تفضلو *دروس+tp+td * سنة اولى بيولوجيا - الصفحة 4

شجرة الدرر · 2014-10-24, 17:14

بارك الله فيك اختي

عفاف عفة · 2014-10-24, 18:18

اقتباس:

المشاركة الأصلية كتبت بواسطة شجرة الدرر

بارك الله فيك اختي

وفيك بركة حنونة .....إذا كنتي محتاجة لي كور الباقيين ....كل سمانة راني نحط هنا لي كور للي نقراهم ....تلقايهم هنا علابالي خطي كارثة مي على الاقل تدي فكرة ههههههههها
في أمان الله

عفاف عفة · 2014-10-24, 18:20

قرييييييييييبا دروس و تيديات الشيمي ....ترقبو

jiji bella · 2014-10-24, 21:54

ﺳﻼااام
راﻧﻲ ﻣﺤﺘﺎﺟﺔ ﺟﻮاب ﻟﺴﺆاﻟﻲ "justifier acido-basique dosage n°02: chimie tp coloré indicateur comme phénolphtaléine du "l'emploi

عفاف عفة · 2014-10-24, 22:18

اقتباس:

المشاركة الأصلية كتبت بواسطة jiji bella

ﺳﻼااام
راﻧﻲ ﻣﺤﺘﺎﺟﺔ ﺟﻮاب ﻟﺴﺆاﻟﻲ "justifier acido-basique dosage n°02: Chimie tp coloré indicateur comme phénolphtaléine du "l'emploi

مرحبا اختي ....والله حنا مازال ماقريناهمش بويسك جانا الاستاذ متاخر شوي ....مازالنا في النشاط الإشعاعي .....اي سؤال ؟ ......
إن شاء الله الاخوة يقدرو يجاوبوك ....
غدوة إن شاء الله رايحة نحط دروس النشاط الاإشعاعي .....إذا كنتي تسحقيهم .....
آسفة الاخت على خاطر ماقدرتش نجاوبك.....
في أمان الله

jiji bella · 2014-10-24, 23:02

شكرا لإلتفاتكي لسؤالي و إذا ممكن عندي سؤال في td tce

عفاف عفة · 2014-10-24, 23:21

اقتباس:

المشاركة الأصلية كتبت بواسطة jiji bella

شكرا لإلتفاتكي لسؤالي و إذا ممكن عندي سؤال في td tce

هههههههها آآآسفة من جديد والله الاستاذ تعنا جا غير السمانة للي فاتت إذا حبيتي تسأليني السمانة الجاية .....ماذا بيا ...
نتوما تقراو بالعربي وللا بالفرونسي ؟......علابالك المشكل تعنا وين ؟في الجامعة تع سطيف أنو كاين أساتذة جاو متأخرييييين بزااااااف وحنا مانقراوش كيما قلتلك السمانة للي فاتت وين جا هذا الاستاذ وثاني تع الآش اي آس بي .....رانا معلقين ...
سمحيلي مرة اخرى السمانة الجاية بالاك الثلاثا راني نحط لي كور تع التيسيو .....بالاك تلقاي للي محتاجاتو وثاني تع الشيمي
في أمان الله

samo ferdi · 2014-10-26, 12:33

شكرا افدتينا بارك الله فيك

عفاف عفة · 2014-10-28, 15:07

اقتباس:

المشاركة الأصلية كتبت بواسطة samo ferdi

شكرا افدتينا بارك الله فيك

وفيك بارك أخي ...شكرا على المرور .....ومرحبا بك معنا

اريج الاخلاق · 2014-10-26, 19:10

اهلا عفاف الحمد لله كي راكي لباس
حنا مالا فايتينكم رانا رايحين نقروا تيدي3في الجيولوجيا وعندنا انتيرو وخايفة لنحصل حابة ندي**20**ههههههههه
المهم شكرا حتى هكا راكي ساعدتيني وخيتي دمتي لباس وتهلي فروحك وسلمي على وئام ياااااااااااااااااااسر ياسر وعلى سمية ثاني وتهلوا في بعضاكم

إسراء - · 2014-12-05, 23:19

اقتباس:

المشاركة الأصلية كتبت بواسطة اريج الاخلاق

اهلا عفاف الحمد لله كي راكي لباس
حنا مالا فايتينكم رانا رايحين نقروا تيدي3في الجيولوجيا وعندنا انتيرو وخايفة لنحصل حابة ندي**20**ههههههههه
المهم شكرا حتى هكا راكي ساعدتيني وخيتي دمتي لباس وتهلي فروحك وسلمي على وئام ياااااااااااااااااااسر ياسر وعلى سمية ثاني وتهلوا في بعضاكم

salam khti dirou td fel giologie hna cours berk bsah malef ydirlna des intero ya3ni des examain fel cour

اريج الاخلاق · 2014-10-26, 19:12

اهلا عفاف الحمد كي راكي لباس
حنا رانا فايتينكم رانا في تيدي3وراح نعدوا انتيرو وحابة ندي**20**هههههههههه
المهم شكرا ليك وخيتي وتهلي فروحك مليح وسلمي على وئام وسمية وتهلوا فبعضاكم
صح عشاك وليلتك سعيدة وخيتي الحبوبة

houda madrid · 2014-10-29, 13:58

السلام عليكم
لبنات انا نقرا اولى بيولوجي في جامعة بشار .... نتمنى نفيدكم وتفيدوني واش رايكم نديرو قروب فالفيس بوك و اجوتو فيهم صحاب البولوجيا من كل الولايات باش تجينا ساهلة شوي ؟؟؟

عفاف عفة · 2014-10-29, 14:21

السلام عليكم...
أهلا أخت هدى ....حقيقة ماعنديش فايس طول ....إذا حبيتي تنضمي لينا هنا مرحبا بيك ....
الفكرة هايلة ....إن شاء الله تلقاي للي ينضم ليك
في أمان الله

houda madrid · 2014-10-29, 19:06

اوكي اختي عفاف ماشي مشكل ......نبقا معاكم خواتاتي ^_^