مــــجلس **جوهرة رمضان** هنا ملتقانا اليومي - الصفحة 39

OM AYA · 2014-07-10, 21:34

سطووووف اجري ابعثيلو ورسالة وفهميه وش يعتمد باش ما يصراش كيما المرة اللي فاتت
انا ما نقدرش نخير باسكو انا درتهم

fatma1977 · 2014-07-10, 22:08

واش أحوالكم بعد الفطور إن شاء الله تكونو كامل بصحة جيدة صلو التراويح وأقراو القرآن ومن بعد نعملو سهرية باهية بالزلابية والمخارق والشباكية و...........................الخ نروح نزور دار شيخى ونعاود نتلاقاو حباباتى الغاليين

OM AYA · 2014-07-10, 22:16

شكراااا فطوووووم وصح فطورك

جوري لؤلؤة · 2014-07-10, 22:42

عالسلامة لبنات وصحا فطوركم
وش درتو فيها انشاله تكونو فالمستوى
بالتوفيق
ام اية توجدك منور ديما ربي يخليك لينا وللمنتدى

OM AYA · 2014-07-10, 22:49

حبيبتي ام جوري المنتدى منور بوجودك ربي يخليك يا طيوووبة

أم ضياء عبد الرحيم · 2014-07-10, 23:14

صح فطوركم بنات
و ربي يوفقكم في التحدي

بنات عندي طلب منكم حبيت تدعيولي ربي يشفيني و يصلح شاني و يرضا عليا
اتفكروني و ادعيولي معاكم و الله محتاجت بزاف لدعواتكم

souheila dz · 2014-07-10, 23:31

صح فطوركم لبنات بالتوفيق في التحدي

OM AYA · 2014-07-10, 23:39

صح فطوركم جيادا سهيلة الطراونة بالاك مازالت في دار شيخها

جيادا ربي يشفيك شفا لا يغادره سقما ويلبسك لباس الصحة والعافية ويسرلك امورك كلها

روحي غير بلعقل هادي عوينة ارقي وكثري الاذكار رانا مهلوكين مين ذاك وتخرج فينا سوغتو مين نكونوا ناشطين وعلينا العين

عطرالذهب · 2014-07-10, 23:45

سلام بنات وصح فطوركم
موفقات باذن الله

stayfiya · 2014-07-10, 23:49

اهلين و سهلين و مرحبتين لبنا واش راكم صح فطوركم. جوري على سلامتك حنونه فطوم رانا صلينا التراويح و جينا و نتي ما بنتي
جيادا ربي يشفيك و يعافيك و يبعد لبلاوات عليك و يرزقك و يرضييك. او هاذي دعوه ميش بوقاله ياو ما تحسبوهاش عليها هههه
ام ايوش لي عجبتني درتها لالا والله بغيتك تزيدي شوي السحور لانو ماحسروش السحور في طبق واحد كلمة سحور عندها معنى شامل لازم من الطرشونه لقرعة الماء هههه
فريوله كوكو ويراكي
و لي حب يسهر نقولولو سوايي لو بيان فينو

stayfiya · 2014-07-10, 23:50

اهلا عطر. يعطيك الصحه. يادرا وجدتي للمستر لفطور ولا الشربه و قص ههه

فريولة ابتسام · 2014-07-10, 23:53

راني نستنى نشوف الابداعات بصح الظاهر مكاش

fatma1977 · 2014-07-10, 23:55

جيادا ربي يشفيك شفا لا يغادره سقما ويلبسك لباس الصحة والعافية ويسرلك امورك كلها أدعى بدعء أم الدرداء
أم جورى سهيلة أم آية أم حمزة بنت الطيب البنات كامل صح فطوركم

عطرالذهب · 2014-07-11, 00:08

ايه سطايفية والله غير طيبتلو الجاري وطاجين الملسوقة وخبزت الكسرة وقليتلو لفريت والسكالوب وخدمتلو صالاد ديفروي وقهيوة وفلان
رانا نمامشة كلش غير لفطور لاااااازم يتحط كيما يحب الخاطر

عطرالذهب · 2014-07-11, 00:11

فاطمة يعني ماشفتينيش والا متعمدة تسمي غير صحيباتك
هيا ترا راكي تجي لدارنا ونعاملك احسن معاملة مش مثلك