الجزء 189 من كوزينة حراير الجلفة ..كوزينة أغلى حراير

[nihal159]

المشاركة الأصلية كتبت بواسطة nina hnina

يعطيك الصحة ام هدول على الوصفة والله جاو هايلين صابلي الحجاج كامل عجبوهم راني نبعتلكم الصور عن قريب .شكراااااوبارك الله فيك

بصحتكم نينا؛ في إنتظار الصور

[RIMA.87]

السلام عليكم ،
نهال بصحتكم الشاورما و بسم الله ما شاء الله على الخبز الناجح شهيتينا ،
و مشكوورة على التارت و القاطو،

اختي سحابة مشكوووورة على الدعاء و على اهتمامك،لكن ياسمينة راها اختي ماشي بنتي.

ممكن تقوليلي شحال تقطع من حبة كي نستعمل 250غ مرغرين و شكرا مسبقا.

اخت نينا مشكوورة على القاطو و بصحتكم ،في انتظار الصور.

[ام هزار]

مساء الخير على الحراير
ريمة اختي جزاك الله خيرا على المساعدة و جعلها في ميزان حسناتك كما اشكر كل وحدة فيكم قدمت لي يد المساعدة و لو بالاشارة بارك الله فيكن

[حياة نور الدين]

السلام عليكن يا اهل الدار ،

نهال الله يبارك اطبلاقك روووعة وارشيفك اروووع والشوارما تحقفففة انت وسحابة تشاركتوا في الخدمة وانا نشا ك بالماكلة هههه ،

ريمة اهلاا والحمد الله على ي سلامة ياسمين وربي يتمم شفائها وشكراا على الوصفة المصورة،

ام هزار اهلاا حبيبتي،

سحاابة اهلاا حبيبتي وربي يخليك على كبلامك

[حياة نور الدين]

اليوم فطوري كان عدس وعشايا كان سباغيتي ودجاجة محمر ة بصح مصورتش كنت مشغولة درت كمية كبيرة من الصابلي لعجوزتي تديه معها لعرس وهي شراتلي الدوزان بصح 100 حاجة تخص ههه دبرت من ومن ودرتلها قولولي رايكم









وهدا حلوا به السهرة

[طيور الجنان]

صباح الخير حبيباتي.
شكرا ليكم اخواتي اللي سقسيتو على ولادي ربي يهليكم ليا ولادي الحمد لله تحسنو الشكر لله .
نهال يامولات الكوزينة الخبز روووعة راهو كي البالون ههههه انا مع خياة انتوما طيبو و احنا ناكلو و نتمتعو هههههه.
ريمة بلامزية اختي و يعطيك الصحة على الصورة المكتوبة. يادرى واش احوالهم ياسمين ان شاء الله تحسنت.
حيوتة امممم القاطو روووعة يعطيك الصحة و ربي يجعلها في ميزان حسناتك ههههه عجبتني 100 حاجة ناقصة تختبر في شطارتك راكي جبتيه ماشاء الله و الخبيزات خرجولك روعة روعة.

[nihal159]

صباح الخير يا لحراير؛ إن شاء الله راكم بألف خير و صحة و عافية.
أم هزار إن شاء الله تجربي وصفات الخبيز و تنجحي فيه؛ حنا للأسف ماناكلوهش علابيها ماقدرتش ندبّر عليك بأي وصفة.
حيوتة و سعدودة يوم المنى نهار نتلمو و نديرلكم مهرجان سندويتشات؛ عندي سحابة تعاوني ههههههههههههههه أنا عليا الخبز و عليها الحشوات اللذيذة ههههههههه.
حيوتة الصابلي الله يبارك رايح ينطق ماشاء الله روعة الرووووعة؛ عجوزتك دارتلك إمتحان لكن على مين؟ هههههه على حيوتة ماستر شاف الله يبارك متحوف و متقون.
سعدودة الحمد لله على سلامة وليداتك؛ أتهلاي فيهم.
لبارح تعشيت في دارنا؛ حوت مشوي على الفحم؛ من شدّة البنة و القعدة الزينة مع خواتاتي نسيت نصوّرلكم هههههههههههههههه أسمحولي يا خوتاتي خيرها في غيرها ههههههههه.

[x ام رحاب x]

السلام عليكم ورحمة الله وبركاته
صباح الخيرات حبيباتي واش راكم ان شاء الله راكم بالف خير
مرانيش انطل عليكم راني لاهية بالميناج وراني وحدي بناتي في الامتحانات وراني مريضة بلاقريب والله غير راني في حالة بصح الحق ليا رمضان ادعولي ربي يعيني ويشافيني
وانتوما وين الحقتو كملتو ولا راكم كي حالتي
لبنات ماشفت والو بصح راني عارفتكم شاطرين مايتخافش عليكم
نهولة واش راكي

[x ام رحاب x]

المشاركة الأصلية كتبت بواسطة ام هدول

لبنات النت ناقصه عندي ..مالا نكمل اخر صور
تريده. بالعاصبانه..من اروع ما يكون url=https://up./][/url]
تصدقت منها للصائم...ربي يتقبل مني ومنكم صالح الأعمال

المشاركة الأصلية كتبت بواسطة حياة نور الدين

عشايا كان حساء الخضر زبيض مغلي وسلطة الحار وخبيزات محشيين روووعة روووعة اكثر واخف من القطن نتمنى جربوهم













والفطور كان بقاتلي مرق تع الرشتة زدتلوا ليزيبيس وجومبةو دجاج ودرىت تليتلي تجمرت فيه

المشاركة الأصلية كتبت بواسطة nihal159

المشاركة الأصلية كتبت بواسطة rima.87

السلام عليكم
صباحكم فل و ياسمين اخواتي في الله،
حيوتة و كل الاخوات لي دعاو لياسمينة ربي يحفظكم و يحفظلكم احبابكم ،الحمد لله راهي في تحسن و الحمد لله،
و نسال الله ان يشفي جميع مرضى المسلمين،
مشكووورة حيوتة على وصفة الخبيزات،خرجولك روووعة و بصحتكم الحساء و التليتلي ،

نهال يا نهوولة منورة نحن في انتظار التحف المطبخية ديالك،
ام هدوول،ام رحاب ،سعيدة ،سحابة ،بيان و ام مهدي و كل الملتحقات و الغائبات تقبلوا سلامي و يومكم موفق ان شاء الله ،

هذي وصفة الاخت سحابة حتى يسهل الاحتفاظ بها،

المشاركة الأصلية كتبت بواسطة nihal159

لبارح عشانا فريت و كويس، الصورة من الارشيف مازدتش صورت، لأنو خرج كما هذا فطوكوبي

المشاركة الأصلية كتبت بواسطة nihal159

شاورما درتها نهار الاحد بعدما سخفتني فيها ام رحاب.


شوفو اخبز كيفاش نجحلي ههههه

المشاركة الأصلية كتبت بواسطة nihal159

من الارشيف جبتلكن، تارت التفاح المكرمل و حلوة الفلسطينية لقهوة العصر.

الله ايبارك عليكم كل وحدة باسمها كلكم مبدعات تسلم الايادي
نهال شكرا على الدعاء
الخبز جاك تحفة تسلم ايدك

[nihal159]

المشاركة الأصلية كتبت بواسطة x ام رحاب x

السلام عليكم ورحمة الله وبركاته
صباح الخيرات حبيباتي واش راكم ان شاء الله راكم بالف خير
مرانيش انطل عليكم راني لاهية بالميناج وراني وحدي بناتي في الامتحانات وراني مريضة بلاقريب والله غير راني في حالة بصح الحق ليا رمضان ادعولي ربي يعيني ويشافيني
وانتوما وين الحقتو كملتو ولا راكم كي حالتي
لبنات ماشفت والو بصح راني عارفتكم شاطرين مايتخافش عليكم
نهولة واش راكي

أهلا بالغالية أم رحاب؛ ربي يشفيك إن شاء الله؛ ماتفورصيش روحك فالميناج بزاف؛ صحتك أولى.
حتى أنا مازلت ماكمّلتش كلشي؛ الله غالب مع الخدمة برا و فالدار ولادي بسلامتهم هبلوني؛ شغل تاع نص ساعة نحكم فيه ساعة و نص ههههههههه؛ ربي يقدرك و يقدرنا و يذخل علينا رمضان بالصحة و لهنا.

[nihal159]

المشاركة الأصلية كتبت بواسطة rima.87

السلام عليكم ،
نهال بصحتكم الشاورما و بسم الله ما شاء الله على الخبز الناجح شهيتينا ،
و مشكوورة على التارت و القاطو،

اختي سحابة مشكوووورة على الدعاء و على اهتمامك،لكن ياسمينة راها اختي ماشي بنتي.

ممكن تقوليلي شحال تقطع من حبة كي نستعمل 250غ مرغرين و شكرا مسبقا.

اخت نينا مشكوورة على القاطو و بصحتكم ،في انتظار الصور.

الله يسلمك أختي ريمة؛ طيابي راهو نقطة في بحر إبداعاتك ماشاء الله.

[انا هي رزيقة]

السلام عليكم ... نهاركم برباحكم و 100 وردة في مراحكم ...راني جييييت...... خخخخخ كيفكم فحلاتي الطيبات ان شاء الله تكونو بالف خير يا رب العالمين ..... يا عمري على صديقتي نهولة النحولة .... الف الف مبارك افتتاح هذ الجزء الجديد من كوزينة فحلات الجلفة يا ختي من زمانك مجاهدة و متخافيش ......خخخخخخ ماشاء الله عليك حنونة ...... حرة من ظهر حراير مثل كل الفحلات الصامدات معاك في هذ اللمة الطيبة .... غاليتي ام رحاب الف لاباس عليك متضغطيش على نفسك حنونة ...صحتك هي الصح اما الاشغال المنزلية تتعوض روحي غير بلعقل ..رانا كامل كيف كيف يا ختي الشغل محبش يخلاص ....خخخخ و ربي يبلغنا رمضان بالف صحة و عافية يا رب العالمين... بنت خالتي حيوتة راني نشوف مازلتي على ديدانك......ماشاء الله عليك خخخخخ ربي يباركلك في صحتك و في هذوك اليدين تع الفحلات الطيبات .... و ماشاء الله على الصابلي الجميل ....دائما كما عاهدتك سهل و بسيط و انيق ..... فحلتي القسنطينية ام هدولة ان شاء الله تكوني بالف خير و اميراتك الحلوين ... بصح يا ختي قتلتيني بهذيك التريدة بالعصبانة ..... و الله و الله غير خرتيلي قلبي من جمالها .... خخخخخ خلاص عرفت واش تحطيلي نهار نجيك مع ام حسام ... لا قاطو لا قازوز ... حطيلي قصعة منها و فرات ...... خخخخخ
اختي ريمة الفحلة الجلفية الهادئة الطيبة .... الف شكر على السؤال عزيزتي ...حمدا لله على سلامة اختك و طهورا ان شاء الله و ربي يجعل كل ماتقدمينه من وصفات ونصائح خدمة لبنات هذ الصرح في ميزان حسناتك يا رب العالمين
اخواتي سعيدة و سحابة و بيان و وردة الرمال و ايدام المعروفة بام مهدي و شكون تاني يا ربي ام يوسف ام فاطمة فحلتي التلمسانية و سوسو وفاتي الشاوية .. يا خاوتي شكون تعاونني عندي مدة مادخلتش و راحولي الاسماء ..... خخخخخخ اختي ام هزار نهاركم سعيد و ربي يباركلم و يباركلنا في الرزق و النعم امين يا رب العالمين .... اووف كملت عندي مدة مدرتش جرنان ..... ايييه قبل مننسى وحد نهار طليت صدفة شفت دخلت ليزاتي العسل يا عمري الف الف حمدا لله على سلامتك و الله ليك وحشة اد الدنيا يا احلى من العسل ..... و شكرا على هذوك التحف المطبخية... امتعتينا فعلا ....

[nihal159]

لالا لالا راني نحلم يالبنات؛ بصّح أجمل حلم في حياتي؛ حبيبتي و أختي و صديقتي زيكا؛ ليك وحشة قد الدنيا؛ نورتي الكوزينة بطلتك البهية و جرنانك الجميل؛ ربي مايحرمناش من كلماتك الدافئة و جرنانك الحنون هههههههههههههههههه ألف أهلا و مرحبا بيك.

[انا هي رزيقة]

في الحقيقة يا بنات كنت جاية ندخل لموضوع ام فاطمة تع قلب اللوز لاني طبقتو و حبيت نشكرها على روعته مالا قلت ندخل نسلم على حبابتي تع الكوزينة .......و غير جربوه يا بنات.. الوصفة فعلا ناجحة فقط تقيدو بالمقادير و بنصائح ام فاطمة فيما بخص انك تخدمي مليح السميد مع الماء و الماء زهار حتى يتعسل .. انا صراحة خدمتولي صديقتي العجانة الفحلة مدة حوالي 10 دقائق او اكثر حتى تشوفي العجينة تلصق و السكر اختفى تماما .. و تخليها ثاني ترتاح كيما قالت ام فاطمة... انا للاسف مكانش الوقت خليتها فقط 4 ساعات ... باقي راني متاكدة انو القلب اللوز يجيني احسن بكثير و مع ذلك جاني مخصو والو بشهادة زيكو طبعا .... خخخخخ و راني ناوية نعاودو لاول يوم في رمضان اذا حب ربي ... و ثاني ننصحكم ديروه طبقة رقيقة في السنيوة لانو ينتفخ لما تسقيه ..... خلاصة القول ... عمي البولونجي هذ العام رايح يعلن افلاسه ...... خخخخخخ

[انا هي رزيقة]

المشاركة الأصلية كتبت بواسطة nihal159

لالا لالا راني نحلم يالبنات؛ بصّح أجمل حلم في حياتي؛ حبيبتي و أختي و صديقتي زيكا؛ ليك وحشة قد الدنيا؛ نورتي الكوزينة بطلتك البهية و جرنانك الجميل؛ ربي مايحرمناش من كلماتك الدافئة و جرنانك الحنون هههههههههههههههههه ألف أهلا و مرحبا بيك.

ترحب بيك الجنة يا احلى صديقة ... والله الواحد يفرح بسيف عليه كي يدخل لهذ اللمة الطيبة و يلتمس هذ الكلام الجميل و الاحاسيس النبيلة ربي يبارك فيك حنونة