الطريق لكلية الطب ها قد استلمنا المشعل 😇❤

[اسماء تيارت]

المشاركة الأصلية كتبت بواسطة عاشقة الكواكب

حنا اجتماعيات مزال مجاتناش كون سقسيت بصح منتكلش عليها
بصح درس جنوب شرق اسيا هو منم دروس افصل الثاني

+

قاتنا ركزوا على اهمية فلسفة و الشعور بلاانا و غير و اصل رياضيات و بيولوووجيا

قالتنا الانا مستبعد لانو كاين شحال من ولاية ما وصلتش ليه.

[ندى2002]

شكون علابالو بالمقترحات للاداب

[فتاة مغامرة]

المشاركة الأصلية كتبت بواسطة ايوب122

شارعنا كامل هزوهم كورونا

مبقاش دار مافيهاش مسامينا

ربي معاكم خويا ويرفع عليكم البلاء

[أمل أميرة]

صباح الخير والبركة جمعة مباركة للجميع
كيف الاحوال والتحضيرات كيف المراجعة تبقت 15 يوم وننتهي من هاجس الباكالوريا فاللهم اجعل هذة الايام مباركة علينا سهلة ويسيرة واللهم بلغنا ما نتمنى ووفقنا لاعلى الدرجات
علابالكم ساعات نقول مانروحش نجوز كامل فالمرحلة هذي صعيبة عليا بزاف راني مريضة كل يوم نقوم بالالام في راسي وعيني تقتلني بالالم وبطني يؤلمني غير ناكل حاجة (ماشي كورونا هه ) الا اني نحاول نتقدم بلي نقدر الصباح نجاهد باه انوض نحفظت فالتاريخ حفظت درسين ومازالي درسين والجغرافيا راني فالدرس الثاني قريب نكملو المواد العلمية تقريبا كملت مراجعة كل الوحدات ورايحة نحل الباكالوريات 2017 2018 2019 فقط غير الفيزياء راني نراجع فالوحدة الاخيرة وحتى القذيفة نراجعها عل وعسى يجي الموضوع نتاعها اسهل كيما دارولنا عام لي دخلو الاحتمالات(رغم اننا والله ماقريناها فالقسم الا انها جاءت وموضوعها سهل جدا وحليتو هو وديت فيه 15/20 راحتلي غير علامة الاحتمالات..)
الفرنسية اذا ماكفانيش الوقت نراجع غير النص التاريخي من عند استاذ منصوري ونحل موضوع او موضوعين للتدريب
الانجليزية علابالي من درك مايكفينيش الوقت لقواعذ لذلك مانيش مراجعتها
الادب ساعات نراجعها وان شاء الله نديرلها يوم نحفظ فيه الملخص كامل تاع استاذ العيدي ونراجع القواعد كيما درت العام الماضي وديت فيها 16
الفلسفة نحفظ غير مقالتين نعاود نراجع مقالة العلم والفلسفة ونحفظ البيولوجيا واصل الرياضيات وان شاء الله يكفيني الوقت
رغم كل لي نمر بيه الا اني ماراحش نستسلم في اخر دقيقة ومهما كانت النتيجة نقول الحمد لله على ما اعطى والحمد لله على ما اخذ
تذكروا هذه العبارة جيدا "لو أننا فعلنا ما نحنُ قادرينَ على فعلِه لصعَقنا أنفُسَنا. " فالايام الاخيرة هذي ضاعفوا مجهوداتكم وماتستسلموش ربما تكون ايام الفلاح وهي ايضا ايام مباركة من الايام البيض وعاشوراء ...
حينَ تَظُنُّ أنَّ كُلَّ شيءٍ ينتهي ،يخلقُ اللهُ لك مخرجًا لتبدأ من جديد.
وفقنا الله جميعا باذن المولى سنصل لمبتغانا

[أمل أميرة]

ردي لاخت نتمنى يفيدكم
لحاجة لولة لي نقولهالك اسوء قرار تقريه واسوء تخمام انك تخمي تعاودي كونديدا ليبر قبل ماتشوفي علامتك تاع الباك هذا ساو اصديقتي نحي هذا التخمام من بالك صح تبانلك بلي لي يعاودو يجيبو معدل مليح ووو لكن والله اصعب حاجة شفتي الستراس تاع الباك لول يجيك اضعاف مضاعة لانك تولي تقولي خسرت عام ولازم نجيبو مليح المرة هذي وتيز عليك المسؤولية ولكان بلوكيتي وعاودتي يزيد الشعور هذا يتضاعف اكثر ولكان مابلوكيتيش رايحة تولي تقراي وج قرايات وتخمي فيهم في 2 تقولي لازم ننجح فيهم في 2 باه لاقدر الله ماجبتش باك مليح نكون نجحت فالجامعة وهكا مانخسرش عامي...
الوقت هذا اقراي وبرك خمي غير في 13 سبتمبر والاسبوع هذاك كيفاه راح تكوني وخمي في نهار النتيجة برك
حنا كامل ننساو حنا كامل نفشلو حنا كامل عدنا ظروف يعلم بيها غير ربي سبحانو نقلك انا الظروف لي راني نمر بيها درك يعلم بيها غير ربي سبحانو لكن رغم كل هذا مالازمش نفشلو ونخمو نعاودو الباك هذي ماشي اول خطرة نجوز كونديدا والخوف عندي اكثر من قبل والحصيلة تاعي اقل مالاعوام لي فاتو لكن دايرة في بالي بلي 15 يوم تكفي انو اي واحد فينا يقدر يتميز فيهم يقدر يوصل للعلا اذا كنت حافظة من قبل غير عاودي برك ورايحة تتفكري كلش والمواد العلمية حلي مواضيع شاملة وتتفكري الوحدات كامل والله ماراني نكذب عليك والا نفوت فيك راقي قادرة وقادرة وقادرة في يوم تستدركي كل شيء واي واحد فينا يقدر هذي الايام الاخيرة هي لي تحدد مصيرنا فالوقت هذا لي انت تقولي فشلت ونسيت كاين عباد ماقراتش كامل وراهي تجاهد باه توصل للامتياز كيما انا مثلا وفالوقت لي انت تخمي تعاودي ناس جامي حفظت تقلك عدنا 5 دروس تاريخ و5دروس جغرافيا و12 درس شريعة كل يوم انوض مع الفجر نحفظ درس تاريخ ودرس جغرافيا ودرسين شريعة 5 ايام ولا 6 نكون كملت كلش وتقلك المواد العلمية عدنا 5 وحدات فيزياء و5 وحدات رياضيات فالصباح نراجع وحدة فيزياء وفالمساء وحدة رياضيات 5 ايام نكون كملت كلش والعلوم مراجعة من عند مصطفى بدد ةالمواد الادبية ساعة ونص ولا ساعتين بعد الظر كل يوم مادة وانا مكملة كلش في 5 ايام نكون طلقت البرنامج كامل والوقت لي يبقا غير للمواضيع هذا البرنامج لي راني نطبق فيه والحمد لله لقيت روحي ماشية
اذا انت واش خصك باه تخسري عام من عمرك واش خصك باه تحبسي بعد ما تعبتي عام كامل واش خصك باه تفشلي في اخر دقيقة واش خصك باه نهار الباك ناس كامل فارحة وانت تبكي بعيد الشر علييك
هيا نوضي تقراي ديري القلب اثبتي نفسك لنفسك اولا وللجميع ثانيا
وربي يوفق ويجعل الامتياز من نصيبك

[أمل أميرة]

من فظلكم اجيبوني نحتاجها الان المستوي الافقي والمستوي المائل لاي درس تابعين
ياك عدنا الميكانيك هكا
1/ دراسة حركة الكواكب والاقمار
2/ السقوطي الشاقولي وتابعو
a- السقوط الحقيقي
b- السقوط الحر
3/ القذيفة
المستوي الافقي والمائل لواش تابعين :

[اسماء تيارت]

المشاركة الأصلية كتبت بواسطة *آمنة*

اصلا مقريناش جيولوجيا
قريتها غير من عند شاوش


ياااااااا جدك ياااا اسما الله يفرح كيما فرحتيني
والله اسهل مقالة
زيدي واش قالكم عليها وااش قالكم على لمقالات لخرين

قالتنا راجعو المقترحة قاع بصح ركزو على أهمية الفلسفة. .الأنا والشعور مستبعد كاين بزاف ولايات ماوصلوش ليه.

[اسماء تيارت]

المشاركة الأصلية كتبت بواسطة أمل أميرة

من فظلكم اجيبوني نحتاجها الان المستوي الافقي والمستوي المائل لاي درس تابعين
ياك عدنا الميكانيك هكا
1/ دراسة حركة الكواكب والاقمار
2/ السقوطي الشاقولي وتابعو
a- السقوط الحقيقي
b- السقوط الحر
3/ القذيفة
المستوي الافقي والمائل لواش تابعين :

نظن تابع لسقوط الشاقولي.

[أمل أميرة]

يا جماعة فالميكانيك قادر يقلك احسب الطاقة الحركية ولا الطاقة الكامنة ولا مايجيش هذا السؤال يعني لازم نكونوا على علم بالقوانين نتاعهم ولا لا

[ايوب122]

علوم تجريبية منشفاش تلاقيت بيه

[ايوب122]

كـــــــــــــــــــــــــــــــرهــــــــــــــــ ـــــــت

[أمل أميرة]

المشاركة الأصلية كتبت بواسطة ايوب122

علوم تجريبية منشفاش تلاقيت بيه

حليت الباكالوريات كامل

[أمل أميرة]

المشاركة الأصلية كتبت بواسطة ايوب122

كـــــــــــــــــــــــــــــــرهــــــــــــــــ ـــــــت

غير الخير خويا والله ما بقا بزاف نوض تقرا برك توكل على ربي 15 يوم ونتهناو من كلش

[ايوب122]

ربي يجيب الخير

نلقا روحي مارانيش نتقدم طول

[*آمنة*]

واش ندير كي يمدلي سؤال
اكتب البروتوكول التجريبي لعملية المغايرة