الجزء 180 من الكوزينة (رمضانكم كريم )

[zokhrofa]

ههههههههههه صح فطورك ختي كوكة بنت الحاج ههههه تشفايلها ؟

شوفي انا بقالي بزاااااااف التمر و العسيلة و حابة يا اما نزيد ندير مقروط يا اما ندير حاجة معسلة و فيها تمر

اذا كاش ما تعرفي ماذابيك تفيديني هههه جيتي تقرعجي عشيتي حاصلة هيا يا لالة ضرك جاوبي ههههه

[أمنية غفران]

البنات كامل صحا فطوركم

كوكة يعطيك الصحة امالا راحو سكنو في لاكوزين الفيس معليش

[zokhrofa]

والله الفايسبوك اصبح من اجيح ما يكون في العالم

[أمنية غفران]

صح و الله الفيس غي صماطة تخيلي كنت ندخل قروبات خاصة تاع الحمل و المتأخرات عن الحمل ما نحكيلكمش النميمة و السب خاطرش ما تعرفيش ادا كانت امرأة صح ولاراجل
كرهت ما وليتش ندخله خلاص غير كي نحب نحكي مع خياتي

[zokhrofa]

انا عندي 3 سنين ملي نحيتو و ما ندخلش ليه كامل و خياتي كيما دارولي قلتلهم ديرو حاجة اخرى اما الفايسبوك انساو ندخل ليه

ربي يسترنا

راني شفت هاذيك الوصفة لي عطيتيني هايلة عجبتني بزاف و ساهلة ماهلة على الاقل واش بقالي تمر نديرها بيه و عندي فرينة و زبدة خير ما نعاود نشري سميد و سمن

ربي يجازيك الخير ان شاء الله

[zokhrofa]

فقط في مكان العقاش اضن ندير اللوز خاطش انا وليت ما نحبش هاذ العفايس ملونين

[أمنية غفران]

ايه زخرفة ديريه راهو يبان ساهل و نعتيه لينا بالاك نعندوك رغم راني تعبانة بزاف بزاف ادا درت المقروظ راني مليحة

و النقاش ماكان لاه

ديري كيما قلتي ولا دردري عليه شوية جلجلان محمص تبان لي تاني يجي شباب و بنين

بالتوفيق

[zokhrofa]

لا امينة هذاك العقاش دارتو باش تحكم بيه هذاك لي شكلاتو دائري باش يحكم بلاصتو

يعني لازم ديري حاجة باش يجيك هذاك الشكل

والا ديري الشكل لي حبيتي

[أمنية غفران]

اه صحا ما شفتهش كامل شفت غي الشكل النهائي هههههههههه

امالا حكميه بكوكاو و لا لوز الي متوفر عندك

[أمنية غفران]

راني شفته بصح ممكن دير شوية بياض البيض باش يلصق خير من العقاش و لا اللوز واش رايك
وقيلة درتيلي السوسة باش نجربه ولا كيباه درك

علابالك درك كي يدخلو البنات ما يفهمو فيها والو هههههههههههههههههههههههههههه

[x ام رحاب x]

السلام عليكم ورحمة الله وبركاته
دعاء اليوم الرابع و العشرين

أللّهُمَّ إنِّي أسألُكَ فيهِ مايُرضيكَ ، وَ أعُوذُ بِكَ مِمّا يُؤذيكَ ، وَ أسألُكَ التَّوفيقَ فيهِ لِأَنْ اُطيعَكَ وَلا أعْصِيَكَ ، يا جواد السّائلينَ .

[x ام رحاب x]

بصحتكم الحلوة لبنات يعطيكم الف صحة
امينة تسلم ايدك الحلوة اتشهي
سندوسة بصحتكم الحلوة تهنيتي
زخروفة المقروط امممممممممممممممممممممممممممم ايهي يالفحلة جبتيه فووووووووووووووووووووووور
كوكا توحشتك حبيبتي واش راكي ووليداتي واش راهم ربي يخليهملك ان شاء الله
بيان بصحتكم طاجين الجبن راني عارفاتو من تحت يديك بنين

[x ام رحاب x]

حيوتي ورزيقة مابانوش ان شاء الله المانع خير
انا مادرتش الحلوة ماقدرتش اندير الحلوة كي نتفكر امي مانعرف واش رايحة اندير في العيد ادعولي حبيباتي ربي يصبرني ماشي ساهل الله ايكون في عون كامل الي كيفي

[لينة71]

السلام عليكم ورحمة الله وبركاته
واش راح تديري اختي هادا الدنيا فيها المرة والحلوى كيما تقبلي الفرحة لازم تعقيب على قلبك وتقبلي بالمرة الله قادر على كل شي
اختي متلعبيش على روحك عيشي ايامك كما مضى وادعيلها ربي يرحمها ولازم تعود فرحانة بيك على واش راك تديري
الله يقدرك خيتي. كبري بالك والله يعطيكم الصبر

[بيلسان91]

المشاركة الأصلية كتبت بواسطة بيان 5

اختي بيلسان صح فطورك

يسلمك ونتيا زادة