الحب الفاشل - الصفحة 4

فاروق الصحراء · 2015-09-16, 01:14

اقتباس:

المشاركة الأصلية كتبت بواسطة fatma chlef

سبحان الواحد القهار ربيت الكبدة قبل دخول الدار
و نشكر الواحد الجبار لي جمعنا و حضروا ناس كبار
فرحنا و تسرعنا و عزمنا ناس الحوما كلهم حضار
كتب ربي ووصلت لدار مدة اربعة اشهر و ضعنا الجدار
من عشرتي شربت كاس لمرارو من حصرتي صبيت لمطار
تحطمت و ندمت على ما صرالي بعدما تحديت والديا في هذا القرار
يا عجبا تهت في اختيار ظلمت نفسي و هذا احتقار
نوصي كل بنت و نقلها حذاري ما ديريشى كيفي هايليك اخبار
بعت روحي بالرخيص و سومي غالي ترجيت والديا و تقدرت لقدار
الحب قبل الزواج غلطة راك تحصل في ورطة وزيد لضرار
راني نقول في الصح مانيش غلطان و قصتي هي الدليل و البرهان ولي يبغي يدير الدار
بقلم فاطمة شلف

ونقولك أنا تاني ...

يا ختي انا ضنيت عليك وردة في جنان
وياك ورد الجنان يريح بعطور
سقيتك بدموع قوية تهطل مالعيان
وقلت موحال تذبالي طول السنين وشهور
روحي روحي يا وختي في لمان ياك نكار الاحسان
ماتنفع فيه دور
الخاتم الي هديتلك نكرتيه علاش
روحي ربي يجيبك يا نكارت الملح والطعام
خاتم لونو يسبي لاهل لعقول واهل الحالة
معمر ومعبي بالحجار ماهوش من والة
مشري ماهو مسبي عند التجار ماشي من الدلالة
هديتولك من قلبي وخاب ضني فيك يا لغزالة
خاتم غالي فالسوم ماكسبو واحد في جيلنا
ولا كسبوه الروم والتراك والهند وسلطنا
هديتليك معلوم وقلت هاذا رباط حياتنا
العشرة بيه الدوم يا ختي وتسعد يامنا
خاتم لونو وضاح من بعيد زهوة للناظرين
النظرة فيه يا صاح تنور وتقرقج العارفين
يشرق في كل صباح وفي كل ليلة ضيا للعاشقين
من صبعك راهو طاح وداوه الناس الشاطرين
هديتلك خاتم الي محبتو في قلبي شاعلة النار
مادريتش في بالي تنكري العشرة ويخرج قلبك غدار
شكوا للعالي مسير الامور صاحب الاقدار
يشوف لسقام حالي ونخطي طريقك فيها لوعار
يا من تفقه قولي احفظ اسمي وذكرو جهار
مصطفى مايبالي بالجهال ولا الناس شرار
سلامي بغوالي لوالديا وشياخي ولاحرار
ومن مغروم بحالي نقولو عوم وساعف البحار
روحي ربي يجيبك يا نكارت الملح والطعام

هادي من عند خويا وحبيبي مصطفى الله يعلي في مقامو

نتمنى تعجبك

فاروق الصحراء · 2015-09-16, 01:24

العفو أختي الفاضلة فاطمة
تحياتي لك أيضاً

فاطمة شلف · 2015-09-16, 08:00

شكرا لك اخي فاروق الصحراء على المرور الطيب
تحياتي لك والله ماني قاصد هذا الكلام قالوا الاخ برين وليس انت
اسمحلي اعتذر منك جدا جدا متاسف
اقدرك واحترمك

فاطمة شلف · 2015-09-16, 10:08

السلام عليكم
شكرا ايتها الاخت قطرات قطر الندى على المشاركة الطيبة
الحب ياسيدتي الفافضيلة يحتويه الثقة المتبادلة بين الطرفين
كل ماقلته كان صحيحا الحب قبل الزواج او بعده يكون فاشلا وانا اخترت هذا الموضوع
من الف المواضيع
والله الزواج اصبح مثل البضاعة يباع ويشتر ويتبدل
اعطيك مثال هذا العام حدث الطلاق بكثرة تخيلي شهر ثلاثة اشهر اربعة اشهر ستة اشهر
لم يكتمل العام ويحدث ماحدث
سواء عن طريق الحب ام كان غير ذالك
وشكرامرتا ثانية على المشاركة اسعدني ذالك بارك الله فيك الله يحيب الخير
سلام

فاروق الصحراء · 2015-09-16, 15:46

ههه وقتاش قلت هاد لكلاام أوين قلتو رني مثليت نتدكر والو ههه ؟
أختي فاطمة دكريني ربي يفرحك
والله ما عبيت بروحي إدا قلتو
وحتى إدا قلتو يمكن إلى رني نتكلم على الشعر تاعك
؟؟؟
شكرا وتحياتي ليك

فاطمة شلف · 2015-09-16, 17:38

السلام عليكم ورحمة الله وبركاته
اخي فاروق الصحراء شكرا لك تذكرت الله يفرحك ويخليك لست انت المقصود
هل الاخت كي تغلط ميسمحاش اخوها فانا اطلب منك المسامحة معذرة
ذكرتني الله يذكرك بشهادة يوم خروج الروح والله يطول عمرك وزين ايامك
ويعلي مقامك
تحياتي لك

فاطمة شلف · 2015-09-16, 17:40

ااخي فاروق الصحراء انتظر مسامحتك
والله مانتهنى اذا ماسمحتني
سلام

فاطمة شلف · 2015-09-19, 18:20

كلمتي مرة مايسمهاش الناس
رغم طيبة القلب والاخلاص
شفواياعجابة بنادم الطيب كيفاه
وذا ماسمحتونيش نجبلكم الجاه
السماح ماهوش كلمة تنقال
بجاه النبي المصطفى سامحوني راني عيان
حنا خوى في كل مكان
السماح من خصلة الايمان
تمنعنا من جهنم والنيران
ياربي راك شاهد وعالم
انا عبدك الضعيف راني نتالم
هكذا نختم الكلام
بصلاة والسلام على محمد صلى الله عليه وسلم خير الانام
وسلام

فاطمة شلف · 2015-09-19, 18:22

وسامح
فانت ايضا اخطات في يوم ما

فاطمة شلف · 2015-09-19, 18:24

علاقتنا مع الناس كاوراق الشجر
منها من يبقى ويثمر ومنها من يسقط
ولا يعود

فاطمة شلف · 2016-06-10, 11:00

السلام عليكم ورحمة الله وبركاته
شكرا اخي محمد فوزي على المرور الرائع الصفحة منورة بوجودك معي
تحياتي وتقديري

فاطمة شلف · 2016-06-10, 11:07

السلام عليكم ورحمة الله وبركاته
شكرا اخي فاروق الصحراء على المرور الطيب وعلى القصيدة الرائعة
بارك الله فيك
تحياتي وتقديري واحترامي