حلقات السيدة يعلى حصريا

[assiremhayet]

السلام عليكم، إذا سمعتوا اليوم سليمة كتبوا لنا الوصفات خاصة وإن كانت وصفات الحلويات تعيشوا لبنات وسيداتنا وشكرا,

[douane hadjer]

recettes de mme yaala svp les filles

[oum salim]

اختي aziza05انتي ثاني سمحي لي راني طولت عليك بصح والله رانا نعانيو من نفس المشكل كل مرة ندخل نكتب تنقطع الكهرباء ويروح كلشي .ان شاء الله تتصلح الاحوال ونحاول نكتبهم لك كامل. وشكرا على الدعاء .


والبارح انا ما سمعتهاش .

[oum salim]

نحط لكم هذه الوصفة على مراحل لانها عن جد لذيييييذة وعندي ايامات وانا نحاول نكملها ماقدرتش كل مرة تنقطع الكهرباء . اصبروا معايا شوية .
محمر روايال
قطعة لحم غنمي او عجل من الاحسن تكون من الفخذ (هبرة) نضعها في طنجرة الضغط (cocotte)مع 2 ملاعق مارغرين + 3 طماطم صغيرة ماشي مقطعة +2 بصل مقطع على 4 +4 سنات ثوم حب + 2 رند +1نجمة الارض + رشة ملح +رشة فلفل اسود+شوية فلفل ادريس نحمس شوية مع تقليب اللحم نمرق بشوية ماء ما نغطيش اللحم نغلق ونخلي على نار هادئة.
3حبات بطاطا خشينة تقشر وتقطع دوائر خشنة .نقطع في وسط كل دائرة بطابع الوردة (طابع الصابلي يكون دائري و مبرج) ونضع قطع البطاطا في الطنجرة فوق اللحم تطيب شوية ماشي حتى تذوب .ننحيها برفق كي لا تتكسر .
نضع البطاطا في صينية مدهونة بالمارغارين ونضع وسط كل حبة بطاطا ( الثقب اللي في الوسط) كويرة من اللحم المرحي المتبل وندخلها الفرن تتحمر ويطيب اللحم .
بعدما تطيب قطعة اللحم ملييييييح .ندهنها بمزيج (1ملعقة ك مارغرين +1 ملعقة خردل ) وندخلها الفرن تتحمر جيدا.
اما الصلصة تكون خاثرة ننزع منها اوراق الرند و نجمة الارض ونرحي بقية الخضر .
نضع الصلصة في صحن التقديم يكون بيضوي وفي الوسط اللحم وحولها دوائر البطاطا المحشية .وفوق كل كويرة لحم نثبت زهرة البطاطا لصغيرة اللي نحيناها من الوسط وتثبت باعواد خشبية .ونرش عليها المعدنوس م ر.
وصحتين وعافية .صح فطوركم

[تجويد4]

اذا ممكن وصفت الحلويات للسيدة يعلى
انا كنت نسمع وصفاتها من النت لكن هذ الايام ما حبش الموقع يفتحلى

[ام اماني77]

بارك الله فيكن اخواتي سيسي ميمي ام سليم وكل لساهم في الوصفات ربي يجازيكم عنا كل خير
انا طبقت كعيكعات بالقارص والحنيفيات باذن الله نحط الصور

[تجويد4]

اذا ممكن وصفات كعيكعات القارص و الحنفيات اختى ام امانى ربى يحفظك حبة تعملهم للعيد

[منارة الوفاء]

شكرررررررررررررررررررررررررررررررررررررا بارك الله فيكن يالفحلات

[selena gomez]

بليز بليز راني حبا نسمع التسجيل تاع البارح الخميس

[oum salim]

هليلات بالزيت

250غ مارغرين.
نصف كاس زيت
نصف كاس ماء زهر
نصف كاس سكر ناعم
1 فانيلا
نصف باكي خميرة
نضيف الفرينة نحصل على عجينة طرية نتر كها ترتاح شوية في الثلاجة .تقسم كويرات بحجم حبة جوز وتشكل هليلات .ندخلها الفرن .
الشربات =2كاس ماء +1كاس سكر نحرك حتى يذوب السكر +عصير 1قارص نحطو يغلي غلية واحدة ونطفئ.بعدما يبرد نضيف له كمشة سكر ناعم (حتى لا تتشكل القشرة اليابسة فوق الحلوى ).
بعدما تبرد الحلوى تغمس في الشربات وترمد في السكر الناعم مرتان ثم ترش بالكاكاو حتى نحصل عليها موشتي (moucheté).

[oum salim]

مول الشاش

250غ مارغرين
كاس ونصف سكر ناعم
5 صفار بيض +بيضة كاملة
1فانيلا
1خميرة
2كاس فرينة
نضيف المايزينة حتى نحصل على عجينة طرية .توضع في الثلاجة بعض الوقت.
توضع في لمبوط رقيق ونخرجها حربوش طويل نلفه على شكل حلزون ندخله الفرن يطيب (ابيض).
الكريمة=150غ مارغرين +150غ فوندون (fondant)تعطر حسب الذوق . نلصق بها حبات الحلوى ونزين الاطراف باللوز مرحي خشين او جوز الهند ونضع فوقها نصف حبة كرز مصبر وتزين بخطوط الشكولا .

[aziza05]

oum salim bravo alik

[hano10]

تبارك الله عليك اخت ام سليم

[oum salim]

السلام عليكم و ربي يسلمكم لبنات .
نكمل وصفة يوم الاربعاء .
غريبية القوفريت

500غ مارغرين.
كاس سكر عادي.
نصف كاس سكر ناعم نضرب مليح بالباتور حتى نحصل على كريمة .ونضيف لها
2 ملاعق ك عطر فراولة
2 كيلات (bol) قوفريت مرحي (ذوق فراولة).
1 خميرة .
ونلم بالفرينة حى نحصل على عجينة طرية ندخلها الثلاجة شوية.
نشكلها كويرات وندخلها في مول المعمول . كي تطيب نلصق فوقها نصف حبة كرز مصبر بالمربى ونرش عليها السكر الناعم.
او نحلها بالحلال وتقطع حسب الرغبة . كي تطيب نلصقها بالمربى ونزين الاطراف بجوز الهند او اللوز كوكاو مرحي .

[oum salim]

وصفات يوم الخميس .
les gaufres ( حلوى جافة)
250غ مارغرين .
2 ملاعق ك سكر ناعم
3 بيض
3ملاعق ك مايزينة
1فانيلا
1خميرة
نضيف الفرينة حتى نحصل على عجينة طرية .ترتاح في الثلاجة بعض الوقت.
نحلها بالحلال وتقطع حسب شكل المول (مربعات او قلوب) بعدما تسخن الالة نضع العجينة ونغلق عليها نتركها 5د.
ننزعها تعسل ونعمر الفراغات بالمربى ونرش عليها شوية جوز الهند.