دورة فراشات تزهو بالألوان بيوتهن قمة في النظافة و التنظيم و التدبير و الاتقان

[سمراء الدنيا]

[YASMINE SILA]

يا اللللللللللللله يا حراير معنى اسم لطيف فيه الكثييير من الرقة
كل مانقرا معنى من اسماء الله الحسنى و الله ترقرق عينيا و نحس بربي سبحانه و تعالى حنييين و كريم علينا بزاف و حنا ماعلابالناش
ربي يجمعك مع زوجك و يجعله قرة عينك و يرزقكم من حيث لا تحتسبون و يمن عليكم بواش راكم متمنين يااااااااااااااارب

[oum sabrin]

صباح الورد و الياسمين على أحلى فراشات
أتمنى تكونو بألف خير

[حبيييبة]

حبيبة قلبي ام هديل
اعلم حبيبتي معك كل الحق
لكن الوقت وحده اللي ماراهش يكفيني اني نوفي بوعودي ليكم
وعدتكن لاتمام موضوع ملخص الدورة و لم اتمه
ووعدتكن بجمع كل المشاركات الخاصة بقائمة الطعام و لم اجمعها

على كل اقتراحك و اقتراح كل الفراشات الحبيبات ممتاز
ورايحة باذن الله من كل بد نحط روابط البرامج و التطبيقات في الصفحة الاولى للدورة
انا عند طلبكن حبيباتي و في خدمتكن

فيما يخص سؤالك عن الاولاد ما عنديش حبيبتي
لاني اصلا مانيش متزوجة وما عدتش حتى مخطوبة
و بالنسبة للمحاماة اشتغلتها لمدة اكثر من 8 سنوات
و لكن حبستها هادي قريب سنتين

و روحت نحقق احلامي التي اسعى اليها منذ سنييييين
اصبحت بفضل الله و كرمه مدربة في التنمية البشرية
و الآن راهوا عندي مركز للتنمية البشرية و اللغات الاجنبية هنا في عين تموشنت
و هاذي كانت بداية احلامي فقط لانو مازال عندي احلام كثييرة و كبيرة اسعى اليها باذن الله و اعانته

سانتظر ردك حبيبتي في رسالة
ايه حكيلي اللي قلتيلي
و انا في خدمتك

[ام هاديل وياسين]

صباح الخير والفل والياسمين على احلى فرشات

[ام هاديل وياسين]

المشاركة الأصلية كتبت بواسطة حبيييبة

حبيبة قلبي ام هديل
اعلم حبيبتي معك كل الحق
لكن الوقت وحده اللي ماراهش يكفيني اني نوفي بوعودي ليكم
وعدتكن لاتمام موضوع ملخص الدورة و لم اتمه
ووعدتكن بجمع كل المشاركات الخاصة بقائمة الطعام و لم اجمعها

على كل اقتراحك و اقتراح كل الفراشات الحبيبات ممتاز
ورايحة باذن الله من كل بد نحط روابط البرامج و التطبيقات في الصفحة الاولى للدورة
انا عند طلبكن حبيباتي و في خدمتكن

فيما يخص سؤالك عن الاولاد ما عنديش حبيبتي
لاني اصلا مانيش متزوجة وما عدتش حتى مخطوبة
و بالنسبة للمحاماة اشتغلتها لمدة اكثر من 8 سنوات
و لكن حبستها هادي قريب سنتين

و روحت نحقق احلامي التي اسعى اليها منذ سنييييين
اصبحت بفضل الله و كرمه مدربة في التنمية البشرية
و الآن راهوا عندي مركز للتنمية البشرية و اللغات الاجنبية هنا في عين تموشنت
و هاذي كانت بداية احلامي فقط لانو مازال عندي احلام كثييرة و كبيرة اسعى اليها باذن الله و اعانته

سانتظر ردك حبيبتي في رسالة
ايه حكيلي اللي قلتيلي
و انا في خدمتك

صباح منور ياميرة الفرشات والله يكون في عونك فقط بعض الاخوات حابين ينضمو وتاهو ما بين الصفحات ههههه

ان شاء الله ربي يقدرك ولله كنت دايرتك متزوجة وعند اولاد الله يرزقك بابن الحلال وييسرلك كل امورك يارب

وشكرا على الرد رايحة نحكيلك على الخاص ربي يوفقك حبيبتي وينوي الي فبالك

[أم فاطيمة]

صباح الخير على احلى فراشات الغالية حبيبة ام مروان ياسمين فراشات العمر سعيد ة ام صابرين حراير و لي نسيتها تسمحلي
بتول مراهيش تبان انشاء الله المانع خير
ام احمد استغري و ذكري الله قدر الله و ماشاء فعل لازم الحياة تمشي و نرضو بقضاء الله كيما يقول المثل ربي عطاه و ربي داه
انشاء الله تلقيه طير من طيور الجنة و لازم تخرجي من هذ الازمة لانها ماتاثرش عليك غير انت راها كل العايلة و لازم تقوي و تولدي مرة ثانية
باش تقدري تنسي و نشطي مع روحك و قومي بواجباتك مع دارك و زوجك ليعشي يدور على وحد اخرى حنا النسا هذي لي نخافو منها
و تنشهنا لان زوج اذا ما لقاش راحته في بيته يحوس عليها في مكان اخر و ما يخفاش عليك واش راهم دايرين بنات لحرام الله يبعدهم علينا
و انا ما شي دايمن نا شطة كيما راكي تشوفي غير الدورة راهي دايرة الحماس و الله مرات تقولي مسمرة في مكان و يقولي راسي ما تخدمي حت حاجة
بصح لازم الواحد يتحوى و يقاوم باش يغلب على كل شيئو يعيش هو عايلته في لهنا
حراير راه القش ما تطواش البارح دخلت عليا جارتي شدتني بعثي قشك لا مازالو نطويهلك ماهيش خسارة فيك بصح لي يتحدد غير شديه
هذاك ما نكره هههههههو ربي ينور دربك على واش راك تنوري بيه هذ الصفحات
البارح كنت معروضة عند جارتي زيدت بعد ما فطرت لولاد و رجعو لمدارسهم لميت الكوزينة و صلحت و توظيت و صليت الظهر و تكيت شوية
كي جاو لولاد على 3 درتلهم حليبهم ووجدت روحي ماكييت و تعطر و لبس شباب دقدقت عليا الجارة رحت انا وياها رجعت على 5 صليت العصر لميت الربلة نتاع لولاد لي داروها ورايا نصبت لعشا درت لوبيا خضرا ثليت المغرب جا الزوج بدل السيارة قالنا ياله تدربو فيها دورة كي رجعت طفيت على ماكلتي قليت البطاط و حفظ فاطمة سورة البينة تعشينا غسلت لماعين لمعت الحوض وجدتلهم قشهم و صليت العشا
شفت التلفزة قريت الدعاء و شهدت و رقدت نظت على6و30 توظيت و مشطت شعري و درت العطر و مشيت صليت و استغفرت و قريت اية الكرسي ورحت وجدت لفطور ناضو كامل غسلو و لبسو و فطرو و كل واحد راح لمكانو المعتاد فرغت السلة نتاع لماعين لميت ماعين لفطور خملت الشنابر مسحت غبرة فوت نشاف دخلت حماتي جات تورك لخوها جمعت انا ويا عييت فيها على لتاي ما حبتش هي خرجت و انا جيت نجري نضرب طلة عليكم غدايا حوت و روز و سلاطة عشية رايحة نزور واحد لمريضة عشايا باذن الله طعام على خاطرش جايا حماتي لكبيرة هذا ما تبغي
و على الاستغفار حبيبة انا نسبح و نستغفر وراء كل صلاة و اقرا اية الكرسي و لا لازم خارج وقت الصلاة يعني في اي وقت

[نافلة]

اللهم صل وسلم على سيدنا محمد
صباحكم فل و ياسمين
كاملين لبنات يعطيكم الصحة كل وحدة باسمها
حبيبة يعطيك الصحة كون غير درتيلنا استدراك للتطبيقات السابقة باش نثبتو مليح البرنامج لاني راني بديت نتخلط شويا
ههههههههههههههه

ان شاء الله تكوني فهمتيني حبيبتي
و ربي يجازيك كل خير

[حبيييبة]

تعلمن من دروس الماضي، وكُن مُستعدات للمُستقبل،
واشكرن الله على اعطائكن فرصة أخرى .. صباح الايجابية

[حبيييبة]

ايه فراشتي النشيطة نافلة، و هذا كان نفس اقتراح فراشتنا الجميلة المؤثرة حراير

و كنت حابة نقولكم اليوم اننا مارايحينش نزيدوا نديروا تطبيقات جديدة
طيلة الفترة المقبلة

يعني اليوم و الاربعاء،

الخميس و الجمعة ربما رايح نظيفوا تطبيق او 2 خاص بالتخطيط
و تحديد الاهداف
باه تترتب حياتنا اكثر و تثبت تطبيقات الدورة اكثر و اكثر

و بالنسبة للاسبوع المقبل
رايح نخصصوه لمتابعة التنظيفات الاسبوعية
و متابعة تطبيقاتنا اللي رانا نديروهم الآن و نحاولوا نخدموا برنامج و روتين جديد خاص بالعطلة

لكن لا اعلم بالضبط متى تبدأ العطلة الفصلية؟
يعني في اي يوم بالذات باه ننظم برنامج الدورة مع مراعاة ايام العطلة؟؟

أما الفقرات اليومية رايحين نتابعوا فيهم ككل يوم
و لكن حرية المشاركة و تبادل النصائح و المعلومات
حسب كل فقرة فراشاتي الغاليات

[om ahmed]

أهلا بكم عزيزاتي الفراشات
ملكة الفراشات حبيبة الكل اسعد الله صباحك
اليوم اريد أن أشكرك على كل هذه الطاقة الايجابية التي تبعثينها فينا كذلك معظم العضوات النشيطات

[om ahmed]

العطلة الفصلية تبدأ يوم الخميس 19 مارس 2015

[om ahmed]

أنا مع الأخت نافلة فهناك مشتركات خامدات مثلي و هناك جديدات يجب إذن استدراك ما فات و بالتالي مساعدة كل الفراشات على الالتحاق بالركب.

[ام فيفي]

صباح الورد لاحلى الفراشات الباهيات ربي يعطيكم العافية ان شاء الله.. من فضلكن اريد تجاربكن في الفطام ما عرفتش كيفاه نبدا مع العلم انو بنتي عندها 18 شهر ساعدوني ارجوكن

[الأمنيات]

السلام عليكم
سمعت سمراء تحكي على هاد الموضوع قلت نجي نشوف واش كاين
ربي يبارك فيكم وفي كل كلمه حطيتوها
لم اجد ما اقول سوى عليكم الاخلاص في العمل اي كان نوعه مع الاكثار من الذكر والاستغفار
زينوا النيه والتمسوا الاعذار لبعضكم