ناس بكري قالوا

[crono]

الباهي اصلو يرجع عليه ولخايب تتنحالو الزينة ويظهر الصديد يلي فيه.

[crono]

الر'ب ميش كيف لعسل.ولعسل دوا كل علة وصحرى ميش كيف لجبل. لجبل يسدك غير ظلو.لمشكلة مع لجواد تتحل.ومع الانذال صعب حلو.والصقر صقر حتى لو حصل.والبوم بوم حتى لو تعلى.

[crono]

وش جاب لقمح لقصيبة. وش جاب الورد لقمام.وش جاب مباركة لحبيبة .وش جاب لفندق لحمام.اذا لقردة جي طبيبة حتى من ضبع يجي حجام.

[crono]

لي اصلو تفاح عمرو مايتلاح ولي اصلو دفلة عمرو مايحلى حتى لو يديروه في شهدة النحلة الحر يبقى حر والرجلة بحر
والراجل ماهوش بالمظاهر

[crono]

ناس زمان قالو
1ماتخافش من عدوك خاف من لي قالو نحبوك وهوما يلقاو فيك الضربة مايرحموك
2كل شي في وقته بنين ولي يزرب في خبزته ياكلها عجين
3ناس تلقاهم سلعة ذهب وناس ذوق حطب وناس تتعاشر وتتحب وناس رد بالك تعطيها الجنب
4لمحبة المزروبة تخلف لعقوبة
5لا يعجبك راجل بحبوح ولا يعجبك لباسه ولا يعجبك حيط منقوش حتی تشوف ساسه
6عز نفسك تصيبها النفس نفسك وأنت طبيبها

[Pointbleu]

من الامثال الشعبية الجزائرية
" اخدم بالصوردي و حاسب البطال"
" الزين يروح و تبقى الفعايل"

[crono]

[Ayad3]

دير الخير وانساه ودير الشر واتفكره

[Ayad3]

جواب الأحمق السكوت

[احمد الصادق]

وكثرة الاصحاب تخليك بلا صاحب ...

[crono]

قالو ناس زمان :
الدع¨لة على المطر غطيها
وبنتك على السترة وصيها
ونفسك للذل ما تخليها

[crono]

ناس بكري قالوا .....

#الحنش لاتثنى عمروا #مايعيب
#والماء قد مايغلي عمروا #مايطيب
#ولغراب قد ماكبر وعاش عمروا #مايشيب
#وبيت ربي قد مارشى عمروا #مايريب
#ودير في حسابك كل ماتعيش نهار راك من #موت_قريب

[حورية تو]

عرّة الرجالة لي ياكل فالسوق
و عرّة النسا لي تاكل وتدوق

[اللهم ارزقني عفةمريم]

الله يبارك اختي ربي يحفظك موضوع رائع ابدعتي

[قصة كفاح]

موضوع في القمة أختاه بارك الله فيك لقد سافرت بنا إلى الماضي الأصيل ووضعتينا بين أحضان أجدادنا.
شكرا^^