الجزء 182 من الكوزينة( ان شاء الله تكون فاتحة خير عليكم) - الصفحة 39

x ام رحاب x · 2017-10-08, 07:06

اقتباس:

المشاركة الأصلية كتبت بواسطة هدى12

صباح الخير طاطواتي أنا نقرا سنة أولى ثانوي أنا عضوة جديدة تقبلوني معاكم؟

اهلا وسهلا حبيبتي اتفضلي معانا جوزي ماتحشميش

x ام رحاب x · 2017-10-08, 07:07

انروح انوض بناتي ووليدي وليا عودة ان شاء الله صحة قهوتكم حبيبات قلبي

نوال عيسى · 2017-10-08, 07:39

السلام عليكم ورحمة الله وبركاته
صباح الورد والفل والياسمين على اغلى ناس
على بالي مقصرة بزااااااااااااااااف تع بزاف بصح اعذروني كنت ندخل للمنتدى لشي محدد وكنتو دايما في بالي
حيوتة العميرة توحشتك قد الدنيا انت وام هدول وزقزوقة وووووو
وشراكم ووشراهم وليداتكم ان شاء الله تكونوا كامل بالف الف خير
نحبكم قد الدنيا وسلام خاص لمولات الكوزينة ونقولها اسمحيلي جيت بيديا فارغين نعوضهالك ان شاء الله
تبقاو على خير وتهلاو في رواحكم كااامل .. قبلاتي

ام هدول · 2017-10-08, 07:56

أم يوسف2 · 2017-10-08, 08:04

صباح الخير ليكم حبيباتي ومواحااااات ليكم حيوتة وام هدول مانروحش نقعد هنا عند يما خخخخخخ مازالني في دارنا
ملاك ام رحاب توبة امنية نوال على سلامتك هاني درتلك نداء
والبقية ايا نوضو ادخلوا
ام هدول الوصفة تاعك تاع التحلي ة ابعتي ابعتي
تبدل المندى ولا عيان وحتى الصور ماراهمش يبانو بانتلي غير بيتزا تا ع حيوتة

ام هدول · 2017-10-08, 08:08

لبنات هداكيك بالسميد،،بدون بيض ماكانش عندي البيض والفرينه رحj للوصفات بدون بيض الموضوع تع زخرفه ،،،ولقيت هادالوصفه،،،جربتها والله علكيف،،،ماجاتش ناشفة من داخل ،،شربو بيها الحليب،،،،

Fifilondon · 2017-10-08, 08:11

صباح الخير لبنات واش راكم ام رحاب. وام هدول وام يوسف واش راكم صباحكم باالخير ونهاركم مبروك
ماراجعت والو فاتوني بزاف صفحات
البقية نهاركم موفق من بعد نعاود نرجع

ام هدول · 2017-10-08, 08:14

ام يوسف ..امشي تورحي للدارك ..مادوملك غير دارك ..دار الوالدين ماش دايمة .....
نوال ...طل القمر وااله هادي غيبة ...مرة .على مرة طلي ....رانا مانسنه حتى وحدة ..ربي يسهلك امروك يارب
ام رحاب واش حوالك ....واش وليداتك راكم بخير ....
ملوكة الزينة ......شكرا على الوصفة ....وملالاك الكبير ..هنيالو .ربي يدوم العشرة بيناتكم ....

ام هدول · 2017-10-08, 08:20

لبنات هادي تحلية الرمان ..اناحرفت شوية برك ..لفلان درت باكي ونص ....باش نزيد في النكهة ...جربوها رووعة .انا الرمان لي نفتحها نلقاها بيضة من دا خل بصح حلوة ....قلت نحوس على تحلية خير ....لقت هادي ...وفي الاخير لقيت حبة رمان حمرة ..جا و لبنات ..ماما ..ماما لقينا وحدة حمرة ..هههه قتلهم هاتوها ..ندير بيها الطبقة الاخيرة ..وكولو لوخرين ....ههه

ام هدول · 2017-10-08, 08:25

اهلين فيفي واش حوالك ....الصفحات ماهمش بزااف اضربي طلة خفيفة برك ....
نخليكم نروح للاشغالي ..لغدة بقتتلي شوووي ضلمة ..مانعرف واش نزيد ....تحياتي

omhadil · 2017-10-08, 08:40

السلام عليكم اخواتى واش احوالكم وأحوال الكوزينة والله ليكم وحشة كبيرة
نتمنى تكونو بألف خير
حقا رانى ولدت طفل سميتو محمد وسيم
لعقوبة ليكم اخواتى

x ام رحاب x · 2017-10-08, 08:41

صباحكم ورباحكم و100 ناقة في مراحكم
ام هدول احلى صباح عزيزتي وليداتي راهم بالف خير نشكر المولى سبحانو شكرا على الوصفة حبيبتي تسلمي
نوال عيسى ام يوسف فيفي واش اصبحتو عزيزاتي ان شاء الله راكم بخير
فطوري عدس ايلا كتب ربي
ام هدول النكة مت بالضحك صح احنا شعب خاطينا الرومانسية

x ام رحاب x · 2017-10-08, 08:43

ام هديل اهلا وسهلا حبيبتي ومبروك مازاد عندك يتربى في عزكم وايكون ان شاء الله من االبارين الصالحين الحمد لله الي سلكتي على خير واش راكي

x ام رحاب x · 2017-10-08, 08:56

هادو بعض اطباقي كم الارشيف

ليبني فارغين ايشهو

شيز كيك

كي اتنوضو ماتحشموش ارفدو باه تتقهواو

x ام رحاب x · 2017-10-08, 08:57

انخليكم الي يدخل من بعدي انقلكم ربي يعينكم ان شاء الله