بيتك جنتك ورضاء ربك مبتغاك - الصفحة 4

fati 17 · 2013-01-20, 21:09

مساء النور حابةندخل معاكم في تحدي الوقت انا الحمد لله الصلاة في وقتها زوجي مواضب على صلاتو وصلاتي القران مقصرة شوي الميناج كل يوم الصباح التسياق الغسيل والحوايج كي يعود عندي مي الغداء رايح عليا طول العشية بعد العصر القهوة ونيدا الطياب العشاء المشكل اني ميزاجية في حياتي ممشيت على جدول اقبلوني معاكم غدوة واش ندير على فكرة القيلولة من ساعتين وطلع

oummalak · 2013-01-20, 21:45

الاثنين
تنظيف الكويزنيار من فوق جيدا +لا اوت اى الشفاط+جوانب الكوزنيار والحائط المجاور له50د

أما عن الشغل اليومي هو كالآتي:
وضع الغسيل في الغسالة ان وجد
غرفة النوم الرئيسية: ترتيب, مسح المرايا, مسح الأرض, 15د
غرفة الجلوس: ترتيب, مسح الغبار, مسح الأرض, 20د
غرفة البنات:ترتيب, مسح الأرض, 15د
غرفة الأولاد: ترتيب, مسح الغبار, مسح الأرض,20د
الحمام: 10د
الهول : مسح الأرض, 10د
الدرج: مسحه 15د
والآن إلى المطبخ
نبدأ بالعميق ثم :
نحضر الغداء 30د
المواعين ...إلخ
لاننسى تعديل انفسنا من تمشيط وكحل للعينين وتفريش اسنان وفي المساء حمام مغربي وسشوار
كدلك لافزلين ما تنساوها كل مرة تفضاو من الشغل ديروها ولما تكونو قاعدين فالميكرو دهنو رجليكم بطبقة سميكة من لافازلين ووضعوهم في ساشيات ثم في تقاشير راهم يوليو حرير
- بالتوفيق -
اليوم نبدأ صلاة الضحى

oummalak · 2013-01-20, 21:50

اقتباس:

المشاركة الأصلية كتبت بواسطة fati 17

مساء النور حابةندخل معاكم في تحدي الوقت انا الحمد لله الصلاة في وقتها زوجي مواضب على صلاتو وصلاتي القران مقصرة شوي الميناج كل يوم الصباح التسياق الغسيل والحوايج كي يعود عندي مي الغداء رايح عليا طول العشية بعد العصر القهوة ونيدا الطياب العشاء المشكل اني ميزاجية في حياتي ممشيت على جدول اقبلوني معاكم غدوة واش ندير على فكرة القيلولة من ساعتين وطلع

ادخلي مرحبا بيك معنا في تحدي الوقت ولما تبداي تشتغلي وتراقبي الساعة رايحة تلقاي متعة في شغلك
اما عن القيلولة فهي كثيرة نوعا ما انا نفضل 10د او15د لااكثر

oummalak · 2013-01-20, 21:54

اقتباس:

المشاركة الأصلية كتبت بواسطة ليلى القسنطينية

في البرنامج تع اليوم نظفت الثلاجة و سقف المطبخ ما قدرتش ننظفو لأني عندي بيبي و ثريا تع المطبخ ما عنديش تريا طبعا مع الشغل اليومي و الروتين تع كل يوم ماعن و تسياق و غذاء و عشاء ...
بالتوفيق للجميع و المزيد من الحماس و النشاط

ما شاء الله عليك غير بشوي عليك الحمل ما هوش ساهل اخدمي لي تقدري عليه

oummalak · 2013-01-20, 21:59

اقتباس:

المشاركة الأصلية كتبت بواسطة سهام دوسة

شكرا اختي جزاكي الله كل خير وكل ما تتمناي

يسلمك اختي وربي يحفظك ويوصلك كل ما تتمناي

oummalak · 2013-01-20, 22:12

[size="6"][كذلك اخواتي رايحة نبدا غدا ان شاء نخصص ساعة للخياطة في المساء واش رايكم/size]

oummalak · 2013-01-21, 07:20

صباح الخير والربح وين راكم يالفحلات بديتو ولا ما زال

فراشات العمر · 2013-01-21, 07:28

السلام عليكم
راني بديت في البرننامج وخطتي اني نخلص في وقت قصير يعني نلم شوية دقائق هههههههه
نظت درت السحور وسحرت انا وراجلي نظفت اسناني. راح يخدم وان صليت وقريت الورد نتاعي ولادي ناظو هما ثاني الفجر فطرتهم وراهم يتفرجو هذا هو تطبيقي لليوم

oummalak · 2013-01-21, 07:38

تقبل الله صيامك ان ما قدرت نصوم راني نشرب الدواء والمعدة راهي قاتلتني ان شاء الله لما نريح راني نصوم
وربي يعاونك على اعمالك

oummalak · 2013-01-21, 08:20

نرجو من المشرفة على القسم تثبيت الموضوع

فراشات العمر · 2013-01-21, 08:27

اختي ام ملك زيد نقلك حاجة ديري النية تاع الصيام وربي راه علابالو واش لي بيك
ربي يشفيك من المعدة لانها بيت الداء لكان تبعدي على كل ماهو معلب او فيه مادة حافظة حتى الياغورت اخدميه في دارك زشفي حالتك كي تصبح زيدي الماء كي تشربيه اقعدي واشربيه على 3 دفعات
افضل علاج قال فيه الرسول صلى الله عليه وسلم قشور الرمان فانها تدبغ المعدة وتصبح قوية

وفاء سعاد · 2013-01-21, 08:41

صباحكم بالخير راني رايحة يامم لاك راهو البرنامج اليوم ساهل ماشي كي البارح السقف باتو كتافي في حالة

nounou1962 · 2013-01-21, 09:05

السلام عليكم

nounou1962 · 2013-01-21, 09:15

السلام عليكم و رحمة الله و بركاته أخواتي و بناتي الفضليات اسمحن لي بالدخول الي مملكتكن الجميلة التي اطلعت عليها بعد أن تقاعدت من عملي أنا الأن أنوي ان شاء الله تطبيق برنامجكم لأنه يساعدني خاصة بعد أن تعبت كثيرا اسمحن لي بأن أنصحكن بالمحافظة علي صحتكن مع القيام بواجبتكن الله المستعان

نبض الفؤاد · 2013-01-21, 09:53

رأيت منك عتابا بسيطا عزيزتي ام ملاك لم ادخل البارح وقت كتابة التطبيق جات بنتي وقعدت حتى منتصف الليل عندها خدمة في الوورد
المهم الجانب الديني كامل الحمد لله نسأل الله القبول
الجانب الجمالي خلاصولي الزيوت البنات معايا اذا لجأت لصابون الطرفمع الشب على رأي منى
الجانب التنظيفي غسيل الحوايج ما يمكنش جو ممطر وخليت سيش لانج لتجفيف المعاطف والقبعات
مسح الثلاجة والسقف والنيون ومسح الغرف الاخرى كان يوم السبت
الفطور شطيطحة لوبيا جات بنينة وسلاطة خضرا وبرتقال
الصباح درت الفطير بسميد القمح يعني بقالي للعشية والعشا كان شربة بالحليبلاراحة كروشنا وطبق الكفتة بالبيض
وغسلت الماعن وخملت المطبخ