الجزء"" 120"" من واش طيبتي اليوم

[wahibaazel]

ام خالد روعة تسلم الايادي ،فرح العمرتحفة .مازال ما راجعتش،ربي يبارك لنا في اوقاتنا

[wahibaazel]

طالبة جامعية ربي يوفقك.اختي كاميليا بنتك صغيرة،وكي طاحت تقيات ولا لا. مطبخ الاحلام ربي يجازيك خيرا. ام يسرا تسلم الأيدي.

[oum islem]

[IMG]https://store1.djelfa.info/vb/2015-03/1425452543
791.jpg[/IMG] سلام حراير خرجو عندكم صوري او لا انا ما راني نشوف والوhttps://store1.djelfa.info/vb/2015-03/1425452543791.jpg

[chez biba]

السلام عليكم ورحمة الله وبركاته
يوم سعيد وصباح اسعد ان شاء الله
وهيبة غير بالعقل حبيبتي راهم صغار وأكيد كي تعرف وحدها راح تحس بالمسؤولية ربي يوفقهم ويصلحهم ويكون في عون الوالدين يا رب، نوصيك ونفسي أكثري من الذكر والاستغفار والله المستعان، بارك الله فيك على البطاقات اللي تحطيهم

لبنات كااااااامل دون استثناء الله يبارك واش حطيتو وما شاء الله عليكم ابداع xابداع

روضة اتهلاي في روحك اختي وربي يشفيك ويعافيك ويحفظلك البيبي ويسعدك بيه

[chez biba]

المشاركة الأصلية كتبت بواسطة om kamilia

ام اسلام تطبيقاتك روعة

وهيبة وسعي بالك رب يوفقهم

لبنات طاحتلي بنتي من الفراش وماعلبالي واش نديرلها

ان شاء الله ما يكون غير الخير، شوفيها ملييييييح من كل الجوايه حتى اذا ما كانش الدم بالاك ضربة ولا حاجة، ربي يسترها ان شاء الله

[om kamilia]

[size="6"]شيبيبا الين ختي واشراكي اش و صفة جديدة

وهيبة ختي ما تقياتش رب ي سترها انا قلت نلقاها مفدقة وزوجي قالي كاش ما يصرا لها ناكلك هههه تخيلتو [/SIZE]

[chez biba]

المشاركة الأصلية كتبت بواسطة oum islem

[img]https://store1.djelfa.info/vb/2015-03/1425452543
791.jpg[/img] سلام حراير خرجو عندكم صوري او لا انا ما راني نشوف والوhttps://store1.djelfa.info/vb/2015-03/1425452543791.jpg

ام اسلام لا ماخرجتش هنا خرجو في الصفحة اللي قبل، بالاك ما هزيمتين الرابط الصحيح عاودي برك اختي، ويعطيك الصحة هايلين

[om kamilia]

شيبيبا راهي فاطنة نورغمال بصح خفت الضربة للداخل





لبنات نخليكم على خير ونروح نزيد نخمل ونطيب المادلان تاع ام اماني يجي خفيف بالياورت لقيتو في منتدى واحد آخر تاعءالمسلمة الجزائرية و هاكو الوصفة


[COLOR="DarkRed"]
السلام عليكم اخواتي
جبتلكم اليوم مادلان خفيف وساهل والكيلة لنكيلو بها هي علبة ياغورت فارغة
المقادير:

4بيضات كبار،كيلة ونصف سكر،كيلة زيت،2علب ياغورت اي ذوق تفضليه‘5كيلات فرينة،1خميرة ،فاني،قشور ليمونة
الطريقة:
اولا نشعل الفرن على درجة حرارة 180درجة
من جهة نخلط البيض والفاني والسكر جيدا بالخلاط الكهربائي ثم نضيف الزيت ونحرك ثم الياغورت وقشور الليمون ونحرك ثم نضيف الفرينة لنكونو غربلناها مع الخميرة تدريجيا ونحرك بملع
قة غير بالعقل ثم نعمرو ليمول لنكونو حطينا فيهم ليكسات ونعمرهم ثلاثة ارباع وندخلهم للفرن يطيبو ونزينهم حسب الرغبة وهذا شكلهم النهائي

[lyzzabel]

صباح الخيييير حبيباتي نهاركم سعيييد و طيب
كتبت رد طويييييييل كيما العادة و راحليييي و ما جات تعاود تفتحلي صفحة الردوووود حتى طلعلي الضغغغغغطططط

المهم راجعت كلشي و ش فت كلشي و عجبني كلشيييي من يدين الحراااااير
الف مبرووووك عزيزتي ام خالد و يوسف السكنة الجديدة و ربي يجعلها عتبة الخييير و الافرااااح كلشي درتيه لضيافك رووووعة تسلم الايادي
وهيييبة الطيووووبة توحشت البطاقات و المعلومات الدينية لي تحطيهالنا كليوم ،، و بنتك كي ما بغاتش تزيد تراجع يعني عياااات انا تاني ولدي مين يبدا يتسبب نعيا نسايس فيه حتى نلقى روحي عطيته زوج طريحات ،، ربي يسامحنا والله يجيبو لي نااااغ
ام كامي تسلمي حبيبتي و بنتك بادن الله ما عليها والو انا يااااما طاحو وليداتي مالسرير و هوما صغاااار كيما يقولو العجايز يلاقو عليهم الملايكة و حنا تقتلنا الخلعة هههه
ام اسلام انا خرجولي زوج صور لولين تاع القاتو يعطيييك الف عاااافية المنقوشة روعة و القاتو الاول اررررررروووووع
ام الجوووود و العزايز توحشنااااكم و سكرتي الحلوة تاني توحشتها و توحشت العسل لي يتقاطر منها مممممم ههههه

هدا رد مختصر مشي كيما لي راحلي راه المنتدى يفتحلي بمزاجه و مين ندخل خطرة ما يعاودش يفتحلي ما نعرف لاكان غير انا ولا نتوما تاني

فطورنا اليوم جلباااان و سلاطة و عصييير الليموووون و الحمد لله على نعمه

اللهم بك اصبحنا و بك امسينا و بك نحيا و بك نموت و اليك المصير

[lyzzabel]

مادام المنتدى راه راضي عليا في هاد الساعة تفضلو صحابات لاقغاس ماتيني و حتى لي بكرو و مازال ما تقهواوش قاتو النمرة بلمساتي خخخخخ






لا اله الا الله وحده لا شريك له له الملك و له الحمد و هو على كل شيء قدير

[مياسم75]

صباااااح النور حبيباتي
الله يبارك كلشي44444444444
مطبخ احلام ماشاء الله عليك هبلتينا
روضة ربي يشفيك اتهلاي في روحك قلبي معاك
ام اسلام قاطواتك تحفة وخاصة الاول
وهيبة وسعي بالك انا كنت هكذا مع ابني لكبير مع يغلط نضربو يتهاون بزاف يحب غير اللعب بصح كنت كي نضربو نروح نسكر على روحي ونقعد نبكي ما نحبش الضرب بصح واش درت حلفت ما نزيدش نضربو والحمد لله راهو الان من الأوائل ما شاء الله اختي أستغفرك كي تقلقك وخارجي من الغرفة الضرب راهو واعر

[عطرالذهب]

صباح الخير لبنات والف مبروك الكوزينة
اسمحولي كنت مشغولة مع الامتحانات ربي يوفق اولادنا كامل

[oum islem]

هدا معجون البرتقال بطريقتى

[wahibaazel]

ام كاميليا الحمد لله باذن الله ماكان والو،شي بيبا ربي يحفظك لحظة الغضب والوقت داهمنا مالا دات طريحة،ليزا العسولة والله كلامك يشفي العليل والقاطو تحفة تسلم الايادي. مياسيم ربي يحفظك اختي وربي يصلحك وليدك وتشوفيه في
اعلي المراتب امين. نروح نكمل المراجعة لمرام وراحيل .بالتوفيق حبيباتي.

[chez biba]

صباح النور ليزا لعزيزة واطباقك كالعادة top يعطيك الصحة وقاطو النمرة الثاني اللي درتي في الوسط المعجون في واش رمدتيه؟؟؟

ام كاميليا يسقسي عليك الخير حنونة والله عندي الجديد مبصح الوقت اللي ما كانش عندي شوي انشغالات، ربي يوفقنا وبنتك ان شاء الله ما يكون غير الخير ، انا ثاني نخاف وموسوسة في هاذ لحوايج ههههه

مياسم واش راكي ان شاء الله لا باس وكل العائلة ؟؟

لبنات حباباتنا بزاف غايبات ان شاء المانع خير

رياحين الحمد لله كي طليتي علينا اختي ربي يعينك ويشفي بنتك ، الاعمال على ربي وخلاص

عطر صباح الأنوار وربي يوفق أولادكم ويفرحكم بيهم يا رب