اقتباس:
المشاركة الأصلية كتبت بواسطة Aya Ya
شكرااا بووركت //
وبالنسبة لكتاب احمد امين خليفة في العلوم هل يعتبر ضروريا واحسن المراجع ؟؟ ام ان سلاسل الاستاذ بوريش كافية ؟؟؟ ___ مع العلم اني محليتش حتى تمرين من كتاب ا ا خليفة  / شعبة ع ت ___ |
سيتم اجابتك بالتفصيل في الجزء الخاص بالعلوم الطبيعية .... وبالتفصيل
اقتباس:
المشاركة الأصلية كتبت بواسطة ~ شُـمــــــوخٌ ~
اخي قلت انك لم تذهب للدروس منذ الفصل الثاني
من اين كنت تدرس الدروس الجديدة ؟
|
العلوم ادرسها وحدي ,,,, الفيزياء قمت بشرح طريقة دراستها .. فقط الرياضيات درست دروسا خصوصية فقط ... اللغات ومواد الحفاظة عليك وعلى
" قراية الدار " ... بالاحرى ... كل المواد الرسمي هو
( القراية تاع الدار )
اقتباس:
المشاركة الأصلية كتبت بواسطة أمنية تنتظر التحقق
كل الشكر لك على نصائحك ..ساعدتنا جداا..وفقك الله في مشوارك
-
-
فقط أردت أن أسأل ..هل لازلت تملك ما دونته من افكار في الرياضيات والفيزياء؟..أو أي شيء يخص المادتين.. |
العفو .. بالتوفيق لكم ...
للاسف لا .. اعذروني ..
اقتباس:
المشاركة الأصلية كتبت بواسطة Aminzaim
شكرا لك اخي وبالتوفييييييييق لك في باقي مشوارك
|
العفو = ) ربي يوفقكم وينجكم ,,,, تحياتي
اقتباس:
المشاركة الأصلية كتبت بواسطة آلاء النجاح
يعطيك الصحة
|
مشكورة على المرور ... good luck
اقتباس:
المشاركة الأصلية كتبت بواسطة سارة بسمة نادية
سلام اخي كيف حالك
اريد ان استشيرك في بعض الامور
الرياضيات منيش متمكنة منها بزاف مع اني نحل تمارين يعني بصح في الصح فرض ولا اختبار منقدرش نجااوب
منعرفش نخير تمارين تلقاني غير نعاود في نفس الافكار وحنا رياضيين افكار جدد كيما قالت ريان
الدوال الان ومنيش نقدر نحل دالة نحبس في المناقشة؟ معرفتش كيفاه ندير وخلاص مبقاش
الفيزياء لوحدة 1 مع اني بديتها في الصيف بصح دوكا منعرفش نحل كرهتها كرهتها ومقدرتش نعاود نحل تمارين فيها
قلت منعرفش نخير تمارين مع اني عندي عدة مراجع حرت؟؟
والتركييييييييييييز لا علاقة لا علاقة لي نشوفو نقولو ادعيلي باش نركز:d
مثلا افي الرياضيات وحتى لفيزياء الاجابة قدامي نتاىج حسبتهم صح وكي نجي ننقلهم غلط ولكثيييير اخطاء تافهة وهي الاساس عليها يرحوولي نقاط
نقلك انا منيش خايفة من لباك وعادي وماهوش غول امتحان الدنيا شهادة ولا امتحان الاخرة هدرة برك بصح منقدرش خوافة خوافة لدرجة منقدرش نشد السيتو قلبي قريب يحبس نولي في حالة؟؟
وهل نقدر نستدرك اموورااتي راني متاخرة شوية
لحفظ عادي نحفظ حفظ ببغاىي واو عن طريق الخراىط ندير ملخصات شخصية
بصح ليوم درنا اختبار شريعة حافظة حافظة شوف انا دخلت وشفت الموضوع وراح كلش كلشي تقول جامي لشفت هدا ولا دا نسيت كلشي اول مرة تصرالي وتقلقت والبكاء غاضتني بزاااف لي حافظة ومقدرتش سبحان الله وجا في بالي لباك قلت يصرااالي هكا غااضتني بزاف وزمالني نتفكر فيها ونعاود مع انها جازت عندي اختبار في الرياضيات يوم الاحد ومقدرتش نراجع ؟
نضيع وت بزاف تلقاني نقرا من الصباح للعشية بصح قلي واش ندير نحل 5 تمارين ولا نحفظ زوج مصطلحات برك في 24 سا
تاني ماشي نقعد مركزة في تمرين تلقاني نحل سوال ونرووح ندور ونضيع وقت؟؟؟؟؟؟؟؟؟؟؟؟
اسفة اخي جد اسفة كثرت عليك ههه دوك راسك يوجعك من هدرتي  |
اختي - عن تجربة - والله كون تبعي الطريقة المذكورة تسهال المادة ... قلتي المناقشة الوسيطة .. انا قلت لكم هنا خذوا وقتكم وشوف كل فيديوهات الاستاذ نور المتعلقة بالمناقشة .. فيها كل الافكار دون استثناء ...( كثرة المراجع = دليل الفشل ) .. حددي مراجع محددة .. وانا اعطيتك اهم المراجع .. فقط جربي ماعندك ماتخسري ..ورديلي الخبر ......... الفيزياء .. اضفت شرح طريقة مراجعتها الآن .. اطلعي عليه ... التركيز .. شوفي اختي مع انك قلتي شفويا ان الامتحان ماشو غول ... لكن انتي في داخلك حاطتو راهو غول وحاجة كبيرة .. وخايفة ( الله اعلم خايفة من لحظة اعلان النتائج .. امل والديك .. التعب راح هكاك ) صح ؟؟ لازم في داخلك تضعفي صورة الباك وتحطيه في حجمو لا اكثر لا اقل ... قبل النوم اقعدي بين وبين روحك ..وحاول تقلل من الامتحان التافه اللي رجعتيه وحش فقط بسبب الضجة الاعلامية اللي يديرها الباك .. وهو امتحان عادي ... ضياع التركيز لانك تفكري في قداه من حاجة في وقت واحد ,,,كيفاه ؟؟؟ انتي تقولي اكي فاهمة وحافظة بصح يتحط قدامك السوجي متقدريش تحركي الستيلو ..وتنسي كلش .. علاه .. مثلا - تحططت قدامك دالة - تبدي باه تحلي السؤال الاول .. تقولي في روحك مايكفينيش الوقت ..(. ايه ا السوجي مطولوووو... طويل بزاف) ... تزيد تهبطي عينك تلقي فكرة جديدة يزيد يطيحلك المورال ..واذا كانت علوم ولا فيزياء وشفتي رسم جديد ( حتى لو كان فكرته بسيطة ) قادر يغمى عليك نورمال ههههههههه
علاه هذا كله انعكاس لما في داخلك .. انت راكي ضخمتي الامتحان ولاداعي لهذا ...شوفي كي يتحط قدامك السوجي .. قولي باسم الله وانطلقي واتبعي النصائح وطرق المراجعة ..
والوقت راهو يكفي .. مدريش الضغط على روحك .. ارحمي نفسك .. لان كلش على المورال في الباك .. هاك الايام اللي تعقبي فيها لازم نفسية تكون في top .. واذا تفكرت والدين,, ولا انت ضعفت امام وساوس نفسك تذكر هذا دوما :
والديك راهم يحبوك لذاتك ... نجحت ولا فشلت .. والديك يحبوك انتي وليس انجازاتك ... وانت عليك ان تقدري وتحب نفسك وليس انجازاتك وهذا الكلام اوجهه لكل مترشح ...
طريقة الحفظ اقري الرد في اخر الصفحة الاولى والموضوع في حد ذاتها .. كاين حوايج تاع حفظ ببغائي ( كيما التواريخ مثلا مافيه مايتفهم) والحوايج الاخر احفظي بالطريقة اللي تساعدك خلطي بين الفهم والحفظ ... بالتوفيق لك ....
اقتباس:
المشاركة الأصلية كتبت بواسطة سارة بسمة نادية
دلاترهقوا انفسكم لاليالي بيضاء لا والو ,,, 11 تكون راقد ...
هد العبارة حبيت نسقسيك عليها
دوك علابالي السهر ماشي مليح بصح ما بيدي حيلة راني متاخرة وراني نسهر منيش نرقد مليح نرقد في النهار هه
منقدرش نوض الصباح منيش نقدر نوض نشعل الضو ونكمل رقادي عادي:d
نورمال؟؟؟؟؟ |
كي ترقدي على ال11 وبعد صلاة العشاء واذا حكمتيها اسبوع تنوضي بالمنبه... من بعد تولي تنوضي اوتوماتيكيا لصلاة الفجر .. ( بورك لامتي في بكورها ) .... اذا المنبه منفعش فيك .. قولي لاحد افراد عايلتك ينوضك ..
ولا دير الرافاي بصوت عالي وحطيه بعيد عليك خلاص ... ماشو بجنب راسك هكاك انا كلنا نطفوه ونكملو رقادنا هههههه هاني نحكي عن تجربة .. فقط جربي .. ولازم تتغلبي على نفسك ... ارقدي مليح تنوضي لاباس بيك وكملي نهارك عادي ........ .. بالنسبة لحكاية ( راني متاخر ) اقرا تنظيم الوقت الذي ذكرته ردا على احدى العضوات سفيدك ( الصفحة 2 )
ربي ينجحكم ويحقق مبتغاكم
( تقرير عن مشاركة سيئة )، و الموجودة أسفل كل مشاركة .
2018-03-01, 21:49
العرض العادي
