الجزء 137 من كوزينة واش طيبتي اليوم ((كوزينة النجاح في الدارين ))

[ام طيري الجنة]

المشاركة الأصلية كتبت بواسطة **ام هدول**

ربي يبارك فيكي ام طبري صح ثاني ولدي ربح البيام والمعدل كان كما بنتك

36 12. صراحة غلعني وزعمة يقرا مليح ديما يلحق قريب 15 وفي البيام تهاون بزاف

ودرك قلبي مزير من اخوه اعندو الباك في الايام الي كانو يفوتو فيها باك بلون صاحبو الي عزيز عليه

ويحفظ غير معاه ويظل معاه في دار عمل حادث كان راكب في سيارة وانقلبت بيهم ومات ربي يرحمو صدقوني

لحد الان منسيتوش وكي نتفكرو نبكي عليه وولدي مزال يخمم غير فيه وكل دقيقة يتفكرو حتى صورتو كي يحل البورتابل

تخرجله وكل جمعة يروح عنده يزور قبره صراحة ولدي فوت الباك في ضروف صعيبة ربي يجيب الخير وخلاص

ام هدول بالبركة على وليدك عقبال البكالوريا يفرحونا بمعدل احسن و ربي يفرحك بوليدك الثاني في الباكالوريا و ربي يرحم صحبو و يصبر اهلو و الله غير موقف صعيب بزاف ربي يهون

المشاركة الأصلية كتبت بواسطة kahina kook

ما شاء الله الف مليون مبروووووك , عفبال ما تعملي حفلة اكبر و تفرحك مرة ثانية بنجاحها في شهادة البكالوريا و نشوفوها في اعلى المراتب ان شاء الله

الله يسلمك حبيبتي كهينة و ربي يبارك فيك و يفرحك و الله كلامك حلة ربي يحلي ايامك

المشاركة الأصلية كتبت بواسطة rcr_48

ربي يبارك في حرائر الجزائر ... ما شاء الله
الطبخ الجزائري و المغربي يعتبران الافضل عربيا

و يبارك فيك يا حرة الحراير

[زهرة الريف*]

مبارك نجاح نسرين وافتتاح كوزينة جديدة إن شاء الله نسمعو فيها غير الخير والأخبار السارة
الله يبارك ويزيد كلش حطيتيه فور وحطة يعطيك الصحة وربي يفرحك بها ديما ويرزقك الذرية الصالحة تملا عليك الدار
حباباتي تحياتي لكن جميعا

[ام طيري الجنة]

المشاركة الأصلية كتبت بواسطة om kamilia

يعطيييك الصحة ام نسرين عجبتني فكرة السفة نرشوها بالحليبونا نزيد نرشها بماء الزهر والورد فكرة مليحة و لآ لالا برك مانكثرش
و المنقوشة الفور تاعي مهبلني نخاف منو , يعطيييييك الف عافية انت وام اماني و كل البنات

انا ماجربتهاش بماء الزهر بصح تبان لي فكرة مليحة برك ما تكثريش كيما قلتي و بصحتك مسبقا

[ام طيري الجنة]

المشاركة الأصلية كتبت بواسطة الريفية

مبارك نجاح نسرين وافتتاح كوزينة جديدة إن شاء الله نسمعو فيها غير الخير والأخبار السارة
الله يبارك ويزيد كلش حطيتيه فور وحطة يعطيك الصحة وربي يفرحك بها ديما ويرزقك الذرية الصالحة تملا عليك الدار
حباباتي تحياتي لكن جميعا

اااامين يا رب و الله يسلمك حبيبتي الريفية هذا من جمال عينيك اختي و ربي يحقق لك كل امانيك

[ام طيري الجنة]

نروح لاشغالي الشاااقة و نرجع من بعد مرحبا بيكم الدار داركم و الكوزينة كوزينتكم عمروها بخيراتكم ربي يدوم عليكم النعم و يبارك لكم في صحتكم

[ام ياسو]

ام هدول قلبي مع ولدك ربي ينجحوا ان شاء الله وما تكتروش عليه مسكين لي فات عليه صعيب ربي يكون في عونه
ان شاء الله لما ينجح فرحينا

[أم محمد تاج]

صباحوووووو حبيباتي الغاليااات
ام نسرييييين الف الف مبروووك الكوزينة وصح كوزينة النجاحات ونشالله نزيدو نسمعو فيها نجاحات جماعة الباكالوريا وعرضيتك ماشاء الله وبارك يعطيك الصحة يالفحلة
ام الجوووود والله فرمشتي تع الصح عندك زيرووو مراجعة
ام هدووول حنووونة الله يصبركم على فقدان صديق ابنك ونشالله ينجح يارب
حبيباتي روووعة واش حطيتوووووو روووعة
نحمل باروكي ونجي

[أم أيوب 11]

أم نسرين مبروك عليك نجاح بنتك وعقبال للباك ويا رب تشوفيها في أعلى المراتب وبصحتكم الحفلة وغير ما تخميش راني قريبة ليك نجي نحمدلك

ومبروك عليك افتتاح الكوزينة وباينة غادي تفوت حلوة ان شاء الله نسمعو فيها افراح الباك ونشمو ريحة الحلويات وربي يقدرنا على العشر الاواخر

تفضلي باروكي فلان ام رامي

[IMG][/IMG]

[ام طيري الجنة]

ام محمد تاج رجعت على جالك الف مرحبا بيك و ربي يبارك فيك و الف شكر بيك
و ام ايوب كلامك حلو يا سكرة ربي يبارك فيك و يفرحك يا العزيزة و مشكورة على الباروك ربي يحفظك
و الان طردوني لاشغالي و اذا حبيتو ارواحو عاونوني هههه سلااااام

[عازفة الناي]

مبروووووووووووووك الكوزينة ان شاء الله فاتحة خير للجميع
الحلويات رووووووووووووووووووووووووووووعة وحاجة هايلة بصحتهم ضيافك

[أم محمد تاج]

باروكي للغالية ام نسرين



هاذي ذواقة جاتني طاجين الخووخ وسمبوسة وخوووخ مورانغي الله يحفظ مواليه

[ام هاديل وياسين]

الله يسلمك ام طيري ان شاء الله ربي ينجح قاع الوليدات

ام ياسو الله يسلم قلبك الحنين والله يحفظلك اعز ماعندك والله راني نحاول نسلها عليه من بطل الطرق وزيد ولدي عامو تاني

يعني راه يعاود قلتلو الي جات من عند ربي مرحبا بيها

ام تاج ربي يخليك حبيبتي ويعطيك وقفة ساهلة يارب وربي يستجب منك امين

[saja hamed]

الف الف الف مبروك اختي ام نسرين لعقوبة للباك ان شاء الله يا ريت كون عرضتيني ونضوق كل هذيك القاطوات امممممم ههههههههههههه يعطيك الصحة وربي يبارلكلك في صحتك ونسمعو الاخبار السارة عندي اختي باك ربي ينجحها ادعولها اسمها انوار هههههههههه راهي خايفة لا ماكلة لا شراب

[زهرة الريف*]

اوريسية ربي يرزقكم الصبر ويرحم جدك ويجعلو من أهل الجنة
أم هدول تقطع قلبي على صديق ابنك ربي يصبر ميمتو واهلو عليه ويلطف بينا جميع وبإذن الله ينجح وليدك ويفرحك
ربي يفرحكم يااصحاب الباك وتفرحوا ماليكم

[ام هاديل وياسين]

حلوة المناديل لام اماني صراحة رووووعة



قاطو البرستيج تاع ليزا العسالية ربي يحفظها يهبببل


وهدا قاطو السجائر المحشوة للغالية اسمهان ربي يشافيها يدوب في الفم

هاد القطوات درتهم باش نحطهم في سهرية للحباب الي راهم يجو يباركولي لنجاح ولدي

ولبارح زدت حطيت لي تارتولات تاع الهام نسيت مصورتهمش ودرتلهم كريمديسار تاع ام ياسين الي راهم في وصفات الحراير

جاو اممممممم يتقرمشو ههههه