تشاراك العريان ولا بالاحلام....بالصورة

[MINA-NINA16]

نبداوا بسم الله

المقادير 1كيلة سمن ذايب و بارد 1كيلة غير ربع سكر ناعم 1 كيلة زيت 1كيلة حليب وهنا نعطيك السر التاعي في كيلة الحليب نفرغ قرعة تاع عطر ماء الزهر تاع 100 دج ومن الاحسن اشري تاع بليدة فرغيها كامل وما تخافيش ( ما شي ماء الزهر العادي كيما الزاينة لا قرعة يجي طولها قد صباع تاع اليد الشاهد ) لاحظو الصورة.
المهم خلطي كل المكونات مع بعض وبداي لمي بالفرينة حتى تتحصلي على عجينة سهلة الاستعمال غطيها وخليها تريح على الاقل ساعة صراحة انا نوجدها ونوجد العقدة ونخليهم يباتو وفي الصباح نبدا نشكل التشاراك وندهنوا ونزينوا برقائق اللوز او لوز مرحي خشين
العقدة انا نستعمل في كل حلوياتي العقدة الطايبة
في كسرونة ندير 1كيلة سكر+1/2 كيلة ماء+1 م ك زبدة طرية ونحطهم فوق النار كي تذوب الزبدة ويكون الاء راح يغلي نفرغ 3 كيلات لوز مرحي ونبدا نخلط وكي يشرب اللوز الماء نزيدلو 1 م ك عطر ماء الزهر ونبقى نخلط باش ما يلصقش اللوز حتى يتلم ويبدا يتنحى على الاطراف كيما بات ا شو نحيها من الكسرونة ونفرخها في طبسي تبرد ثم نحطها في فيلم اليمنتار وندخلها للثلاجة حتى للغد لاااااااااااااااااااااازم تريح ليلة كاملة باش تقدري تشكلي حرابش ما يخسروش بالحلال وتبسطي العجينة رقيقة و تقطعي بالطابع الخاص على شكل مثلث ونديرو حربوش نتاع الحشو ونلفو ... وندهنوه بالبيض و نرشو عليه رقائق اللوز.
اما بالنسبة للطياب دخليهم يطيبوا حتى يحماروا من التحت ويطلع لون اصفر ذهبي من فوق خرجيهم
اتمنى نكون افدتك ولو قليلا جربيه وااااااااااااااااااااكيد راح تدعيلي
سلام