~¤ô¦¦§¦¦ô¤~ بيتك جنتك و رضاء ربك مبتغاك 7 ~¤ô¦¦§¦¦ô¤~

[ام متين]

صباح مبارك طيب لكل الفراشات وتحية خاصة لكل الجديدات نفرح لما نلقى اسم جديد مع المجموعة

]

[ام متين]

اليوم لراني فرحانة لان قدرت نتغلب على التعب والنوم وصليت الفجر ليس في وقت تماما ولكن احسن من هذه الايام وزدت قريت شوية قران وطيبت قهوة وحليب وراني معاكم لان الزوج سافر امس وراه في الطريق راجع ربي يوصل على خير وعافية ان شاء االله
وان شاء الله يقدرني ربي اليوم وندير اعمال اضافية

[غزالة1]

السلام عليكم
اصبحنا واصبح الملك لله
اللهم صل وسلم وبارك على سيدنا وحبيبنا محمد وعلى آله وصحبه أجمعين

[غزالة1]

صباح الخير ام متين ان شاء الله كل يوم في تحسن و ربي يوصل الزوج على خير
انا لما الزوج يغيب على المنزل اصبح بومة تقريبا لا انام هههه
اللهم اعنا على ذكرك و شكرك و حسن عبادتك

[غزالة1]

صباح الخير لكل الملتحقات
انا لا اعمال مع الامتحانات سوى الاعمال المنزلية الخفيفة لانو نكون على اعصابي
بالتوفيق للجميع

[ام متين]

شكرا شريكتي وان شاء الله كل المسافرين يوصلو على خير وعافية لاهلهم
كيف هي احوال المراجعة مع اولادك ربي يقويك ويقوينا جميعا

[ام متين]

ما تتقلقيش بزاف اذاكان معندكش الي ينتقل من طور لطور اخر اكيد الاختبارات الاخيرة تجي سهلة لان فترة الفصل الاخير قصيرة وكل التلاميذ النجباء تلقايهم ضامنين الانتقال ويروحويديرو الامتحانات باريحية

[غزالة1]

شكرا ام متين في الحقيقة مشكلتي الكبيرة هي مع وليدي الاكبر من صغره يحب مواد الفهم لكن مواد الحفظ ما يطيقهمش و زيدي يكره اللغات عييت نفهمو انو اللغات اساسية لكن دون جدوى

[غزالة1]

من ناحية الانتقال بين الاطوار ليس لدي و ايضا الانتقال مضمون باذن الله لكن انا اريد انو يكونو فاهمين جيدا لانو سنة وراء سنة تتعقد الامور لذا لما يكون فاهم الاساس يستطيع المتابعة

[حياتي كلها امل]

صباح الفل والياسمين ،صباح الخير والرزق الطيب الحلال
اهلا باحلى الغاليات واهلا وسهلا بكل الجديدات نورتونا الدار داركم واحنا كلنا اهل واخوة(ههه اصبحت شاعرة) اخت سمراء الصورة التي وضعتيها بالامس كانت جد معبرة شغل مايخلاص ولي عندها اطفال عمرها ولا تبقى دنيتها نقية الله المستعان. ام متين ربي يرجع زوجك بالصحة والعافية ،انا عندما زوجي الى كاش مكان تلقايني انظل انعيطلو في التلفون ونوصيه غير يوصل يعيطلي . وفترة الاختبارت يا غزالة متعبة ومقلقة لكن احنا نديرو الي علينا وندعولهم وربي يوفق الجميع

[omelbanin]

السلام عليكم ، وصباحكم سعيد اليوم والحمد لله راني من الصائمين ، وكيما قلت ام متين را ني فرحانة وليت نحافظ على صلاة الفجر والاذكار (من قبل كنت شوية متهاونة)
بالنسبة ليك اختي غزالة نحسك نتي كيما انا في فترة الاختبارات نكون على اعصابي ،راني نتمنى نلقى وليدي يراجع بلا ما نقولو .
اليوم اذا قدرني ربي نوض للغرفة نتاع لولاد والهول.

[جهينة اليقين]

السلام عليكم صباح الهمة والنشاط اليوم راحت علينا نومة حتى للسادسة صليت شربت الماء قريت الورد طيبت قهوة عجنت خبز الكوشة وراني نشوف واش ندير للخدامين باش يشربو القهوة وواش ندير لهم للغذا الله يعاونني على الخبيط والغبرة والتلخبيط سلام

[صابرة محتسبة]

السلام عليكم ورحمة الله وبركاته

الحمد لله الذي أحيانا بعدما أماتنا وإليه النشور
صباح جديد في يوم جميل وأمل بالله كبير

[صابرة محتسبة]

اللَّهُمَّ اجْعَلْ أَوَّلَ يَوْمِنَا هَذَا صَلاَحاً، وَأَوْسَطَهُ نَجَاحاً، وَآخِرَهُ فَلاَحاً
اللَّهُمَّ انْقُلْنَا مِنْ ذُلِّ المَعْصِيَةِ إِلَى عِزِّ الطَّاعَةِ.
اللَّهُمَّ أَعِزَّنَا بِطَاعَتِكَ وَلاَ تُذِلَّنَا بِمَعْصِيَتِكَ.

[صابرة محتسبة]

اللَّهُمَّ
إِنَّا نَسْأَلُكَ إِيمَاناً يُبَاشِرُ قُلُوبَنَا، وَيَقِيناً صَادِقاً
حَتَّى نَعْلَمَ أَنَّهُ لاَ يُصِيبُنا إِلاَّ مَا كُتِبَ لَنا، وَأَنَّ
مَا أَصَابَنا لَمْ يَكُنْ لِيُخْطِئَنا، وَمَا أَخْطَأَنَا لَمْ يَكُنْ
لِيُصِيبَنا.