مطلوع 10 دقائق

[شمس بريكة]

url=https://www.djelfa.info/vb/][/ur]
عجينة العشر دقائق وليت نخدم بيها كل معجناتي
واليوم استخدمتها مرتين
مرة في البيتزا للغداء خرجت هايلة
والمرة الثانية في العشاء ودرت بيها مطلوع سخفو عليه الدار
والمطلوع الي موالفة نديرو يعيي لازم تعجني وتدلكي حتى يتكسرو يديك
ماجلا قلت نجرب عجينة العشر دقائق وفي بلاست الفرينة درت الدقيق
وبعد ما لميت بالدقيق وقرستها خليتها تخمرت 10 دقائق اخرى وراكم شفتو النتيجة
ما تتخيلوشىقداه ساهل وخفيف
تهنيتو من معانات المطلوع
والعجينة الي حابتها شوفو واش درت
2كاس كبير دقيق او سميييييييد راني ناكد ونعاود سميد مش فرينة
2كاس نفسو حليب دافي او ماء دافي
ملح حسب الرغبة
سينوج
ملعقة ونص ك خميرة الخبز
ملعقة ونص ك سكر
خلطيهم وغطيهم بساشي و منشفة وخليهم يخمرو عشر دقايق بعدها جيبي باقي السميظ وبداي زيدي بالشوي حتى تولي عجينة طرية وما تلصقش وفي الاخير
زيدي فنجال زيت قرصيهم وخليهم يرتاحو عشر دقائق ثانية
وطيبيه
وبالصحة والهنا يا الفحلات