تحليات بسيطة ولذيذة .... للشهر الكريم - الصفحة 4

اسمهان79 · 2015-04-21, 16:05

السلام عليكم ورحمة الله وبركاته
تحليات بسيطة للشهر الكريم
بسيطة ولذيذة في نفس الوقت
اول تحلية هي كريمة بالكابريس والميرانق اممممممم طعم راااااائع

تحلية بالتفاح وعصير رامي بذوق الليمون والنعناع

تحلية بالموز وعصير نقاوس

المقادير

30 حبة كبريس
2 بيضات
نصف لتر حليب
2 م ك نشاء 2 م ك سكر عادي
التحضير
اول شيئ نفصل البياض عن الصفار
نخلط مع لحليب البارد 2 صفارالسكر والنشاء

نذوب الكابريس مع شوية حليب ونضيفو للخليط الاول
وممكن تلوحي الحبات بلا ما تذوبيهم رايحين يذوبو مع الحليب على النار انا فقط ذوبتهم وحدهم باه ما يبقاوش شوية تكتلات فيها

نخلط مليح ثم على النار ونحرك حتى يثقال الخليط ويدير فقاعات نفرغو في كاسات التقديم
من جهة نطلع بياض البيض على حمام مائي ثم نضيفلو 2 م ك سكر عادي ونخلط مليح حتى يرجع يبرق نحطو في لابوش ادوي
لما تبرد هاذيك الكريمة اللي حضرناها نعمل وردات من فوق
ثم نحمرهم باستعمال الشاليمو

وممكن تخليه باللون الابيض عادي
ذرذرت عليهم شوية لوز منسل وشوية كاراميل
خليهم يبردو مليح مليح قد ما يبردو يجو اممممممم
طعمهم رااااااائع وهوما باردين
التحلية الثانية
هنا عملتها بذوق البنان وواحدة بذوق التفاح
طعمها منعش واااااو
الطريقة الاولى بالتفاح
نحتاج الى

2 تفاحات مقشرين ومبشورين ونعمللهم عصير نصف حبة قارص

7او 6 م ك كرام شانتي غبرة
كاس جي بارد جداااا انا استعملت كانات رامي ذوق نعناع وليمون بارد جداااا
علبة شوكولا سوداء استعملت شوكولا منى
للتزيين

التحضير
نطلع الشانتي مع جي رامي مليح
ثم نضيف التفاح المبشور
نذوب الشوكولا ونفرغها على الخليط ونخلط بسرعة ممكن تجمد الشيكولة عادي خلطي برك بسرعة و ماعليش يجيو فيها حبيبات نتاع الشيكولة احسن تاكلي في التحلية وهي تتقرمش هههههههههههه تهبل
نفرغ في كاسات التقديم

نزين بسجائر القفريط وحبيبات ديدراجي وشوية شيكولة نضيفلها شوية كرام فراش ونخلط ثم نعمل خطوط من فوق

بالنسبة للطريقة الثانية
هي نفس طريقة التفاح فقط الاختلاف في الذوق
بدل عصير رامي استعملت نقاوس وبدل التفاح استعملت الموز

ونفس طريقة التحضير
فقط انا حطيت شرائح الموز في اسفل ليكيسان

وفرغت عليهم الكراميل
شوفو كيفاش باهين وبنان في نفس الوقت منعشين
نتمنى جربوهم ويعجبوكم

في امان الله