الشرطة الجزائرية -الدفعة الجديدة 2012

[kader.dz]

يالخاوة رانا نتناقشو ماشنا تعاركو ياخي تقاهمنا الي جاب معلومة يجيب معاها الدليل واحد يقول تلغت واحد يقول دلرك يعلن عنها يالخاوة رانا الكل شومارا يعني لازم نتقاهمو باش نجيبو غير الصحيح لبعضانا انا قريت ص 37قالك واحد راهي المسابقة تاع الاعوان فشلت علاه المرة الاولا يحكمو في الدوسيات تاع الناس راهي الامور مدروسة القانون الجديد تاع اغلشرطة راه مدروس في كل الجوانب كيقاش مالا الي دارو القانون تاع الشرطة قاعد يتمسخر بالناس واسمحولي علي هدي الكلمة كاينة جماعة مكتبلهاش ربي تدخل الشرطة قاعدة تهدر في هدرة خارج النقاش ومعناه يطيحو المرال للناس يقولو راهي تلغت راهي فشلت راهي تهردت ماشي مليحة الهدرة هادي الي كتبو ربي هادا هو ادا الكلبام صحيح جيب الدليل وربي يوفقنا اغن شاء الله ندخاو الشرطة شباب الجزائر الكل

[belkacem113]

علابالي بلي راك تحكي عليا انتوما المشكل نتاعكم تمشو بلعاطفة وزيد هذي راها بيد ربي ماهيش بيدي وماقلتش راح نلغيها انا حتان راكم تسبو فيا وتتهموني انا ثاني راني كما انتم عندي سورسي يموت في 14 وماذبيا نشارك في اقرب وقت بصح انا مبخلتكمش روحت سقسيت محافظ في مدرسة الشرطة هولقالي هذي اخبار نتع فشل مسابقة اعوان والغاء مسابقة الظباط مي انتوما فهمتوني بلي راني نسابوطي قيكم ربي يهديك وعلاه انتوما عندكم الدليل بلي راح تفتح يخي من نوفمبر وهوما يسنترو فينا حتان ظركي خلوكم من عاطفة هذي وامشو في الواقع الخبزة لكتبهالك ربي منحالكش العبد ومناحلكش انا

[hichamovic]

السلام عليكم
الاخ لي قال انو مسابقة الاعوان فشلت
صافي ما عيطولناش خلاااااااااااااااااااااااااااص ؟؟؟ ولا كيفاه
هل مسابقة الاعوان الغيت ولا كيفاه فهمنا الله يسترك

[مماتي]

السلام عليكم 10 ماي كونو حاصرين بالدوسيات انتاعكم ماشي ببطاقة الناخب وسامحوني انا راني كرهت من المعيشة فالجزائر

[wahidos]

سلام عليم خاوتي
اريد الاستفسار عن : ما هي الكفالة العائلية ......... !!!
( تؤخر السن على كل إبن تحت الكفالة في إطار التشريع الخاص بالعلاوات العائلية على أن لا يتعدى 3 سنوات.
- بمدة مساوية لفترة الخدمة الوطنية التي أداها المعني.
- المجموع لا يتعدى 5 سنوات.) !!!
ارجو من الاخوة الكرام الرد في اقرب الآجال لاني بحاجة للمعلومة
جزاكم الله خيرا

[djamelboy]

اللي راه دافع الدوسي يتوكل على ربي ويصبر خيرته لكتبهاله ربي يوصلها - وما يعمرش راسه بالهدرة الزايدة.

[india90]

السلام عليكم و رحمة الله تعالى و بركاته .
إخواني الفضلاء عندي استفسار .

أنا حامل لشهادة ليسانس lmd في مسار قانون الأعمال .

السن : 22 سنة .

ما هي الرتبة التي يمكنني الإلتحاق بها في سلك الشرطة ؟

و بارك الله فيكم

[عبــد الكبيــــر]

أنا العبد الضعيف أعمل في صفوف الأمن الوطني ولا زلت أذكر أيام انتظار الالتحاق بالتربص و نتائج المسابقات لكني أخطأت خطأ فادحا خصوصا بعد تذمري الشديد ناهيكم عن مضيعة الوقت لكن عندما قدر الله نجحت والتحقت بالمدرسة وأنهيت التربص بسلام وها أنا موظف رسميا الآن .
لا تتكلوا على رزق واحد بل اسعوا واتركوا النتيجة على الله ......الانتظار ينغص الحياة ....رجاء خذوا ردي بعين الاعتبار.
للأسف الشديد لا أملك أية فكرة حول مسابقة 2012 نظرا للسرية التي يعمل بها اللواء عبد الغني الهامل .

[wahidos]

سلام عليم خاوتي
اريد الاستفسار عن : ما هي الكفالة العائلية ......... !!!
( تؤخر السن على كل إبن تحت الكفالة في إطار التشريع الخاص بالعلاوات العائلية على أن لا يتعدى 3 سنوات.
- بمدة مساوية لفترة الخدمة الوطنية التي أداها المعني.
- المجموع لا يتعدى 5 سنوات.) !!!
ارجو من الاخوة الكرام الرد في اقرب الآجال لاني بحاجة للمعلومة
جزاكم الله خيرا


هذه المرة الثانية التي اطرح فيها الموضوع و لا احد يرد !!!!!!!!

[تاجموت]

انا عندي 23 سنة و3 ثانوي
هل استطيع وضع ملفي؟؟

[zinou211]

متى تاريخ ايداع ملفات ضباط الشرطة ؟؟؟

[scarface13]

salam khawti bon pour les officiers de police le dépo des dossiers sera au moi de septembre jani had lakhber lyoum sbah m source officielle hadi wallah ma blad ya khawti krahna tfou tfou tfou

[rima_manaa]

المشاركة الأصلية كتبت بواسطة scarface13

salam khawti bon pour les officiers de police le dépo des dossiers sera au moi de septembre jani had lakhber lyoum sbah m source officielle hadi wallah ma blad ya khawti krahna tfou tfou tfou

السلام خويا
انا عندي خويا يخدم في drh تع الجزائر العاصمة قلي ماعدتش طول قلي منا الماي يحلوا
والله اعلم

[india90]

يا جماعة يرحم ليكم الوالدين ، خبرونا على الليسانس lmd تقدر تدفع بها الدوسي كملازم أول ولا لا ؟

[scarface13]

المشاركة الأصلية كتبت بواسطة rima_manaa

السلام خويا
انا عندي خويا يخدم في drh تع الجزائر العاصمة قلي ماعدتش طول قلي منا الماي يحلوا
والله اعلم

allaho a3lam ya khouya ce ki é sur li fiha khir rabi yjibha