الجزء 63 من واش طيبتي اليوم تزامنا مع عيد المراة

[Aya69]

المشاركة الأصلية كتبت بواسطة r i a d

اية 69 نستعرف بيك فحلة
جبتي الميلفاي قدقد

رياض شكرًا ليك حبيبتي هذا بفضل حراير جلفة ولينا والحمد لله نخدموا كل شئ في ديارنا

[lyzzabel]

مبروووووك الكوزينة حبيبتي هذا وين قدرت ندخل هبلتني النت
بسم الله ماشاء الله كوزينتك مشروحة و دارك تهبل الله يعطيك الصحة نظافة و نظام و الله يبارك اطباقك كلها تشهي بصح انا ما كنتش محرومة منهم ههه كنت نستنى الصور حتى يطلعو و نتمتع بطياباتك ههههه

هذا باروكي للكوزينة الجديدة راكم قااااع شفتوهم ههههه. لبرااااج تبعتو المسلسل تاعهم معايا على المباشر ههههه و انشالله كي ندير حاجة حلوة راني نزيد نحطها




و هذا فطوري اليوم و الحمد لله على نعمه حمدا كثيرا

[lyzzabel]

أية بصحتك الميلفاي خرجولك يهبلوووو ممممم و الترتة تشهي يعطيك الصحة
افروديت بصحتك الكسرة و فانتظار العرايش
ريهاااام الغاااالية على سلامتك راكي طلي و ما تولييييش علاش يا ختي ياك حنا نبغوك مام ما تجيبيلنا معاك والو بصح الله يباااارك السكندرانيات تحححححفة من تحفك الرائعة و شكرا على توضيح طريقة المناديل يسلم يديك و ألف مبروك لوليد خالتك
داءمة الحمد واش راكي حبيبة انشالله المزاج تحسن
ام أمنية كي تجوعي ارواحي هنا ما تخمميش راني كتبتلك رسالة طويلة عريضة بصح النت شيطتني مانعرف إذا وصلاتك

سلااااااااااااااااام عليكم اخواتي
ادراري كوزينتك ودارك هاااااااااااااااااااايلين باللهنا والسعد يا غالية واطباقك رووووووووووووووووعة
ريهام يا متالقة يا فنانة سلمت الايادي والف مبارك العرس والله كلش من ايدك فننننننننننننننننننن
ام ايناس الف مبارك الحمل ربي يثبتهولك ويسهلك ويفرحك بشوفة البيبي سليم معافى ياااااارب والعقوبة للغالية بريق الامل
ليزابيل كلش هااااااااااااااااااااايل يسلموووووووووووووو
اية ما شااااااااااااااااااااااااء الله عليك ربي يبارك
دائمة الحمد بانتظارك وكلنا ثقة في وصفاتك

المشاركة الأصلية كتبت بواسطة aphrodite16

وييييييييييي روضة بزاااااف هايل يهبببل و خفيييييف خير من تاع اللوز مي حوست على ام يسرا باش تدير تعديل في وصفات الحراير ما لقيتهاش
نسيت ما قلتش كيلة ناقصة شوية سكر

اهلاااااااااااا حبيبتي حنان راني هنا ههههه
روحي شوفي درت تعديل واضفت السكر راني معولة عليها قرييييييييييييييبا

[*عاشقة الجنة*]

مساء الخير حبيباتي

ممكن تشرفوني
طلبا وليس أمرا
https://www.djelfa.info/vb/showthread.php?t=1548670

[omomnia15]

ملحقني والو ليزابال وبصحتك الروز والله شهيتيني والله راهو قاتلنا الجوع البارح درت بطاطا فاضة والبيض دارو اضراب واليوم درت سباقيتي حمر راهو يسمع فيك والفو المشبح والمتقون انا قلبلكم الاكراد ميشكروش هههههههههه

حبيبتي ادراري جبتلك الباروك لكن من الارشيف خخخخ والله راني مع الامتحانات تاع الاولاد ربي يفرحنا بيهم ياااارب وجميع اولادكم
حلوة بالزبيب والشكولاطة



وهادا صابلي

[lyzzabel]

عاشقة الجنة مممممممم الرفيس و لبراج رووووعة بصحتك حبيبة
ام يس طبق الجلبان فالفرن يشهي يعطيك الصحة
ام يسرا مرحبا بيك حبيبة و حلوياتك تشهي
الله ينجح أولادنا جمييييعااااا انشالله و يفرحنا بيهم

[Aya69]

ليزابال وأم يسرى شكرا حبيباتي الله يبارك في صحتكم وان شاء الله ينجح أولادك يا رب

[omomnia15]

واش رايحين اديرو عشا كاش ما نسرق عليكم راني عيانا وقشي مودر عشوني معاكم واااااااااااااااااااع راني جوعانة

[omomnia15]

راهي وصلت رسالك ليزابال ومشكورة حنونة والله يكون في عونك كاش مرة نجي لمعسكر نجي ليك

[R I A D]

عزيزتي ام امنية ارواحي ارواحي كاين الكبدة و المرقاز و الشخشوخة
الي تحبيها هذيك هي و بالصحة و الهنا

[ryhem 16]

صح قهوتكم جميعا
ألف شكر لكما عزيزاتي روضة و حنان و ربي يجعلكم من اسعد نساء الكون أميننننننننن
حبيبتي دائمة الحمد بلا مزية و طلبك يسعدني الله يرضى عليك و مشكورة على دعواتك و لكي بالمثل يا أصيلة
أختي العزيزة فايزة راني جبتلك وصفة التارتولات بالطلية
يا أحلى فنانة الوصفة قديمة تعجبني و عزيزة على ماما
العجينة

• 250 غ زبدة(أو مارغرين) ذايبة و باردة

• 2 صفار بيض

• 4 ملاعق أكل سكر غلاص

• 1 باكي خميرة حلوة

• 1/2 ملعقة قهوة خميرة الخبز الفورية(حليها في 2 ملاعق حليب دافىء) ما تخافيش من ريحة الخميرة ما تبانش خلاص في الحلوة
  

• عطر الفانيليا
• قرصة ملح
  

• الفرينة حسب الحاجة

الحشوة

• معجون (استعملت معجون البرتقال ) تقدري تستعملي تاع المشماش

الطلية

• بكري اديرو الطلية بالبيض لكن موِْخرا و لينا نستعمل الفوندو

الشوكولا السوداء المذوبة
حبيبات الشوكولا(البيضاء أو السوداء) و لا تقدري تستعملي الفرميسال بالشوكولا أو تستغناي عليهم
التحضير
العجينة

• في وعاءحطي الزبدة المذوبة و الباردة + صفار البيض + لافاني + قرصة ملح + السكر غلاص و نخلط بالباتور لحوالي 3 دقائق كما تقدري تضربي بالفوي تاع اليد
  

• ضيفي الخميرة الكيميائية + خميرة الخبز(ألي حليتها في لحليب)
• لمي الخليط بالفرينة حتى تتحصلي على عجينة تكون متجانسة و طرية كما تاع الصابلي
• حلي العجينة و قطعي دوائر(ما تحليش بكمية كبيرة غير بالشوية أحسن)
  
• حطي كل دائرة في قالب التارتولات ألي يكون مدهون و مرشوش بالفرينة و سويها مليح(أستعملت قوالب حلوة المدلوقة)

• حطي في الوسط 1 ملعقة صغيرة من المعجون

• و بدائرة أخرى غطي من فوق و أضغطي على الأطراف فقط ماشي في الوسط باش العجينة ما تتشقش و يخرج المعجون

• حطي الحبة داخل ساشي و مرري يدك من فوق باش اولي السطح أملس و تتأكدي بالي الحلوة راهي محكومة(une astuce)

• حطيها في صحن الفرن و طيببها كما الصابلي
• خليها تبرد و نحيها من القوالب

• ذوبي الفوندو و حطي حوالي ملعقة قهوة فوق كل حبة و مشيه على السطح
• أعملي خطوط بالشوكولا الذايبة و شكلي كما تحبي و خليها تنشف
  

هاهو الشكلي النهائي




و الله الحلوة بنينةةةةةةةةةةةةةةةةة
نتمنى أنكون وضحت في الشرح لكي أختي الغالية فايزة و لكل أخواتي العزيزات
تحياتي لكن

[omomnia15]

علابالي اختي رياض عز وين رحت وبلا ماكلة خبز وماء ضيافتك تشرفني شكرا ليك