وجباتي اللذيذة القاتلة

[**وحدها غريبة **]

الاخت جزاكي الله خيرااااااا
وبارك الله فيك
موضوع جد قيم وتعجبت من عدم ردود العضوات النشيطات في المواضيع الطبخ!!!!
المهم ربي ربي يستر والحمد لله كان امثالكم سيدات وربات بيوت واعيات بحجم الكارثة والقنابل اللي تدخل المطابخ

[زينب 83]

رغم ان موضوعك جميل و فيه كثير من الحقيقة و رغم اني من اكثر الاعضاء الذين يدعون للاكل الصحي لكن اخالفك الرأي في بعض النقاط
ان نصبح نباتيين فهذا امر مخالف للطبيعة النبي عليه الصلاة و السلام كان يحب اللحم و كان ياكل كل انواع الطعام فلما نحرم ما احل الله لنا كما انه يوجد في اللحم ما لا يوجد في النبات و العكس صحيح
ثانيا لا تلومي الناس على طريقتهم في الاكل.. صحيح ان بعض الاشياء يمكن تغييرها لكن اخرى صعب جدا جدا
مثلا ليس الكل بامكانه الحصول على دقيق كامل او حليب خال من الهرمونات او سكر غير مكرر او زيوت صحية واقع السوق يفرض عليك احيانا اشياء غير صحية

ثالثا النباتات التي تفضلين اكلها هي ايضا غير صحية لانها مليئة بالاسمدة و المواد المسرطنة و احيانا كثيرا تسقى بمياه ملوثة
و ايضا معضمها في غير موسمها نمت في بيوت بلاستيكة ....

ملخص القول ان الاكل الصحي صعب المنال
لكن ...انا مع التقليل من الماكولات التي يمكن الاستغناء عنها كالسكريات و الزيوت المهدرجة و المعلبات و المشروبات المصنعة
مع التقليل من اكل الدقيق الابيض و العجائن ...انا مع طرق طهي الطعام الصحية ... لكن اقول التقليل لان كلمة استغناء معناها اننا نفرض على الناس المستحيل خاصة بعض العائلات الفقيرة التي كل وجباتها تقوم على الخبز

[زينب 83]

اضيف نقطة فقط
كميةالطعام لها دور كبير في الحفاظ على الجسم حتى زيت الزيتون رغم انه صحي لكن كثرته تودي الى السمنة بسسب سعراته المرتفعة نفس الشيء بالنسبة للفواكه

و النقطة الثانية مايوضع هنا من وصفات هي حرية شخصية و لا يممكننا ان نفرض على الناس ما يأكلون نحن ننصحهم هنا ينتهي دورنا لان هذا القسم هو قسم خاص بتبادل وصفات الطبخ
انا اكل كل انواع الماكولات سواء حلويات او غيرها لكن ..... بكميات و مرات محددة
و احاول جهدي ان اجعل اطباقنا التقليدية اطباقا صحية هكذا يتقبلها الناس لكن .... ان نحاول تغير عاداتهم تماما فهذا صعب جداجدا

[زينب 83]

هذا الموضوع كمت فتحتو من مدة و شاركو فيه بزاف اخوات راح تستفادو منه

https://www.djelfa.info/vb/showthread.php?t=1710055


سأثبت الموضوع لانه مهم لكن رجاءا الاحترام ثم الاحترام في ردودكم
لانه صاحبة الموضوع قدمت النصيحة فلا داعي للتهجم عليها

[أمنية غفران]

موضوع مفيد مشكورة صاحبته و بارك الله فيها و يعطيك الصحة أختي زينب


على حساب الحطة فيما يخص الزبدة لازم نحوسو على الزبدة الأصلية من عند المواليين يعني أصحاب الماشية و البقر واش رايكم و هادي شوية تكون صعيبة المنال عند الأغلبية

ولا الحل التاني نخدمو الزبدة وحدنا بالطريقة الأصلية كي يروب الحليب نمخضوه ( خض الحليب ) حتى نتحصل على الزبدة و الحليب يتحول الى لبن هي طريقة معروفة لدى البعض قولو لي واش رايكم

تحياتي

[زينب 83]

راح نقولكم من الاخير جميل انكم تناديو بالكل الصحي لانه اساس الحياة لكن يا ريت تقترحو حلول واقعية تربية الماشية و الدجاج و زراعة خضراواتنا بانفسنا وووووو
هذا ضرب من الخيال الناس حتى هي مالقاتش وين تسكن ..... و حتى المواد الغذائية غالية جدا مثلا زيت الزيتون 150 للتر و غير متوفر .... العسل الحر 600 للتر و معرف اذا اصلي
لي مدخولو قليل في رايك كيفاش يدير عندو 8 اولاد راه يوكلهم خضر و فواكه
اكيد راه يلجأ للمقارونة و الخبز

ربي يحسن العون و الله الاكل الصحي ماكانش احسن منه لكن ...قد يكون صعب المنال للبعض

[أمنية غفران]

عندك ألف حق أختي زينب و ربي يحسن العون كي نشوفو الواقع و الله غي الواحد يصدم

انا قلت على الزبدة كيفاه قادريين نتحصلو عليها من عند المواليين و لا نخدموها هنايا باش برك نبين بالأمور ماشي ساهلة و ربي هو المستعان و مالازمش نضخمو الأمور

تحياتي

[oumelabedmh]

السلام عليكن.اختي امنية النشيطة الله يبارك الزبدة اشري زيدة حيوانية لورباك ولا بريزيدون صح غالية لكن هاد الشئ يخلينا نقللو حلويات. ومعك حق اختي زينب الظروف المعيشية تخلينا من الصعب نحققو مبتغانا في الغذاء الصحي حتى السردين ولا غالي العايلة الكبيرة يحبلها باه تشري اسماك لكن محاولة الاعتدال والتخلي عن كل ماهو ضار

[أمنية غفران]

المشاركة الأصلية كتبت بواسطة oumelabedmh

السلام عليكن.اختي امنية النشيطة الله يبارك الزبدة اشري زيدة حيوانية لورباك ولا بريزيدون صح غالية لكن هاد الشئ يخلينا نقللو حلويات. ومعك حق اختي زينب الظروف المعيشية تخلينا من الصعب نحققو مبتغانا في الغذاء الصحي حتى السردين ولا غالي العايلة الكبيرة يحبلها باه تشري اسماك لكن محاولة الاعتدال والتخلي عن كل ماهو ضار

ربي يحفظك ام عبدرحمان ياك هاكة مانيش غالطة في الاسم و يعطيك الصحة رايحة نستعمل زبدة بقر هاديك الي تتباع بالميزان من عند اللبان راهو يقول يجيبها من عند الفلاحيين و المزارعين و الحق عندها بنة هايلة

أختي محبة الرسول علاش هادي نظرة التشائم الي راكي حاملتها غي بالعقل و نحوسو على حلول و بدائل و هادي ماشي حاجة ساهلة لازم شوية وقت برك

و ربي يعين كل مومن

[أمنية غفران]

أختي محبة الرسول صل الله عليه و سلم حبيت نقول لك الموضوع راهو مثبت شوفيه
تحياتي

[oumelabedmh]

امممم شهيتيني اختي امنية في زبدة البقر كي زيدت والدتي شراتهالي على جال البسيسة او الطمينة كل واحد كيفاه يقوللها يمي يمي. ان شاء الله تزيدوالمحلات الي تبيع الالبان والاجبان والزبدة الطبيعية باه يسهل على الكل اقتناؤها

[شمس 15]

موضوع في القمة هكذا نبدلو عاداتنا لي بعضها غير مفيد للصحة..
اختي زينب سبقتيني و ذكرتي وش كنت حابة نقول مرااات و الله تعرفي الحاجة مضرة لكن الجيب كي يكون قليل تشريها لانو معندكش بديلالله المستعان.
هادي ثقافة الاكل لازم نتبعوها و نتعلموها..
انا عندي شوية ثقافة على الاكل الصحي لكن مكنتش نتصور درجة خطورة المارغرين بهذه الصورة الا بعد ذكر الاخوات الفاضلات مدى خطورتهاالحمد لله نستعمل الزيت بزاف فيالحلويات الجافة ....نستعملها فيالاعياد بزاف.كنت رايحة نخدم عجينة التوريق لكن بطلت.
الاخت امنية ايه عندك الحق انا نشري زبدة البقر رخيصة شوية الكيلو 70 الف لكن نستعملها غير في الكسكس بنينة وشنو سريعة التلف راني حاطتها في المجمد

[شمس 15]

لي حطت موقع الفايد الله يرزقك من خيراتو في بالي ينشط غير في الفايس

[عطر و مطر]

صحيح اغلبية عاداتنا الغذائية خاطئة
خاصة المقالي و الزيوت هادو لي يسببو كثير من الامراض
مي في الكثير من الاحيان مانقدروش نتحكمو في انفسنا و ايضا بسبب الظروف

[muhibbat rrasoul sws]

السلام عليكم و رحمة الله و بركاته

الأخوات الكريمات، بقي على شهر الصبر و القرآن و الصيام و القيام و الدعاء و الكرم و الصدقة و الإيثار ... أياما معدودات، بعضنا يطيل الله في عمرها فتصومه إن شاء الله إيمانا و احتسابا و بعضنا الآخر لا فندعو لها الرحمة و المغفرة و ببعضنا تدركه و لا تصومه نسأل الله العافية.

ترى يا أخواتي أي صنف تختاره إحدانا لنفسها؟ إذا حسبنا فقط الشوربة مع البوراك و تحلية المساء ( الضرورية) كم ستمضي السيدة في المطبخ زيادة على المعتاد؟ كم سيبقى لها للراحة مع أيام الصيام، ثم ذلك الكتاب الجميل المقدس كم سنقضي في صحبته؟

أر النسوة يتسابقن في تحضير لائحات الطعام أو بالأحرى الأطعمة من مملحات و شوربات و حلويات و عصائر...
كثرة الأنواع على طاولة واحدة يا أخوات غير منصوح بها أبدا.
العصائر لما تطبخ تموت و تصير سكريات مركزة مع أسمدة في معظمها.
التونة لا تشتروها يا أخوات إلا أن تكون سمكة مصطادة في بحرنا و ليست من المزارع، إطبخنها ثم وزعنها في المجمد للإستعمال... الباقي و الله خطر على الصحة.
الأجبان هذه الضيوف الثقيلة على جيوبنا و موائدنا اليوم، قلة قليلة اليوم من تصنع البوراك بدون هذا السم المملح، يعني لا تكفي اللحوم بالأدوية و البيض بالهرمونات نزيدو الجبن بالمضافات و الأدوية والهرمونات....
الحلويات .... هذه مصيبة أخرى، صار أمر مقدس تناول تحلية في السهرة، و السهرة أصلا مقدسة، الكل يتنافس عليها من القنوات تلفزيونية إلى ربات البيوت، المهم كل واحد يقدم " الأحسن" ... هدا هو رمضان...


.....