اقتباس:
المشاركة الأصلية كتبت بواسطة اكرام براءة
صحا خو
صاافا شوية هه ؟
متخوف من العلوم !
أيا نقولك حاجة
ملخصات مصطفى بن خريف
اضرب عليهم طلة في اقل من ساعة تكون راجعت كامل المجال تاع البروتين
و جيولوجيا كاين مجلة الاستاذ بوالريش فيها درس
قالوا تدخل غير الوحدة الاولى معناها تركز على دراسة الامواج الزلزالية و طبقات الارض و اذا حبوا يزيدوا عليها يديرولنا المغنطة و حركة الصفائح
ماشي حاجة نص ساعة و انت قريتهم و فهمتهم
امالا عندك ساعة و نص تراجع فيها كامل العلوم و تفهمها
الان نجو كيفاش تحل التمارين
كي يمدولك وثائق اقراها من الفوق حتى لتحت
و من اليمين لليسار كامل واش فيها و واش مافيهاش و ركز لازم تعرف كامل المعلومات اللي فيها
عادي تدي 5 دقايق و انت تشوف غير في الوثيقة
تربطها مع الوحدة اللي جاية فيها و تشوف مليح واش تقدملك
ديرلها تحليل و تفسير و استنتاج
هكذا تكون عرفت جواب السؤال التابع ليها
ساهلة برك كون منطقي في اجابتك
الان ماراهوش وقت تكثيف حل التمارين
حل واحد و لا زوج في كل وحدة بزاف
شوف تاع بوالريش و تاع خيرة فليتي في جيولوجيا
و انتهى
هونها تهون و ماتشوفش فيها نظرة أنها صعيبة و انت ماتقدرلهاش و ماتعرفش ووو
شوف فيها على اساس انها سهلة و لازم تروح فيها غير بلعقل و بهدوء
حل بتمعن و بتركيز ماشي تليكيدي برك هه
و ماتخافش تقول كابوس العام الماضي
اللي فات مات
خمم الان في المستقبل تاعك كيفاش يكون
في نتيجة الباك تلقاها كيما راك باغي و تسجل وين تحب و تضمن l'avenir كيما تحب انت
و ثاني الباك مادام راك فوت من قبل ماهوش حاجة صعيبة
الضغط و التوتر و الخوف هوما اللي يخلوه يولي حاجة كبيييرة
امتحان عادي كي تحل و كأنك تحل تمارين وحدك
ماتتقلقش و لا تضغط على روحك بلا فايدة
الباك يجي ساهل و تنجح و توصل لمبتغاك
خليك قوي برك و اقرا لنفسك و للناس اللي تستنى منك تفرحها و اللي تستاهل كل خير
ربي يوفقك و يعطيك ما تتمنى
|
شكرا جزيلا
هي مشكل نفسي لا اكثر كي نكون نجاوب لا اثق في اجاباتي ونقول ديما الاستنتاج والتحليل تاعي ماهوش كيما الحل النموذجي
ولكن كيما قلتي غير بلعقل برك ولازم الواحد يكون هادئ وهو يجاوب
وانا صراحة العلامة التي اخذتها السنة الماضية كانت سيئة وكنت استحق اقل منها.. اجاباتي لم تتقيد بالمنهجية.. وماكانش عندي رصيد لغوي بالإضافة إلى اني مانظمتش الورقة وكثرت التخربيش.. بإختصار حڨرتها..
لكن هاذ العام درست المادة بنوع من الجد والاهتمام وإن شاء الله العام هاذا فيها نقطة شابة