'' الجزء 65 '' من واش طيبتي اليوم

[~اسيل ريحانتي~]

مساء الخيرات والليرات والمسرات على احلى شلة حبوباتي توحشتكم مووووت صدقوني نحبكم بزاف والظروف منعتني ندخل لهذا القسم بالذات
عرفتو علاش ---------
على خاطر راني نتوحم وجاني صعيب وليت عيافة بزاف كرهت ماكلتي مرانيش نطيب الا نادرا وشكرا على لي سالو عليا ام الهضاب ودائمة الحمد وووووو ربي يخليكم ليا ويحفظكم نشا الله كي نرتاح نرجعلكم نحبكم بزااااااااف

[رياحين الجزائر]

حبيبتي راهي جاوباتك ام محمد في الكوزينة اللي فاتت وانت دوزني كلش في اللي وخرجيه للبالكو راه بارد الحال درك والصباح الرابعة انصبيه على الكانون هداك باه اطيب بغرضو والحمص طيبيه في الليل والصباح ديريلو شوية صوص ازيد يسخن فيها انا هك انشوف اختي ادير وساعات تدوزنو مع العشية واتخليه ومن بعد اوحدة انتاع الليل تنصبو على الكانون باه اطيب بكري وتبقى تشطح وتردح بصح هد الطريقة تستعملها في الشتا برك اما في الصيف نشفالها اتطيب في يومو وم احنا عندنا السخانة نشفى كانت اتنقص للكانون قدر المستطاع باه مايطيبش بكري وتبقى الماكلة تقراص

[sirina_angel]

صبااااااااااااااااااااااااااااخ الخيرات
صحا غداواتكم

[رياحين الجزائر]

حبيبتي ام زكريا والله غير البارح برك كنت انقول واش بيها طولت الغيبة بصح باه نبعث رسائل انخاف كاش من اراسلني على جال بنتي ويلقى الصنددوق معمر
وبالنسبة للحمل ربي اسهل عليك حبيبتي الوحم اتهلاي في روحك وان شاء الله ربي يرزقك بنيتة يخي عنك دكورة ولا راني غالطة هههههه الزهايمر

[R I A D]

صحة غداكم بنات
ام زكريا مرحبا و مبروك عليك الحمل و ربي يتمم لك بخير ان شاء الله و ربي يرزق كل من يريد ذلك امين
تغدينا جاج محمر و الحمد لله

[عطرالذهب]

اختي ربي يسهل على اختك بالنسبة لشربة لفريك راهي دائمة الحمد عاملة شربة هاايلة كي تدخل تقوللك الكمية اللي دارتها لقداش من عبد وانت ضاعفي الكمية
للطعام نحنا نطيبو اللحم عراسي يعني نغسلوا اللحم ونخلوه يقطر
ديري قيس غميقة نتاع شوربة بصل مرحي و3 مغارف معمرين ثوم مرحي واذا اللحم سمين ديري غير لوش زيت واذا لا ديري حتى 3 لوش زيت زيدي 2 ملاعق راس الحانوت ونص ملعقة فلفل اسود واذا المرق احمر ديريلو رطل طماطم مصبرة ومغرفتين هريسة ومغرفة معمرة ملح خلطيهم مليح في قصعة ومرري فيه قطع اللحم بالقطعة حتى يتشرب كامل التوابل والبنة هاذ العملية ديريها ليلة من قبل
واذا ضيافكم راح يتغدو بيه نوضي قبل الفجر حطي الماء يسخن في القازان -البرمة لكبيرة - تقريبا ربعها ماء اول مايغلي الماء ارمي اللحم بالمورصو وغطيه وخليه يطيب نص طياب يعني حوالي الساعة على نار متوسطة
من بعد انزعي اللحم من لاصوص وحطي كل مورصو في ورق المنيوم وخليه يفور قد ماتحبي ماتخافيش عليه قد ما يطيب خير
وهاذيك لاصوص فوري عليها الكسكس الكيلو يطيحلك 3 صحون بالفاضل كل صحن يكفي 5 يعني ديري 4 كيلو فوريه وسمغيه بالدهان ولاصوص في اخر الطياب قبل ماتطفي عليها ب5 دقايق لوحي فيها قروون فلفل حاار يطلق البنة
طيبي كيلو حمص في ماؤ وملح نحيلو ماؤه وزيديلو شوي ايدام تلقيه يطفو فوق لاصوص باش يجي بنين واذا تديري الزبيب زيدي اغسلي رطل زبيب وفوريه وزيديه للحمص
وكي تسربيه حطي الكسكس فوقه الحمص والزبيب ولاصوص وحدها واللحم كل مجمع حطيلو صحن فيه 5 مارص في صحن وحدهم
هيا بون كوراج وازدمي باش يتنحالك الخوف رانا كامل مررنا من هذه الطريق

[عطرالذهب]

اهلا ام زكرياوربي يتمملك حملك على خير ويرزق الذرية الصالحة طولتي الغيبة توحشناك

[~اسيل ريحانتي~]

المشاركة الأصلية كتبت بواسطة رياحين الجزائر

حبيبتي ام زكريا والله غير البارح برك كنت انقول واش بيها طولت الغيبة بصح باه نبعث رسائل انخاف كاش من اراسلني على جال بنتي ويلقى الصنددوق معمر
وبالنسبة للحمل ربي اسهل عليك حبيبتي الوحم اتهلاي في روحك وان شاء الله ربي يرزقك بنيتة يخي عنك دكورة ولا راني غالطة هههههه الزهايمر

واااااااااااااااي رياحين لكان جيتي قدامي نعضك هههههه عندي 2بنات وولد ادعيلي نجيب ولد
هههههه

[R I A D]

سيرينا الله يسلمك و صحة غداك
عطرالله يبارك ما شاء الله كل صبع بصنعة يسلم الي ولدوك ورباوك

[~اسيل ريحانتي~]

المشاركة الأصلية كتبت بواسطة parfumdor1

اهلا ام زكرياوربي يتمملك حملك على خير ويرزق الذرية الصالحة طولتي الغيبة توحشناك

يتوحشك الخير حنونة الله غالب تورطت ههههههههه جاني على غفلة بكيت حتى عييت وعاودت استغفرت ربي وقلت هذي نعمة من عند ربي الحمد لله
خرجت عن الموضوع تهلاو في رواحكم
سلااااااااام

[~اسيل ريحانتي~]

المشاركة الأصلية كتبت بواسطة r i a d

صحة غداكم بنات
ام زكريا مرحبا و مبروك عليك الحمل و ربي يتمم لك بخير ان شاء الله و ربي يرزق كل من يريد ذلك امين
تغدينا جاج محمر و الحمد لله

بصحتكم دجاج وشكرا يا لحبيبة ربي يفرحك

[lyzzabel]

نهال الفطائر ملاح بصح جات فيهم بنة البيض وين راهي الوصفة الجديدة حطيها

أماني السلام على سلامتك حبيبة

ام كاميليا ياك قلتلك راهي ام تاااااج حطتلك كل المقادير تاع الشوربة و تاع الطعام و المازة اعطاتك منيو راءع راكي تجي تطلي و ما تشوفيييييش الردووووود

[lyzzabel]

المشاركة الأصلية كتبت بواسطة ام زكريا2

مساء الخيرات والليرات والمسرات على احلى شلة حبوباتي توحشتكم مووووت صدقوني نحبكم بزاف والظروف منعتني ندخل لهذا القسم بالذات
عرفتو علاش ---------
على خاطر راني نتوحم وجاني صعيب وليت عيافة بزاف كرهت ماكلتي مرانيش نطيب الا نادرا وشكرا على لي سالو عليا ام الهضاب ودائمة الحمد وووووو ربي يخليكم ليا ويحفظكم نشا الله كي نرتاح نرجعلكم نحبكم بزااااااااف

مرحبا بالغالية ام زاكو ألف مبروووووك و الله يكملك بالخير انشالله و تقومي بالسلااااامة

[ام الهضاب]

اهلااااا بالأحباء و صح طياباتكم راكم حراير انتاع الصح وربي يفرج اعلى كل مضيوق يارب
ام زكريا و الله ما خطيتي من بالي ، الحاجة الي يعطيهالنا ربي كاااامل فيها خير و الحمد لله
تغديت البطاطا المسروق انتاع الهام امممممم

[أم إناس]

صح غداكم درت جلبانة بالقرنون والفريت امممممممم





والحمدولله