الطفولة والاطفال واسئلة الامهات

[lyna2007]

المشاركة الأصلية كتبت بواسطة هاجر91

شكرا على الموضوع المميز اختي
حبيت نسال على بنتي حيرتني و ما عرفتش مالها
عندها 3 اشهر و اسبوع كانت مليحة و درك ولات ترد الحليب بزاف في كل وقت اثناء و بعد الرضاعة و ما تكملش حليبها خلاص و ولات تدير اللعاب بزاف على شكل رغوة و كل وقت نبدلها و تخرج لسانها كل الوقت هل هادا عادي رغم انها ماكانتش هاك؟
ثان ختي جاوها الغازات و ولات تتعصر بزاف باه تخرجهم وتخرج معاهم الفضلات في كل وقت رغم انها كانت تخرج مرة واحدة في النهار و ما عندهاش اسهال
كاين اللي نصحوني نبدالها سيريلاك تع الارز ندير مغرف وحدة في وسط الحليب تاعها باه ما تردش وش رايك نبدالها في هادا الوقت نورمال؟

اسمحيلي اختي كثرت عليك ان شاء الله تجاوبيني في اقرب وقت راني حايرة عليها بزاف

اللعاب لما يديروا الطفل يعني اللثة بدات تتنفخ وتحضر لبروز الاسنان .

اظن انها فترة عابرة وتغييرات ناتجة عن بروز الاسنان فقط لاتغيري لها شيء فقط لا تكثري من القلق لانك تعطيها ذالك القلق لبنتك وتصبح عنداها غازات المهم حاولي تساعديها على اخلراج الغازات بالتيزانة ومساج خفيف بالزيت على البطن واثني لها رجليها لما تتعصر باش تخرج الغازات ماتعطيهاش الارز لانها قادرة تصاب بالامساك + الغازات وتحصلي فيها
حاولي اديريلها شمعة تع الغليسيرين لتساعدها لالخراج الغازات والفضلات

المهم هي فترة وتجوز يعني لاتقلقي

[ام دارين]

السلام عليمك
حبيبتي موضوعك رائع وراني نستفاد منو بزاف وحابة نسقسيك على وليدي عندو قريب 3سنوات المشكل لي فيه انو الحاجة لي يلقاها يقولك تاعي ويبدا يبكي
يعني مثلا كي نروح لبلاصة ويلقا العاب او ماكلة يبدا يبكي ويقولي اعطيني معرفتش واش ندير باه نحيلو هاد الصنعة والله عدت نحشم كي نديه معايا
تعيشي قوليلي واش نديرلو
وجزاكي الله كل خير

[fayza81]

المشاركة الأصلية كتبت بواسطة lyna2007

اختي الكريمة المشكل راكي عرفتيه هو بروز الأسنان فبمجرد ان تبرز الاسنان جيدا ويزول عنه الالام ترجع لها الشهية ان شاء اللله لا تقلقي
وكلما تزيد تبرز لها اسنان اخرى ستفقد الشهية بعض الايام
المهم انتي ساعديها لتخفيف الالام الاسنان بوضع لها الشميعات اذا كانت تتالم 3 مرات في اليوم حسب الوزن شميعات براسيتامول او على الاقل مرة في الليل ان كانت لا تنام من شدة الالام الاسنان هذا سيساعدها وادهني لها الللثة بزيت الزيتون لما تكون منتفخة وتستعد الاسنان للبروز لان الزيت يخفف الالام

شكراااااااااااااااااااااااااااااااااااا اختي الكريمة و ربي يعطيك ماتتمناي

[lyna2007]

المشاركة الأصلية كتبت بواسطة rayan star

السلام عليمك
حبيبتي موضوعك رائع وراني نستفاد منو بزاف وحابة نسقسيك على وليدي عندو قريب 3سنوات المشكل لي فيه انو الحاجة لي يلقاها يقولك تاعي ويبدا يبكي
يعني مثلا كي نروح لبلاصة ويلقا العاب او ماكلة يبدا يبكي ويقولي اعطيني معرفتش واش ندير باه نحيلو هاد الصنعة والله عدت نحشم كي نديه معايا
تعيشي قوليلي واش نديرلو
وجزاكي الله كل خير

نعم في هذا السن الأطفال يكونوا انانين كثيير ويحب كل شيء يكون ليه
وهي فترة تفةت بعد سن الاربعة سنوات
لا تضربيه فقط حاولي تفهميه ان ذلك الشيء ليس ملكه واعطيه مثال بشيء يملكه وان طفل اخر لايمكن ان ياخذه منه
على العموم هي مشكلة تزول عندما يكبر قليلا ويبدا يفهم

[ميلار القدس]

مساء الخير اختي الكريمة انا اول مرة نشارك في هاذ الموضوع كوني ام جديدة غير13 يوم من ولدت
عندي تساولات نتمني تجاوبني في اقرب وقت ااما فالاول ابني كنت مركزتللو علي حليب اصطناعي بعد 4ايام وليت نمزج بيناتهم
وبعد ما ارتحت شوية من الزيادة وليت مركزة علي طبيعي ونعاومو ساعات بصناعي ولكن معلافاش يشبع والا لا وحليبب كاف او لا انا عندي لحليب ولكن يسيح وحدو حصوصا بعدما ناكل جىبت اعطيتو 20 دقيقة في جهة و 20دقيقة اخرى في ثاني جهة بعد ذلك استسلم للنوم هل هذايعني انه كافي
وثانيا ابني وانا اغر الحفاظات لاحظت احمرار وتسلخ تلك المنطقة مالعلاج

[lyna2007]

المشاركة الأصلية كتبت بواسطة ميلار القدس

مساء الخير اختي الكريمة انا اول مرة نشارك في هاذ الموضوع كوني ام جديدة غير13 يوم من ولدت
عندي تساولات نتمني تجاوبني في اقرب وقت ااما فالاول ابني كنت مركزتللو علي حليب اصطناعي بعد 4ايام وليت نمزج بيناتهم
وبعد ما ارتحت شوية من الزيادة وليت مركزة علي طبيعي ونعاومو ساعات بصناعي ولكن معلافاش يشبع والا لا وحليبب كاف او لا انا عندي لحليب ولكن يسيح وحدو حصوصا بعدما ناكل جىبت اعطيتو 20 دقيقة في جهة و 20دقيقة اخرى في ثاني جهة بعد ذلك استسلم للنوم هل هذايعني انه كافي
وثانيا ابني وانا اغر الحفاظات لاحظت احمرار وتسلخ تلك المنطقة مالعلاج

السلام عليكم مبروك مازاد عندك وان شاؤ الله يتربى في عزكم

مرحبا بك في موضوعنا حبيبتي
بالنسبة للحليب اختي مادام عندك في صدرك وراكي تقوليان الحليب راه يسيل الله يبارك انصحك ان تعطيه من صدرك وتتخلاي عن الاصطناعي يعني حتى وان كنتي عاملة اعطيه شهرين من عندك فقط وفي الشهر الثالث ابداي اعطيلو من صدرك ومن الاصطناعي
ان كنت ماكثة في البيت انصحك اختي ان ترضعيه من صدرك فحليب الام لا يعوضه اي حليب اخر .
ابنك لما تعطيه يرضع من صدرك انتي لازم تلاحظي اذا كان صدرك مملوء كثير اعطيه بعض الدقائق من جهة ثم غيري الثدي الخر حتى ينقصلك وتحسي بارتياح .
كما يمكنك في الاشهر القادمة ان تعطيه ثدي ثم لما ينام ويستيقظ اعطيه الثدي الاخر يعني لازم تداول وتوازن في عملية الارضاع حتى لا تتظرري انتي من بقاء ثدي ممتلأ ويتسبب لك في الللام وحمى لك انت .
بالنسبة للسؤال اذا كان ابنك يشبع ام لا فالجواب حسب ماقلتيه فهو نعم
لان الطفل اللي يرضع ثم ينام يعني انه شبع والطفل اللي يمص في الثدي ويرفض الابتعاد رغم انه نعسان ونائم يعني لم يشبع وراه يحاول يمص ليجد الحليب .
كذلك لاحظي الحفاظ ان كان يوسخ ويشمخ حفاظه يعني ابنك راه ياكل عادي جدا
ومدة الرضاعة لاتدم 40 د يعني تقدري تعطيلوا ان كان عندك الحليب 10 د او 15 د تكفي بكثير ثم حطيه في مهده لينام وحده والاسيعتاد على النوم بالثدي وهذا سيتعبك كثيرا .
اذا عندك حليب يمكنك ان تجبديه وتحطيه في بيبرون وتخليه في الثلاجة وتعطيه اياه
فيما بعد فقط سخنيه داخل كسرونة فيها ماء لدرجة يتحمله الرضيع .
بالنسبة للاحمرار راني اعطيت عدة نصائح في الصفحات اللي من قبل هي مفيدة جدا راجعيها ستجدين الاجابة ان شاء الله وان لم تجديها ساعيد لك لا يوجد اي مشكل

[sima arabi]

سلا م اختي ياريت تعطيني طرق باش نشرب الدواء لوليدي راه مريض وكل مانجي نشربلو يرجع عدة مرات ومايتقبلش تماما الدواء .وتاني ملي مرض عاد مايكلش غير يرضع بصح ماشي بزاف كيفاه نعمل.كنت سألتك اختي على تعاملو مع الالعاب لكن ماصبتش اجابة .معذرة راني كترت عليك

[sima arabi]

اسمحيلي اختي رجاءا اذا عندك طريقة باه نحي لوليدي عادة النوم على الثدي ويرجع ينام لوحدو عندو 8 اشهر على هاد العقلية هل نقدر نبدلها راني عارفة بلي راني روطار مي ماعرفتش واش نعمل راه تعبني بزاف

[lyna2007]

المشاركة الأصلية كتبت بواسطة sima arabi

سلا م اختي ياريت تعطيني طرق باش نشرب الدواء لوليدي راه مريض وكل مانجي نشربلو يرجع عدة مرات ومايتقبلش تماما الدواء .وتاني ملي مرض عاد مايكلش غير يرضع بصح ماشي بزاف كيفاه نعمل.كنت سألتك اختي على تعاملو مع الالعاب لكن ماصبتش اجابة .معذرة راني كترت عليك

المعذرة أخت الكريمة لم انتبه اذن لسؤالك
بالنسبة لشرب الدواء الامر صعب قليلا لان 8 اشهر يرفض الدواء لامر صعب
المهم انت حاولي تعطيهولوا في الحليب او مع التيزان او مع عصير هكذا مايفيقش ان فيه دواء

بالنسبة للنوم على الثدي
احسن طريقة انك بمجرد ان يرضع مثلا 10 د حطيه في المهد وخليه طبعا راقبيه من بعيد فقط في البداية سيبكي كثيرا لكن لا تستسلمي وما ترفديهش بمجلرد البكاء هكذا حتى يوالف يرقد داخل المهد دون ثدي
بالنسبة لسؤال اللعب من فضلك فكريني فيه لان لم انتبه اليه

[وصال7]

اختي بارك الله فيكعلى المجهودات انا عندي طفل 4 سنوات مجنني الحرنة والبكاء من شدة بكائه انا نولي نبكي صدعني وكلشي ليه سجلت في روضة راح 15يوم والبارح واليوم محبش يروح والله مرضني وفي نفس الوقت يغيدني معرفتش واش ندير مع اني عندي طفلة وطفل قبلوا مداروليش هكا كترتها يحرن على اي حاجة

[amria14]

السلام عليكم انا ام لطفلين ابني عنده شهرين وابنتي سنتين كيف يمكن التعامل معهما مع العلم ان ابنتي صارت عنيدة جدا
شكرا على المعلومات القيمة

[ليال122]

أختي ساعديني لدي ثلاث اطفال بنتين لكبيرة عمرها5سنوات تعاني من فقدان الشهية وفقر الدم والصغيرة عامين تشرب حليب ميلغرو بزاف وولد عمره3سنوات وهو يعاني من نحافة شديدة لدرجة ان الي يشوفو يقلي وشبيه بنك ضعيف بزاف ارجو ان تعطيني نظام غذائي لكل واحد منهم باش يشدو صحايحهم لاني والله ماني عارفة كيفاش نوكلهم ولى منين نبدالهم ولا كيفاش نربيهم لان ابني يعاني من كثرة الخروج للشارع بزاف شبه يوميا وابنتي الكبيرة عصبية لاتفه الاسباب وطول في شجار مع خوها وبنتي الصغيرة عنيدة وريني كيفاش نشغلهم وقتهم بالمفيد في البيت وشكرا

[sima arabi]

جزاك الله عنا كل الخير ام لينا وصح عيدك .بالنسبة لسؤالي هو انو وليدي يمل بالخف من الالعاب ديالو ويبدا يبكي هل هدا عندو علاقة مع مشكل النوم لما قلتيلي مقلق.و تاني معاك الحق لما قلتيلي راكي مقلقة راني نخاف بزاف على وليدي ولا مارنيش قامة بيه كيما يلزم راح نولي موسوسة باش تنصحيني

[lailouna20]

السلام عليكم انا جديدة اريد ان اسال بنتي عمرها 5 شهور هي تشرب حليب nan1 هو غالي هل يمكنني اعطاؤها حليب لويا او ميلغروعندما تقفل 6 اشهر علما انني اعطيت اخوتها لويا بعد ست شهور فماذا تنصحوني

[شموخ امرأة]

هذه بعض مشاكل الامهات مع اولادهم ممكن تساعيهم اختي وشكرا لكي
https://www.djelfa.info/vb/showthread.php?t=1453781