الجزء 78 من واش طيبتي اليوم سموا بسم الله - الصفحة 39

omomnia15 · 2014-06-14, 15:29

سلام حبوبات نشالله راكم ملاح الكوزينة راهي فارغة ياخي مزال رمضان قال راكم مصروعين فطوري شربة فاغميسال والله بنينة تهبل الاكراد قالك السخانة ومنبعد لحسو الطباسة رايحة ندير معارك وبلاك ندي منهم لماما تحبهم لازمني نكمل قبل الماتش باش يتفرجو سي السيد نروح ندلك ونطيب راهو الحال سخون بصح الهوا بارد يضرب

أم ريمة* · 2014-06-14, 15:51

ربى يعاونك ام امنية وابعثيلى معاك شوية ههههههههههه

om mita · 2014-06-14, 16:06

lمساء الخيرات والمسرات حبيباتي
راجعت بصح معلقتش
يعني الصراحة متحتاجش تعليق كلشي في القمة
كنت غايبة مرضتلي بنتي ومقدرتش ندخل
3 ايام وانا ساهرة معاها الليل معا النهار
المهم راكم منتليين في الكوزينة فوق اللازم هههههههه
شكرا

-Jasmen Bonbon Choco · 2014-06-14, 16:17

سلام دائمة الحمد راني جاو بتك في قسم الدردشة لاباس عليك-اميرتي

mira la belle fraise · 2014-06-14, 17:23

السلام عليكم مبروك لكل اللي نجحلها وليدها و لا بنتها في السانكيام

ام الهضاب · 2014-06-14, 17:55

سلااااااااام على الأحباب و مبروك الكوزينة و مبروك النجاح لجميع أولادنا دوووون استثناء
و مبرووووك للهنة حبوووبة الكل مع نهاية كل فصل نتعب مع الاولاد و زيد بنتي جوزت البيام ربي يفرح كل أسرة
جبتلكم الكوووووووكييييز انتاع مريم الأميرة امممم ساهلين و بنان

النرجووسة · 2014-06-14, 17:57

ام ماجد بصحتك العدس و المشترايات روووووعة

اولادي الله الله الحوت يهبلللللللللللللللللللل

داءمة الحمد واش راكي واش راه بنتك

النرجووسة · 2014-06-14, 18:03

ام الهضاب بصحتك ال****ز روووووووعة

omomnia15 · 2014-06-14, 18:07

صح قهيوتكم مجيت نكمل ذوك المعارك حتى خرج قلبي منعرف من السميد ولا وشبيه خليت نصو درتلو خميرة ورجعتو سفنج متخافوش معنديش الرميان والعشا عندي الشربة من الصبح وراني عيانة السكر هبطلي قريب مت الله بجعل الخير ادعولي نكمل هذو لشهر على خير

أم يحي صهيب · 2014-06-14, 18:08

انا جيت وانا جيت
رحبوا بيا
ماعندي غيركم في هادي الدنيا
ياو ربي يخليكم ليا
جبتها كيما تغنيها نجاة عتابو
ههههههه
واش راكم بخير والله توحشتكم
ياك مانسيتوني مع العلم حتى رسالة مالقيتها
تبرادي على زهري
عواشركم مباركة يا الحنونات
فاصل ونرجع إلا الله كتب ليا
الله معاكم

omomnia15 · 2014-06-14, 18:13

ام الهضاب على سلامتك واش هذي الغيبة وبصحتك ال****ز
ام ميتا لباس على بنتك ربي يشافيها البارح كنت نقرى في ارشيف الدردشة تع ام مصعب والله الدمعة جاتني على لمتنا وام مصعب مبانتش خلاص
ام ريمة اديه كامل وبصحتكم الفطور
اولادي بصحتكم الحوت وصح عيدك وربي يتقبل منك نشالله

أم ريمة* · 2014-06-14, 18:32

ام الهضاب ربى يفرحك ببنتك ويفرح جميع الامهات باولادهم بصحنك ال****ز يقرمش كيما انتاع برا ؟؟
ام امنية ما تعبيش روحك بزاف خلى بناتك يطيبو وانتى واش يحطولك قوليهم هايل ههههههه
اهلا وسهلا ومرحبا ببنيتى الفحلة سرسورة واش راكى ان شاء الله تكون اشهر الوحم عقبت وراحت كل اعراضو
واش ناوين للعشا انا راهى لسوب انتاع الفرماج اطيب وكشما انزيد معاها حاجة خفيفة ان شاء الله

om mita · 2014-06-14, 18:37

ام الهضاب ال****ز يشهي وربي يوفق بنتك نشاله
ام امنية يا لحبيبة والله عندك الحق علا هذيك اللمة
ربي يفوت هذو الاشهر علا خير
السعيدة بربها سارة وش حوالك كي راكي مع الحمل نشاله لباس

ام الهضاب · 2014-06-14, 18:47

بارك الله فيييكم جميييعا
اهلا بسارة كم عمر الجنيييين الآن هههههههه
ام ريمة الحنونة نعم يتقرمش و معاه طراوة بسيييطة في الوسط

أم ريمة* · 2014-06-14, 18:49

ام ميتا واش راهى بنتك ان شاء الله تكون ريحت ربى يشفيها عاجلا غير اجلا
ام الهضاب بصحتكم ال****ز نجربو ان شاء الله