الجزء 150 من واش طيبتي اليوم..... نورتو غالياتي تفضلوا .....مرحبا بكن

[أم محمد تاج]

حبيباتي أمانة والله ادعيو لخويا بالشفاء العاجل راه فات بأزمة واحنا معاه مايعلم بيها غير ربي سبحانه وتعالى الله يخليكم ادعيولو


حبيباتي نروح نغسل ملابس مريووومة ونسوج سوجة على خاطر راهي راقدة نبروفيتي ونرجع من بعد سلاماتي بطاتي

[oum ibrahim]

ام سهام يا لهويييييييييييي على الصابلي نموت عليه و من ايديك غير يسلمو
ام وسيم هبلتينا بالسفنج روعة روعة يسلمو وشراهي الكتكوتة
سميرة الف مبروك العتبة الجديدة ان شاء الله مربوحة و طيابك يشهييييييييي يعطيك الف عافية

[باسم وبيسان]

صباح الخير عليكم مبروك الكوزينة الجديدة عائشة والله من البارح وانا ننخمم قلت تواقيل مافيهاش كوزينة السمانة هادى 😢لى عودة

[أم ماجد]

صباح الخير الكوزينة منورة بيكم

[zaho207]

ام تاج ربي يخليلك مريومة حبيبتنا و تتربا في عزك

[oum ibrahim]

حقى ام ياسينو واش لقيتي في تزنيقة البارح قتلني التقرعيج اخخخخص هههه

[عائشة حسان]

يا حليلي كوزينتي قريب تخﻻص وانا مزال ما عدلت الموضوع وﻻ ضيفتكم كيما يلزم
عﻻه راكم تجرو اصبرو برك حتى تجو عندي ونضيفكم وتبداو دوددودو هههه
سامحوني راكم تعرفو اتصاﻻت الجزائر وزيد الميكرو لي نقدر نهبط بيه الصور كااارثة ﻻزمه سااااعة باه يديماري وادا ديمارا صوته يسسمع الحارة كلها

............حطيتكم لكم النصف الاول من الموضوع ومزال النصف لي فيه طيابي انتظروني ...... ماعليش راح نعبكم معاي يابقو كل مرة زورو الصفحة لولى ههههه
زوروني كل سنة مرة

شكرااا لكل من دخلت وهنت وباركت بالكوزينة واسمحولي مارتش اقتباسات راني ﻻتية مع تعديل الموضوع
احبكم كلكم والله

[عائشة حسان]

وقيﻻ ما نحطش طيابي بعد ما شفت ابداعات ام ابراهيم راكي حطيتي فن الله يبارك


هيا واش قلتوا نحط وﻻﻻﻻﻻ

[hab12456]

الف الف مبروك الكوزينة الجديدة

المشاركة الأصلية كتبت بواسطة oum ibrahim

صباح الخيرات يا الحراير يومكن موفق و سعيد
عائشة الف مبروك الكوزينة الجديدة ان شاء الله تكون فال خير على الجميع
تقبلي باروكي
بسم الله











اللهم صل على محمد و على ال محمد كما صليت على ابراهيم و على ال ابراهيم في العالمين انك حميد مجيد

المشاركة الأصلية كتبت بواسطة om wassim

صباح النور عليكم
كوزينة مربوحة أن شاء الله اختي عائشة ربي يدوم لمتنا يا رب
جبتلكم باش تستقهواو منبعد نحط الباروك




ام جوجو الحمد لله على سلامت الوالدة ربي يخليها تاج فوق روسكم
سلامي لكل المتواجدات

المشاركة الأصلية كتبت بواسطة samira135

صباااااااااح الورد

ميرووووك اختي على الكوزينة

باروكي من الارشيف حاليا راني نشري ولا يعشوني الجيران

المشاركة الأصلية كتبت بواسطة ام سهام 02

الف مبروك حبيبتي عيوش الله يجعل كوزينتك فال خير ليك و للجميع

[دائمة الحمد]

احلى صباح للملتحقات ديجا بدى الخير تاع الحراير
ام ابراهيم حلوياتك روعة كالعادة
سميرة بصحتك تاع البرى وتاع الجيرا يؤجرهم ربي ان شاءالله
وفطاير ام وسيم تشهي على الصباح
ام ماجد واش صبحتي عزيزتي احسن من امس ان شاء الله
ام برهوم الوصفة راهي في وصفات حراير الكوزينة كان ما لقيتهاش نعاود نكتبها لحبيبتي ما كان حتى مزينة

[saja hamed]

صباح الخير حبيباتي ومبروك الكوزينة الجديدة وان شاء الله عتبة خير علينا راجعت كلش 444444444444444 يعطيكم الصحة مبعد نحط باروكي وغداء شربة فريك وكسرة لخساس وسلاطة والحمد لله

[lyzzabel]

صبااح النووور لكل الملتحقااات

ام عمااااد ماشاااء الله هداا الباارووك ولا خليي هههه تسسسسلم الأيااااديييي حبييبتيي و بوسييلي الكتاكييييت

سكرووووورتيي اخخخخصصصصص اخخخخخصصصصصص ،، ربي يحفظ الواااالد و يشفييه و يمتعه بالصحة و العااافية و طوووول العمر اللهم آمييييين و يخلييهلكم تاااج على رووووسكم و ربي يشفيي خوووك و يفرج عليييه يااااارب

سرووور رأيي من رأي الشيراات خلي لا بووش لي شريتييها للأقمااع البييض و اشري وحدخرا تااع السيليكوون للقمع الأصفر انا هااكا عنديي خااطرش الأحجاام مشي كييف كييف و غادي تخسرييها و بصحتك حنووونة

ام ياااسووو الملون اشرييه ليكيييد و بصحتكم اللوبياا بالكررررشة

ام وسيييم يا سلاااام الخبز تقولي عليه سفنج الله يباارك و السفنج تقولي تااعيي هههه يعطييك الصحة

سميييرة مبروووك العتبة الجدييدة حبييبتيي تدخلووها بالصحة و الهنا و طيابااتك روووعة و يكتر خيير الجيراان حنوونة

عاائشة حطي حطي بركي ما تزعقيي كل وحدة و لمستهاا و نتيا لمستك لا يعلى علييها ،، رانا نقاارعوو هههه

فطوورنا لي كوتلاات فالفرن مع الخضر و شكشووكة و الحمد لله على نعمه حمداا كثييراا طيبااا مبااركاا فييييه

شيرااات شكوون عندهاا الخبر على إيماانوووو لي هي ليدي ميليوون كاانت بالحمل ياادرا زيدت ولا مازاااال والله داايما في باالي و ننسى نسقسييكم علييها ،، ربي يطلع كل الحواامل على خييير

[البحر الصافي]

الف مبروك الكوزينة الجديدة اختي عائشة راني قريت الكلام الزين لي حطيتيه والله
خير من الماكلة بوركتي اختي وان شاء الله تكون كوزينة الصفاء والنقاء
ام جوجو عيد ميلاد سعيد لولدك وربي يحفضو
ام وابنة الحمد لله على سلامت ولدك
ام تاج مرحبا وربي يفرج على خوك وعلى كل المؤمنين يا رب
سميرة مبروك العتبة الجديدة وطيابك
العضوة الجديدة مرحبا بيك نسيت اسمك اسمحيلي
الاخوات الكل تحية خالصة وصباحكم سعيد
لي عودة بادن الله

[ام سارة18]

الف مبروك الكوزينة الجديدة وان ساء الله تكون عامرة بالخير والبركة عليك وعلينا ان شاء الله
طيابك ماشاء الله عايشة علاش تقولي مانحطش طيابي والله هايل ورانا نتعلمو كامل
ام جوجو شكرا على الاستضافة الجميلة
صباح الخير لكل المتواجدات وخصوصا ام محمد تاج

[دائمة الحمد]

شطيطحة السبناخ

انصبي صوص روج باللحم ماتكثريش الملح والطماطم لماتمرقي وتغلي ارمي كمية قليلة حمص واقفلي عليها وخليها تنشف
بعد لا تغسلي السبناخ وتقطعيه قليه مع مغرف او2زيت حتى يذبال
لما يطيب الحمص وتنشف لاصوص ارمي السبناخ و1 فلفل حار اذا حبيتي واقفلي عليه وحد10دقايق ثم حلي عليه وتلوحي 3او4بيضات وماتحركيش نقصي عليها حتى ينشف لوحي المعدنوس وطفي النار وشهية طيبة