~~واش طيبتي اليوم؟! الجزء 91 اهلًا اهلًا بالعيد~~ - الصفحة 39

السيدة كرمين · 2014-09-30, 10:55

ام كميليا بزاف انواع درتي انا رح ندير صابلي وتشاراك المعجون فقط

مرام 1987 · 2014-09-30, 10:58

اقتباس:

المشاركة الأصلية كتبت بواسطة zahra30

مرام الف مبروووك هذا وين شفت ان شاء الله توقفي مليييح على رجليك وتفرحي وتفرحينا معاك ربي حنيين كريم وصح عيدكم
ام رحاب ما عليش الغربة صعيبة بزااااف المهم تكون الصحة والهناء البلاصة اللي نكونو فيها ولا يكون فيها الاحباب مليحة وصح عيدك
البنات اللي اهنا كامل بصحتكم واش طيبتو وصح عيدكم

الله يبارك فيك وإن شاء الله المرة الجاية نقولكم راني نمشي

مرام 1987 · 2014-09-30, 10:59

اقتباس:

المشاركة الأصلية كتبت بواسطة x ام رحاب x

مرام صباح الخير ماتتصوريش شحال فرحت كي قلتي راني بديت نوقف فرحة لا توصف ان شاء الله نهار تمشي وتفرحي هادي بداية مليحة

ربي يفرحنا كاااامل وربي يسترك ويعيشك لوليداتك ويحفظك ليهم ويخليهوملك

مرام 1987 · 2014-09-30, 11:00

اقتباس:

المشاركة الأصلية كتبت بواسطة kaouka

ربي يخليك ام رحاب ربي يشفي يماك يارب مرام كيركي وش شريتي للعيد انا نروح نجيب وليدي من l'école من بعد
الله أكبر الله أكبر الله أكبر ﻻ تنسو تكبير رهم قريب يخلصو هدليام عقبو بﻻ خف

السلام عليكم
ما شريت والو للعيد بزاف على ماما المصروف ربي ورحمتو
وأنت واش شريتي

السيدة كرمين · 2014-09-30, 11:00

لبنات احكولنا على تجهيزاتكم للعيد انا حضرت ثوم رحيتو ودرتو في بلار مدهون بالزين رحيت الاكليل ووجدت الزعتر و الزعيترة حابة نجرب ليمون مرقد هذي المرة على الطريقة المغربية قطعت الدبشة و المعدنوس وخبيتهم

مرام 1987 · 2014-09-30, 11:01

وين راهي ملاااك اليوم ما بانتش
نروح نشوفها في الفايس وين غطست هذي

مرام 1987 · 2014-09-30, 11:03

قالك مرة وحدة مسكينة على قد حالها..
.
.
.
....
.
.
.عايشة ما شايفة من الفقر..
شرالها راجلها machine à laver
وأول مرة شافت machine à laver
... أمالا راحت عمرتها بالحوايج وشعلتها..
... ... ومن كثرة الحوايج اللي فيها بدات تفيبري وتتحرك حتى قريب وصلت للبالكون..
المسكينة كي شافتها رايحة للبالكون حكمتها وقالتلها..
.
.
.
.
.
.
..
والله ما راكي ناشرة الحوايج.. بزاف عليك هههههههه

أم أروى · 2014-09-30, 11:04

اقتباس:

المشاركة الأصلية كتبت بواسطة zahra30

صباح الخيييير ياللي اهنا مساعدة لو سمحتم
درت عجينة الصابلي البارح في اليل لاني مريضة على اساس نخدمها اليوم الصباح بصح خرجت متفتتة بواش نعاود نطمها بصفار البيض ولا الزبدة ؟؟؟؟ عاونوني انا خممت يشوية مازهر
اللي تعرف تقولي على السريع وشكرا مسبقا

اهلا اختي
اظن تلميه بصفار البيض احسن خاطر هو الي يطري مشي بماء الزهر
خرجتلك تتفتت بالاك كثرتي الفرينة

نخله. · 2014-09-30, 11:05

صباح الخيرات

سيدتي كرمن فكرتيني فالحشاوش قبل ما تختفي من السوق الله يفكرك فالشهادة

لدبشه هي الكسبر؟؟؟؟ انا موالففه نكونجلي المعدنوس.................يصلح نقطع الكسبر و نكونجليه؟؟؟

souma.f · 2014-09-30, 11:10

صباح الخير عليكم يا حراير الجلفة
ليكم وحشة كبيرة كنت نتوحم ما قدرتش ندخل هنا خفت نسخف على طياباتكم و ما نلقاش شكون يطيبهملي ههههههههه
انا غدايا اليوم بطاطا بيضاء و سلاطة بطراف

ارزاق · 2014-09-30, 11:11

صباح الخير عليكم نعم اختي نخلة الدبشة هي ااكسبر و تقدري تكونجلي الدبشة وحتي الكرافس انا مالفا نكونجليههم في ثلاثة

souma.f · 2014-09-30, 11:15

انا هاد العام ما حضرت والو للعيد بالاك لعشية ان شاء الله ندير كروكي و نخدم حميص مشوي و نرحي الثوم و نوجد حوايج العصبان و نهار الجمعة ان شاء الله نطيب خبز الدار

أم ياسين الزهراء · 2014-09-30, 11:15

صباح النور

غدايا مقرونة والحمد لله

لبنات حوست على هدي الوصفة ماصبتهاش اللي تلقاها نعطيلها مئة ناقة ههههههههههههههههههههه

malek nour hane · 2014-09-30, 11:15

السلام عليكم و رحمة الله و بركاته ..نهاركم سعيييد صباح الخيرات.....
مرومة لعزيزة راني هنا هههه بغيت نوالف نبعد شوي وااااااااااااااااع علابالي نتوحشكم بزاااف و قلبي يبقا ياكل فيا خخخ تعرفو حالة التقرعيج
ان شاء رتحتي مرومة و شراهي ماماك ان شاء الله مليحة وش اجواء تحضيرات العيد عندكم...هيا طيحي بالوصفة تاع المعمول اممم شهيتيني
اختي زهرة جربي طيبي حبيبات اذا لقيتيه مشقق و يتفتت بزاف عاودي لمي العجينة بالحليب

أم هبوبة · 2014-09-30, 11:18

هدا وين دخلت

صباح الخير عليكن و الله يعاونكم