وما تنحيش الراس معناه يبقى القرن كامل لكن مقشر ،

في صحن غامق حطي مغرف خل و3 مغارف زيت عادي ، مبشور ليمون شويا برك ،4ورق كرافس مقطع رقيق رقيق واذا تحبي ديري شويا اكليل فقط اوراق مقطعة رقيقة وملح ونخلط الصلصة جيدا ، ونحط فيها الفلفل حبات كاملين ونخلط برفق

حتى توشي الصلصة كل الحبات ، نرفد الحبات نحطهم في بلارة ونفرغ فوقهم الصلصة الباقي ويغلق باحكام ، وتقدري من ليلته تستعمليه ، وكل مايطول راح يتخلل اكثر ، انا درته من اول يوم رمضان وراه باقيلي

جربيه ورديلي الخبر هههه

الصوامعية · 2013-07-21, 18:13

شكرا جزيلا عزيزتي بريق على الموضوع الراااااااااائع
والله غير هنيتينا من البحث والتصفح
صدقيني نبغي ندخل نشوف الجديد في واش طيبتي بصح كي نصيب هذاك الكم الهائل من الصفحات نعجز ونخرج من الموضوع مرة اخرى بارك الله فيك

فايزة44 · 2013-07-21, 23:26

لايمان الغالية :

فيوزة ديري 3 حبات بطاطا بعد ما تقشريها قطعيها قطع شوي كبيرة كيما لي فريت وهي شوي كبيرة عليها
التتبيلة (( 4 فصوص + م ص ملح + م ص ونصف فلفل أسود + نصف م ص كمون هرسيهم مليييح )) زبدة ذوبيها في القدر وحطي التتبيلة قليها شوي برك وحطي قطع البطاطا + كأس ماء وغطيها وخليها على نار هااااااااااااادئة حتى طيب البطاطا وتنشف من الماء وساعة على ساعة تفقديها حركيها بالشوي
هادي هي فيوووووووووزة حبيبتي

*عاشقة الجنة* · 2013-07-22, 15:12

يعطيكم الصحة موضوع هايل

في ميزان حسناتكم ان شاء الله حبيباتي

maiar · 2013-07-22, 16:48

بارك الله فيكم قريت الموضوع البارح و جربت طاجين الحلو تع ام كوثر يعطيك الصحة ام كوثر

روزا1995 · 2013-07-22, 16:51

شكرا جزيلا .الموضوع رائع جدا جدا

الدنيا · 2013-07-22, 23:51

بروقة اختي ربي يحفظك فكرة هايلة

fati21 · 2013-07-23, 22:38

السكرتيرة اخت ايمان

كورني الجلجلان

إضغط هنا لرؤية الصورة بحجمها الطبيعي.
500 غ فرينة
250 غ جلجلان محمصة
90 غ زبدة ذايبة وباردة
م ك سكر ناعم
رسة ملح
بيضة
تلمي العجينة بماء زهر
وخليها ترتاح نصف ساعة
وحليها تكون رقيقة شوي واطبعيها دائرة بقطر 7سم وروليها عاى المورني وغلقي بالماء يساعد على غلقها وما تتحلش في الزيت واقليها في زيت سخونة ومن بعد الكورني راح يتنزع بالشوي كملي نهيح وهو في الزيت بات تتحمر من داخل كي تتحمر الحبة انزعيها من الزيت الى العسل مباشرة العسل مع شوي ماء زهر
الحشوة :
150 لوز محمص ومرحي ماشي رطب (( او كاوكاو ))
150 جلجلان محمصة
بيسكوي مرحي ماشي بزاف
150غ حلوة الترك مرحية مع البسكوي
2 م ك كراميل
ولمي هاذ الحشوة بعسل سخون

واحشي الكورنيات ومن فوق مرمديها كيما تحبي كاوكاو أو فستق او جلجلان

fati21 · 2013-07-23, 23:48

ladymillion <div align="center">

الحطاب سهام · 2013-07-24, 18:20

اقتباس:

المشاركة الأصلية كتبت بواسطة بريق الامل&

*أم كوثر*
الله يسلمكم اخواتي
طريقتي في الطاجين الحلو مختلفة تماما والصراحة دقتها مرة في عرس وعجبتني بزاف وسقسيت وتحريت وجبت قرارها هههههههه
ماتستغربوش كي نقلكم بلابصل نعم بلابصل
جيبي طراف لحم
في طنجرة ديري مغرف كبيرة زبدة لما تدوب اضيفي قطع اللحم واقليهم مليح من بعد ملحيهم وديري شوية قرفة وامرقيهم غير شوية بالماء
لما تغلي ويقرب اللحم يطيب ضيفي فنجال صغير سكر وخلي يغلي
من قبل تكوني ناقعة العوينة والمشماش والزبيب في ماء زهر حتى ينتفخو
انقعيهم قبل ماتبداي طياب
نضيف العوينة ونخليها تطيب تماما حتى تطرى وتخرج هداك اللون الزين اللي الكل يعتقد انو كرامال السكر
اخيرا نضيف المشماش ونخلو الكل يغلي لما يطرى المشماش ويعقد المرق نضيف الزبيب ويغلي مرة زوج ونطفي لانو ادا بالغنا في طياب الزبيب يخرج المرق حامض
ادا عندك اضاافات متل الشباح ضيفيها في الاخير وديري قطرات ماء زهر وطفي
وعند التقديم زينب بانصاف اناناس او لوز ايفيلي اوكما تحبي
انا هنا قلت فنجال صغير سكر لاني نطيب كمية صغيرة انتم حطو السكر وذوقوا والمرق في الاخير لازم يكون عاقد شوية
والصحة والراحة

حتى حنا في وهران مانديروش لبصل في الطاجين الحلو ايضا نزيدو الزعفران للمرق وهناك حتى من يضيف مغرف صغير لافاني كي يطيب وتطفي عليه