معلومات عن المدرسة التطبيقية لمدفعية الميدان يوسعادة

[جندع]

المشاركة الأصلية كتبت بواسطة ft.fatah

جندع وalvaro198648
بارك الله فيكما ، يعطيكم الصحة ، راكو تعاونو فينا ، اجركم عند الله
فيما يخص الهاتف ، هل يسمح لنا بالإتصال من عندهم ، كل اسبوع، وهل في ال45 يوم ايضا(بلاصة الالف كيما قالنا صديقنا alvaro198648)
واش ندو معنا اللباس

الهاتف مسموح بيه بعد شهرين من التواجد في المدرسة يا اخي انت خلي لابيس عندك واطلب من اي عسكري يمدلك تعيط راح تلقى الريزارف لتم ويهزو بعضاهم مام لي يدربوك راهم احتياط اطلب منهم يمدولك الهاتف تعيط عادي

ولا نقلك ادي معاك زوج بورطابلات واحد خبيه وواحد ادفعو وشيا لازم الجن لحمر مايسرملوش خبيه برك وكي تحب تهدر تقدر عادي في الليل اهدر بصح متهدرش قدام لي يديربوكم قادر ينحيوهولكم ياخويا انت وشطارتك فيهادي مانوصيكش

[جندع]

المشاركة الأصلية كتبت بواسطة zanzou310

من فظلكم اخواني ,لدي امر الالتحاق بهده المدرسة قبل 22/03 ,فهل يجب المرور عبر tronsit,و شكرا لكم

ماتروحش للطرونزيت التحق مباشرة خير الطرونزيت يطولو بيك باه يوصلوك يكرهولك حياتك وتهز نظرة على العسكر سيئة مالبداية

[ft.fatah]

المشاركة الأصلية كتبت بواسطة جندع

الهاتف مسموح بيه بعد شهرين من التواجد في المدرسة يا اخي انت خلي لابيس عندك واطلب من اي عسكري يمدلك تعيط راح تلقى الريزارف لتم ويهزو بعضاهم مام لي يدربوك راهم احتياط اطلب منهم يمدولك الهاتف تعيط عادي

ولا نقلك ادي معاك زوج بورطابلات واحد خبيه وواحد ادفعو وشيا لازم الجن لحمر مايسرملوش خبيه برك وكي تحب تهدر تقدر عادي في الليل اهدر بصح متهدرش قدام لي يديربوكم قادر ينحيوهولكم ياخويا انت وشطارتك فيهادي مانوصيكش

الهاتف ديالك ،يعني اللي مديتو مع الاول ، ولا تع المدرسة؟

[ft.fatah]

فيما يخص المبيت ، كيفاش داير هذ ا الشالي ، يعني تع الحطب ؟ و شحال يرفد
فيما يخص الاغراض الشخصية ، وين تقدر تحطهم ، يعني هل يوجد مكان ، خزانة مثلا ؟ و هل المكان مخصص لمجموعة يعني كل ثلاثة ولا اربعة يشتركو في خزنة؟

[جندع]

المشاركة الأصلية كتبت بواسطة ft.fatah

الهاتف ديالك ،يعني اللي مديتو مع الاول ، ولا تع المدرسة؟

نعم ديالك يا اخي

[جندع]

المشاركة الأصلية كتبت بواسطة ft.fatah

فيما يخص المبيت ، كيفاش داير هذ ا الشالي ، يعني تع الحطب ؟ و شحال يرفد
فيما يخص الاغراض الشخصية ، وين تقدر تحطهم ، يعني هل يوجد مكان ، خزانة مثلا ؟ و هل المكان مخصص لمجموعة يعني كل ثلاثة ولا اربعة يشتركو في خزنة؟

المدرسة تولي اولوية كبيرة للنظافة ماتكسرش راسك الشاليهات ملاح ونظاف ماهمش حطب مبنيين عادي تلقى في الغرفة 5 سيبار بوزي يعني 10 في شومبرة و5 خزائن كل زوج في خزانة نورمالمو هكا كان مزالو محافظين على هذا النظام
والشونبرا تنظف يوميا صباحا كل مرة زوج يسيقو الشومبرا يوميا لمدة 6 اشهر وكاين نظافة عامة للغرفة يديروها مرة على مرة
الاغراض الشخصية تاعك لي تستعملهم كاين خزانة في الشومبرا انت وصحبك لي يرقد معاك في السيبار بوزي ولي متستعملهمش ويطلبو منك تسلمها تكون في الكابة تاعك وتوضع في مخزن ويغلق نهائيا حتى تعود مروح بارميسيون يفتحوه ويمدولك الكابة تاعك
انت ادي معاك كادنة صغيرة باه تقفل بيها الخزانة وتاني كادنة اقفل بيها الكابة تاعك وماتخافش مايروحلك والو بربي ان شاء الله وشيا انت مديرش لمان في الايام الاولى
لان الناس عقليات وكي تدرس عقلياتهم وتعرفهم مليح لتم توليو خاوة في بعضاكم توليو تعسو بعضاكم

[djamaloli]

ح

طالب ضابط احتياطي في الخدمة الوطنية وشحال يخلص فالشهر وهل الخلاص تاع السطاج مثل الخلاص اللي يكون بعد الصطاج

[جندع]

المشاركة الأصلية كتبت بواسطة djamaloli

ح

طالب ضابط احتياطي في الخدمة الوطنية وشحال يخلص فالشهر وهل الخلاص تاع السطاج مثل الخلاص اللي يكون بعد الصطاج

في السطاج تسلك 300 فقط حتى تكمل السطاج ولي يدخل في 15 سبتمبر يمدولو 300 زايدة

مبعد كي تتميتا تولي تسلك اذاكنت ملازم احتياطي 11250.00 دج وكاين لي لي يسلك 10250.00 كي تروح مرشح


وكاين منحة الاخطار كي تعود في منطقة تاع مكافحة الارهاب 3000.00 دج تديها

اما في الصحراء معلباليش كان يديو بريم تاع المنطقة ولا لا

[ft.fatah]

المشاركة الأصلية كتبت بواسطة جندع

المدرسة تولي اولوية كبيرة للنظافة ماتكسرش راسك الشاليهات ملاح ونظاف ماهمش حطب مبنيين عادي تلقى في الغرفة 5 سيبار بوزي يعني 10 في شومبرة و5 خزائن كل زوج في خزانة نورمالمو هكا كان مزالو محافظين على هذا النظام
والشونبرا تنظف يوميا صباحا كل مرة زوج يسيقو الشومبرا يوميا لمدة 6 اشهر وكاين نظافة عامة للغرفة يديروها مرة على مرة
الاغراض الشخصية تاعك لي تستعملهم كاين خزانة في الشومبرا انت وصحبك لي يرقد معاك في السيبار بوزي ولي متستعملهمش ويطلبو منك تسلمها تكون في الكابة تاعك وتوضع في مخزن ويغلق نهائيا حتى تعود مروح بارميسيون يفتحوه ويمدولك الكابة تاعك
انت ادي معاك كادنة صغيرة باه تقفل بيها الخزانة وتاني كادنة اقفل بيها الكابة تاعك وماتخافش مايروحلك والو بربي ان شاء الله وشيا انت مديرش لمان في الايام الاولى
لان الناس عقليات وكي تدرس عقلياتهم وتعرفهم مليح لتم توليو خاوة في بعضاكم توليو تعسو بعضاكم

بارك الله فيك ، و كثر من امثالك انت جندع و العضو alvaro198648
آخر سؤال :
الميتاسيون تاعها لوين
و المنحة تدوها من اليد لليد ولا كيفاش
هل في الفواي يبيعو ادوات النظافة ، يعني جوتابل مثلا

[جندع]

المشاركة الأصلية كتبت بواسطة ft.fatah

بارك الله فيك ، و كثر من امثالك انت جندع و العضو alvaro198648
آخر سؤال :
الميتاسيون تاعها لوين
و المنحة تدوها من اليد لليد ولا كيفاش
هل في الفواي يبيعو ادوات النظافة ، يعني جوتابل مثلا

نقلك الصراحة الميتاسيون
مدفعية الميدان او د 30 لي راح تقراو عليه يكون وين يكثر النش الارهاب ولا في الصحرة وين يديرو المناورات كي نقلك هكا ما تتخلع ماوالو عادي جدا على خاطر كون تبدى تتخيل فيها تبانلك حرب وهي والله مكان حاجة خرطي عن تجربة نحكي معاك

كان عندك المعريفة في السيافتي لبليدة تقدر تريقلها نورمال

المدرسة التطبيقية لمدفعية الميدان تميتي للقازارنات لي فيها المدفعية الصحرا ولا الجبل على خاطر المدفعية ماتلقاهاش في لافيل

وكاين لي يحكموهم في المدرسة ولا مركز التدريب تاع الحنود او لاسق في المدرسة بعد ولا جييام لي لتم بعد في الرمانة تاع العتاد وكاين لي يبعتوهم للمحاكم العسكرية و الناحيات العسكرية و كاين انت وزهرك وكاين انت ومعريفتك هههههههههههه وكاين لي يطيحو نتاني في ليبريغاد


نعم المنحة تسلم باليد طول فترة الخدمة العسكرية

نعم يبيعو مي نوعية الجيدة لالا يبيعو الجوطابل العادي بيك لصفر هاداك ولا الاخضر
من هاذ الناحية ماتخافش راك تلقى جماعة يخرجو ولا لي حاكمينكم بع كل قائد فصيلة يشري للطلبة لي في الفصيلة تاعو كون متهني

[moungla]

السلام عليكم و رحمة الله و بركاته
بارك الله فيك أخي جندع على الردود و الإهتمام
راني حاب نعرف ولا تقدر تصلي صلاةالجمعة و الصلاوات الخمس عادي و لا فيه مشكل ؟

[ft.fatah]

آخر سؤال
كي توصل لبوسعادة ، كيفاه منبعد باه تلحق للرمانة

[Rissou]

أريد أن أتوجه بالشكر الجزيل للعضو جندع على المعلومات القيمة و المفيدة جدا كما أود سؤاله عن امكانية الحصول على رخصة القيادة بالمدرسة من عدمها
و شكرا

[جندع]

المشاركة الأصلية كتبت بواسطة moungla

السلام عليكم و رحمة الله و بركاته
بارك الله فيك أخي جندع على الردود و الإهتمام
راني حاب نعرف ولا تقدر تصلي صلاةالجمعة و الصلاوات الخمس عادي و لا فيه مشكل ؟

الجمعة نصلوها عادي بصح الصلواة الخمسة صعيبة شوية في اوقات العمل مي لويكاند تقدر كيما المغرب والعشاء اما الظهر والفجر صعيبة شوية في الفجرراح يلحق عليك وانت رايح تفطر ولا دير في النظافة الصباحية ككل يوم في العيد كاين صلاة العيد عادي كان لحق عليكم العيد في السطاج

[جندع]

المشاركة الأصلية كتبت بواسطة ft.fatah

آخر سؤال
كي توصل لبوسعادة ، كيفاه منبعد باه تلحق للرمانة

هادي ساهلة كي تلحق للسانتيفي تخرج من السانتيفي تلقى طريق طباعا تقطعاها وتهبط الى اليسارشوية كاين وحد لاري لتم يحبسوفيه لي جيناف تاع الرمانة تركب بارسكو لاري تعهم مايبانلكش من السانتيفي بعيد شوية ولا تحكم ليكلونديستان تلقاهم قدام سانتيفي مي الاسعار مانعرف ضرك راهم تبدلو