اسمع حكاية بلهجتي .... - الصفحة 4

novateen · 2011-10-12, 18:47

اقتباس:

المشاركة الأصلية كتبت بواسطة abderrahmane.b

ايا نحكيلكم واحدة نشاله تعجبكم
قلك واحد دار قاراج تاع الجاج اللي يولد البيض
اي راح واحد النهار ما لقا حتى بيضة، حكم واحدة فيهم ريشها قالهم غدوا الصبح نجي ما نلقاكمش ولدتو 05 بيضات للواحدة نريشكم كيما هاذي
ايا لغدوة جا قاعد يحوس فيهم لقاهم اكل ولدو 05 بيضات غير واحدة لقا عندها زوج برك قالللها لاه. قالتلو راني ديك احمد ربي كي لقيت زوج.....ههههههههه

ههههههههههه هههههههههههههه ههههههههههه هههه والله غير مصيبة أنت
شكرا أخي عبد الرحمن على النكتة الطريفة والمضحكة جدا
في انتظار مرورك مجددا وامتاعنا لك مني أجمل تحية وتقدير
لا تبخل علينا برصيدك

novateen · 2011-10-12, 18:49

قالك خطرة زوج قرازيز ( يعني مشحاحين) كانوا مجمعين على شط البحر قال الاول ننزلوا للما ونغطسو اللي يطلع لول يخلص الفطور من دال اليوم مابانوش في زوج

abderrahmane.b · 2011-10-13, 10:21

اقتباس:

المشاركة الأصلية كتبت بواسطة novateen

قالك خطرة زوج قرازيز ( يعني مشحاحين) كانوا مجمعين على شط البحر قال الاول ننزلوا للما ونغطسو اللي يطلع لول يخلص الفطور من دال اليوم مابانوش في زوج

هههههههههههه هاذو باينين من سلك التعليم....

novateen · 2011-10-13, 11:04

اقتباس:

المشاركة الأصلية كتبت بواسطة abderrahmane.b

هههههههههههه هاذو باينين من سلك التعليم....

ههههه علاش اللي من سلك التعليم مشحاحين أيا بركا ما تعاير

العاصفة الهوجاء · 2012-05-14, 16:09

اقتباس:

المشاركة الأصلية كتبت بواسطة abderrahmane.b

ايا نحكيلكم واحدة نشاله تعجبكم
قلك واحد دار قاراج تاع الجاج اللي يولد البيض
اي راح واحد النهار ما لقا حتى بيضة، حكم واحدة فيهم ريشها قالهم غدوا الصبح نجي ما نلقاكمش ولدتو 05 بيضات للواحدة نريشكم كيما هاذي
ايا لغدوة جا قاعد يحوس فيهم لقاهم اكل ولدو 05 بيضات غير واحدة لقا عندها زوج برك قالللها لاه. قالتلو راني ديك احمد ربي كي لقيت زوج.....ههههههههه

قررررررررررررررررررررررررررررررررررررررررررررررررر ررررررررررررررررشكرا

abderrahmane.b · 2011-10-13, 10:27

هاذي حكاية واحدة اخرى نشاله تضحككم
قالك واحد زاطل راح للطبيب يشكي بلي كل ما يرقد يحلم بقطط يلعبو في الكرة . قالو
الطبيب : مترقدش يومين .. قال المزطول: ما نجمش على خاطرغدوة La Final
مغ تحياتي الاخت novateen

novateen · 2011-10-13, 11:03

اقتباس:

المشاركة الأصلية كتبت بواسطة abderrahmane.b

هاذي حكاية واحدة اخرى نشاله تضحككم
قالك واحد زاطل راح للطبيب يشكي بلي كل ما يرقد يحلم بقطط يلعبو في الكرة . قالو
الطبيب : مترقدش يومين .. قال المزطول: ما نجمش على خاطرغدوة la final
مغ تحياتي الاخت novateen

هههههه لوكان راح للطبيب مور لا فينال
ولك مني أجمل تحية

الجازية الهلالية · 2011-10-13, 14:19

السلام عليكم

عجبتني القصة تاع الاساتذة بزاف

ورانانستناو في القصة تاعك نوفاتين

وليوم جيتكم بهادي القصة

قالك الفيل دار حفلة ايا عرض كاع الحيوانات

نهار الحفلة كاع جاو غير النملة لي ماجاتش

الغدوة من داك تلقاها الفيل وسقساها على ماجاتش

قالتله جيت وماحليتوش عليا الباب ,ايا قالها الفيل انتي صغيرة كنتي تطيgي تدخلي من تحت الباب

ايا قالتله :شاوالا بغيت لاكوب تاع شعري تتخسر

novateen · 2011-10-13, 18:03

اقتباس:

المشاركة الأصلية كتبت بواسطة الجازية الهلالية

السلام عليكم

عجبتني القصة تاع الاساتذة بزاف

ورانانستناو في القصة تاعك نوفاتين

وليوم جيتكم بهادي القصة

قالك الفيل دار حفلة ايا عرض كاع الحيوانات

نهار الحفلة كاع جاو غير النملة لي ماجاتش

الغدوة من داك تلقاها الفيل وسقساها على ماجاتش

قالتله جيت وماحليتوش عليا الباب ,ايا قالها الفيل انتي صغيرة كنتي تطيgي تدخلي من تحت الباب

ايا قالتله :شاوالا بغيت لاكوب تاع شعري تتخسر

هههههههه نورمالمو الباب تاع الفيل كبير ما غاديش يتخسر شعرها
سعيدة لأن حكاياتي راقتكم
شكرا لمرورك ومتابعتك للموضوع
ننتظر منك المزيد من الحكايات الطريفة فلا تبخلي علينا

m3mar47 · 2011-10-13, 17:55

شكرا لك على الموضوع الجميل
قصص ممتازة و فيها عبرة
نفع في الحياة اليومية

novateen · 2011-10-13, 18:08

اقتباس:

المشاركة الأصلية كتبت بواسطة m3mar47

شكرا لك على الموضوع الجميل

قصص ممتازة و فيها عبرة
نفع في الحياة اليومية

لك كل الشكر والتقدير اخي معمر على مرورك بالموضوع
جد سعيدة لأن الحكايات ألقت اعجابك
اذا كانت بجعبتك أية حكاية من أي نوع يا ليت تشاركنا وتمتعنا بها وسنكون جد ممتنين
تحياتي لك

novateen · 2011-10-13, 18:20

بعد ما عرف الاخوة أن البنت كانت على حق سقسوا البنت الأخرى على الحيلة وكيفاش رجعت أختهم سوداء البشرة فحكاتلهم القصة
راحوا الاخوة السبعة للعين البيضاء وطلبوا من اختهم تحمم باش تعاود تولي بيضاء البشرة والخادمة تولي لطبيعتها
عاش بعدها الاخوة حياة سعيدة مدللين فيها اختهم اللي ما كان يخصها حتى شيء حتى انها كانت أعز عليهم من زوجاتهم
طبعا هذا الشيء خلا زوجات الاخوة السبعة يغيروا منها وفكروا في حيلة تخلصهم منها ويبقى العز ليهم وحدهم
وحد النهار قرروا باش يروحو للواد يغسلو الصوف وداو معاهم البنت وتفاهمو باش يوكلوها بيضة الحنش اللي كانت في باديء الأمر مثل حبة الكسكس
طبخو قدرة بركوكس ولا كيما يقول البعض عيش وحطوا بيضة الحنش في المرة الأخيرة اللي بقاة وعيطت وحدة فيهم " شكون اللي عزيزة بزاف على خوتها فينا تجي تاكل المرة التالية من هاد العيش بلا ما تمصغها " قالت البنت بكل فخر "ماكانش وحدة فيكم عزيزة على خوتها كيفي أنا " وكلات هاديك المرة تاع الطعام بلا ما تمضغها
فاتت ليام وهاديك البيضة تكبر في كرش البنت حتى اتهموها زوجات اخوتها بالعار وانها بالحمل
وصل الخبر لخوتها وما صدقوش الخبر لاخاطرش يعرفوا مليح أختهم بلي ما ديرش العار
ومين كثرت الهدرة جاء عنها واحد من خوتها وقاللها راني باغيك اشوفيلي حاجة طاحتلي في عيني تنحيهالي وقاللها حطيلي راسي في حجرك باش تشوفيها مليح . ترددت البنت شعال ومن بعد قبلت وكي حط خوها راسه على حجرها حس حاجة تتحرك في كرشها وتأكد من الخبر المزعوم وطاحت دمعة من خده لا خاطرش كان لازم عليهم يتخدوا قرار صارم في حقها ........
يتبع ........

novateen · 2011-10-14, 18:46

فكروا الاخوة السبعة في حل للمصيبة الي راهم فيها بصح باش يقتلو أختهم اللي عزيزة بزاف عليهم ما ينجموش يديروها فقرروا باش يرموها في بير
وراحو لبير بعيد ورماوها فيه واعطاوها الماكلة وراحوا
كانت ودعة تشرب من البير وتاكل من أي حاجة تصيبها تم والحنش اللي في كرشها يكبر ويزيد
في نفس الوقت كان شعرها يطوال حتى طلع من البير والتف مع النباتات اللي كانت دايرة عليه
وفي وحد النهار كان فايت فارس فشاف البير ربط عوده وقرر باش يريح شوية
راح هذاك العود ياكل فالحشيش اللي داير بالبير وعاه شعر ودعة اللي تألمت وعيطت عليه باش يحبس
سمع الفارس هدرة جاية من تحت البير فراح سلكها وسقساها على حكايتها الي حكاتهالوا بالكامل بصح ما عرفتش علاش اخوتها اتهموها بالعار وهي ما دارت والو
حار الفارس في أمرها وداها عند الحكيم
أمر الحكيم الخدم تاةعه باش يطيبولها ماكلة ويكثرولها فيها الملح وما يعطوهاش تشرب
ومن بعد علقوها من رجليها ودارو تحت راسها قصعة ماء
بعد شوية راح الحنش يخرج من كرشها لا خاطرش عطش وبغا يشرب فتفاجأ كل من كان فالمكان وهي بانت حقيقة براءتها وطهارتها
تزوج الفارس من ودعة وجابت له ولد كبر الولد وكان يلعب قدام الخيمة في حين جاء فجأة سبعة شبان وربطوا خيلهم باش يريحوا من العيا تاع الترحال تفاجأت ودعة وعرفتهم فالحين من عيادهم السبعة وراحت تغني لولدها " خوالك سبعة وعيادهم سبعة وسيوفهم سبعة..." سمع السبان المرأة تغني فسقساو الفارس وعندها حكالهم قصة أختهم من الاول حتى الأخير
ندمو الشبان بزاف على ثقتهم اللي خانتهم في اختهم
وقرروا باش يعاقبوا زوجاتهم على فعلتهم الخبيثة فحفروا حفرة كبير ودارو فيها النار وطلبوا من كل وحدة تقفز على الحفرة واللي شاركت فالحيلة طاحت وانحرقت الا وحدة ما شاركتهمش ....
وعاشت البنت ودعة مع اخوتها في سعادة وهناء
وهاذي هي حكاية ودعة مشتت سبعة
شكرا في انتظار حكاية أخرى تقبلوا مني أجمل تحية

abderrahmane.b · 2011-10-16, 13:32

هاذي حكاية واحدة اخرى نشاله تعجبكم
قالك مرة كان جزائري وامريكي وجابوني ( ياباني) عطاو لكل واحد منهم مليار وقالولهم لازم تخترعو حوايج مالا الماريكاني خدم صاروخ يروح لأي بلاصة والياباني خدم خاتم بورتابل تكلم بيه اي واحد اما الجزائري صرف دراهمو اكل قعدتلو غير مليون مالا شرى معزة وكلبجوعهم ربع ايام قبل ما يوصل وقت كي يورو اختراعاتهم مالا بدا الماريكاني ورى اختراعو ثم الياباني وصت دالةالجزائري حط الكلب وعطاه حشيش كلاه وحط المعزة وعطاها اللحم كلاتو قالولو واشي هو الاختراع قالهم على الكلب: الكاركاس كلب والموتور معزة .على المعزة: الكاركاس معزة والموتور كلب
مع تحياتي nova

novateen · 2011-10-16, 15:15

اقتباس:

المشاركة الأصلية كتبت بواسطة abderrahmane.b

هاذي حكاية واحدة اخرى نشاله تعجبكم
قالك مرة كان جزائري وامريكي وجابوني ( ياباني) عطاو لكل واحد منهم مليار وقالولهم لازم تخترعو حوايج مالا الماريكاني خدم صاروخ يروح لأي بلاصة والياباني خدم خاتم بورتابل تكلم بيه اي واحد اما الجزائري صرف دراهمو اكل قعدتلو غير مليون مالا شرى معزة وكلبجوعهم ربع ايام قبل ما يوصل وقت كي يورو اختراعاتهم مالا بدا الماريكاني ورى اختراعو ثم الياباني وصت دالةالجزائري حط الكلب وعطاه حشيش كلاه وحط المعزة وعطاها اللحم كلاتو قالولو واشي هو الاختراع قالهم على الكلب: الكاركاس كلب والموتور معزة .على المعزة: الكاركاس معزة والموتور كلب
مع تحياتي nova

ههههه ههههه شكرا على النكت الرائعة ما رانيش عارفة مين راك تجيبهم