|
|
|
|||||||
| قسم الأطباق الرئيسية الأطباق الرئيسية حصرية لأعضاء المنتدى |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
الجزء الثالث من وصفات حراير واش طيبتي اليوم
 |
|
|
أدوات الموضوع | انواع عرض الموضوع |
2016-02-19, 20:25
|
رقم المشاركة : 46 | ||||
|
كيكة الجزر Oum Aness Bba
٢ كأس ونصف الكأس طحين+ ٢ ملعقة قهوة خميرة الحلويات+ملعقة قهوة بيكربونات + ملعقة قهوة قرفة + نصف ملعقة قهوة ملح + كأس زيت + ٤ بيض + ٣ كؤوس مملؤة جيدا جزر مبشور + ملعقة قهوة فانيليا اخلطي كل من الطحين الخميرة البيكربونات قرفة ملح اخلطي بالضراب الكهربائي البيض + الزيت+ السكر+ الفانيليا جيدا اخلطي الخليطين معا ثم أضيفي الجزر المبشور افرغي الخليط في صينية مدهونة ومرشوشة بالطحين ثم ادخليها الفرن مسخن من قبل على درجة ١٨٠درجة لما تنضج رشي عليها السكر الناعم 
|
||||
|
|
2016-02-20, 15:33
|
رقم المشاركة : 47 | |||
|
انا هي رزيقة من موسكوتشو الى الذ حلوى
حلوة الشاطرات درت موسكوتشو باه نديه ليما بصح كي جيت نقلبو في الطبسي معلاباليش علاه تقسم من النصف و راح مورصوات حوست على عقلي ملقيتوش ....خخخ قعدت نمخمخ واش ندير خاطر ابدا مستحيل نرميه . املا جاتني فكرة جهنمية فتتتو كامل بيديا و زدت فيه شوية حليب و عمرتو بشوكولا نوتيلا ...اممم حتي ولى بحال عجينة و شكلتو كريات و غمستها في صوص شكولا خدمتها بكاس شوكولا بودرة و كاس سكر قلاص و كاس حليب و خليتها تعقد حوالي دقيقتين الى 3 فوق النار ثم غمست نصف الكريات في فرميسال الوان و النصف الاخر في كوكاو محمص و هكذا حصلت على احلى حلوة بالنوتيلا طاحو عليها ولاد خاوتي كي ديتها عند يما.حكيت هذا القصة باه نقول للبنات لي راهم يتعلمو متخافوش كي تخسرلكم القاطو او الكيك هناك دائما حل لاسترجاعه و عدم رميه.     هنا قطعت وحدة باش تشوفو ما اشهاها من الداخل و هذيك الحبة الصفراء هي زبيب  |
|||
|
|
|
2016-02-20, 15:41
|
رقم المشاركة : 48 | |||
|
بغرير بالبصل انا هي رزيقة
معلاباليش الا تعرفوه حنا موالفين نديروه في فصل الشتاء نحطو بغريرة كي تحكم روحها غير شوية نزيدو فوقها خليط من البصل مع قطعة شحمة و نعناع مدقوق في مهراز ثم نزيدو فوق الخليط بغريرة اخرى تكون طايبة بصح مشي محمرة ثم كي طيب الجهة السفلى نقلبو القرصة على الجهة الاخرى و تحصلي على احلى بغريرة دوبلي و ناكلوها مع زيت زيتون . اممم ثم اممم على الاكل التقليدي نموت عليه   ام رويدة حنا نديرو بها د الطريقة بصح نديرو البيض هو الحشو ويجي تان روووعة سيرتو مع القهوة |
|||
|
|
|
2016-02-20, 22:29
|
رقم المشاركة : 52 | |||
|
جينواز مضمونة 1000 /10000 رزيقة16
6بيضات 7 مغارف سكر نص كاس زيت 2 مغارف كبار كاكاو اسواد مغرف كبيرة فانيليا نص كاس حليب 300 غ فرينة 2 خميرة كيميائية خلطي كل المقادير با الباتور ماعاد الفرينة و الخميرة بملعقة خشبية من الاسفل الي الاعلي حتي دخلي الفرينة كامل اختي ديري طبقات خير مطيبيهاش علي مرة شوفي ديري المول الشكل لي تحبي بواسطة غراف فرغي بشوية قيس غراف و شوية طيب رقيقة ديري هاد المقادير اديرولك 3 طبقات في كل طبقة شمخيها با السيرو باش جي مشمخا ماشي ناشفة |
|||
|
|
|
2016-02-20, 22:42
|
رقم المشاركة : 53 | |||
|
الاكلير lمنال
كاس ماء تزيديلهم زوج مغارف كبار زبدة ومغرفة كبيرة سكر وقرصة ملح وتحطيهم فوق النار حتى تذوب الزبدة ومن بعد تنحيها من فوق النار وتصبي عليها كاس فرينة ضربة واحدة وتخلطي بسرعة ستلاحظي العجينة ما عدتش لاصقة تبدئ تضيفي البيض واحدة وتخلطي حتى تتداخل وكل مرة تزيدي بيضة اخرى وتخلطي حتى تكملي كل البيضات المهم مجموع البيض اربع بيضات وفي الطياب طيبتهم في فرن درجة حرارتو 180 وخليتهم 35 د وكي طابو خليتهم في الفرن يكون بابو متنفس شويا حوالي عشر دقايق الحشو عبارة عن كريم باتسيير ذوق قهوة وشوكولاتة يعني كي تخلطي الخليط انتاعك قبل ما تحطيه على النار تقسمي الخليط على اثنين واحد حطيت فيه شوي نيسكافي والخليط الثاني زدت شوى كاكاو وطيبت كل وحدة وحدها والقلاصاج درت ذوق قهوة وشوكولاتة يعني درت خليطين واحد درت السكر قلاص وخلطتو مع القهوة السائلةوالثاني خلطت الكاكاو مع السكر قلاص وزدتو شوي ماء حتى تحصلت على القوام المطلوب بالنسبة للعجينةالاكلير راني شفتها في الانترنات او هنا في المنتدى والله ما شفيت المهم نشكر صاحبة الوصفة وتسمحلي لاني ما شفيتش عليها ان شاء الله في ميزان حسناتك [  |
|||
|
|
|
2016-02-21, 12:59
|
رقم المشاركة : 55 | |||
|
دجاج على الطريقة المكسيكية انا هي رزيقة
صدر دجاج مقطع شرائح يقلى مع شوية بصل و ثوم شرائح و فلفلة شرائح ( من الاحسن تكون فلفلة الوان انا مكانتش متوفرة تزيدي معاها الحار لي يحب الحار) و شرائح الفطر و ماييس و ملح و فلفل اكحل و كركم و كمون و اي توابل تحبيها. و رافقته بالفريت يمكن ترافقيه بالرز ايضا    |
|||
|
|
|
2016-02-21, 15:35
|
رقم المشاركة : 57 | |||
|
ام رويدة وصفة رائعة لحلوة الطابع
5بيضات كأس زيت ماشي معمر كأس سكر عادي 2 مغارف كبار حليب لحظة 2 معارف كبار ميزينةمبشور ليمونة ومبشور برتقالة 2باكيات خميرة كمياء ية فرينة نضرب السكر والبيض يالباتور ملييييح ونضيف الزيت تدريجيا مع الاستمرار في الخلط ثم مبشور الليمون والبرتقال ثم الحليب والميزينة وفي الأخير الفرينة والخميرة نحلها ونشكلها أشكال وندهنها بصفار بيضة ممزوجة بشوية قهوة طايبة ونرش السكر ونطيبها من أسفل و نحمرها من فوق   |
|||
|
|
|
2016-02-21, 15:39
|
رقم المشاركة : 58 | |||
|
صينية البطاطا في الفر ن رزيقة16
وصفة سهلة التحضير و سريعة تع كي نكونو فنيانات مينداك نقشرو بطاطا نقطعوها دوائر ندهنو المول لي يدخل للفرن نفرش طبقة تع بطاطا نرشولها ملح و فلفل اسود نجيبو جبن ابيض نقطوه فوق البطاطا نزيدو طبقة من البطاطا نزيدو نرش الملح و الفلفل نغطوها بورق اليمينيوم نديرها طيب كي نشوفوها طابت نخرجها نرشلها فرماج مبشور و نردها نشعللها من الفوق شوية باش ادوب الفرماج و با الصحة و الهناء  |
|||
|
|
|
2016-02-22, 14:27
|
رقم المشاركة : 60 | |||
|
زينب 83 بسبوسة
لبنات هاذي بسبوسة ليدي و الله معتامدتها رووووووووعة و على ضمانتي المقادير: -- 2 كأس سميد عادي -- كأس من جوز الهند -- كأس زيت -- كأس سكر -- كأس حليب سائل بارد -- م ك قشور ليمون ] -- م ص فاني -- 2 باكي خميرة الحلوى ( نوارة ) -- نصف م ص ملح -- 3 بيضات كاملة -- 3 م ك ماء زهر الطريقة سهلة جدا من حيث تخلطي كل المكونات الجافة مع بعض إلا الخميرة ، وزيدي تضيفي الزيت + حليب وتخلطي مليييح + البيض بالواحدة وفي الاخير باش تزيدي الخميرة وتخلطي جميع المكونات ملييح الخليط يكون سائل شوي صبيه في صينية مدهونة بالزبدة أو ديريلها ورق المنيوم كيما درت أنا الفرن تكوني شعلتيه قبل بــ 10د 180° الرف يكون في الوسط حطي البسبوسة طيب عادي لما تتحمر شوي طفي من تحت وشعلي من فوق تزيد تاخذ اللون غامق شوي حضري الشاربات قبل باش تكون بردت وتسقي بيها البسبوسة فور خروجها من الفرن وهي سخونة نحتاج حوالي لتر من الشاربات انا استخدمت عسل وزدتلو ماء زهر ونصف حبة ليمون وحطيتو على النار حيلة وتدبيرة ل زينب 83 لبنات حبيت نعطيكش فكرة واحد النهار درت البسبوسة و مي جيت ندير الشاربات لقيت السكر قليل ، خممت و مباعد تفكرت عندي نص قرعة مشروبات فرحة أناناس خلطتها مع كاس السكر لي عندي و حطيتها فوق النار حتى ولات شاربات و سقيت بيها واش نقولكم الذوق جاء رائع و لي يذوقها يسألني عليها |
|||
|
|
|
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
الجزء الثالث من وصفات حراير واش طيبتي اليوم
العرض العادي
