كوزينة واش طيبتي اليوم يا لالــة لحراير الجزء 117 تفضلـوا بالصحة والهناء عليكم

[ام رشدى]

المشاركة الأصلية كتبت بواسطة عطرالذهب

الله يسلمك ام نهولة
وصفة المادلين
3بيضات +تكيلي بعلبة الياؤورت سكر تخلطي ملييح مليييح +نفس الكيلة زيت وتخلطي +علبة ياؤورت +مبشور الليمون +3كيلات فرينة معاها 1 خميرة الحلوى وتطيبيها عادي وانا زينتها بالشوكولا مبشورة
جربيها لانها فعلا مادلين مش موسكوتشو في ليكيسات ههههههه احسن وصفة جربتها واكيد راح نعتمدها دايما

يعطييييك الصحة ممكن نوعية الياغورت

[زينب 83]

المشاركة الأصلية كتبت بواسطة oum islem

عندي رجاء ليك اخت زينب83 لو تشوفي برنامج الدكتور محمد الفايد على you tube مفيد جداهكذا تولي عندك موسوعة للاكل الصحي حتى تعم الفائدة على الجميع ولك جزيل الشكر على كل ما تقدمينه يعطيكالصحة

رجاءك أوامر حبيبتي ام اسلام ، في اقرب فرصة راح نشوفهم بإذن الله

[cuisineshowdalatifa]

مساء الانوار
زينب مممممم مقروطك يهبل
عطر الذهب شكرا على الوصفة
أم نهولة مام شربنا القهوة بصح ما نقولوش لالا للمعارك نتعشى بيهم
أم رشدي راني حابة نجرب المنقوشة درتيها باللوز و لا كاوكاو
كوكا , مرام , أم يسرا مساء الخيرات
راني حطيت البريوش موضوع في هذا الرابط https://www.djelfa.info/vb/showthread...post3992721686

[ام رشدى]

المشاركة الأصلية كتبت بواسطة cuisineshowdalatifa

مساء الانوار
زينب مممممم مقروطك يهبل
عطر الذهب شكرا على الوصفة
أم نهولة مام شربنا القهوة بصح ما نقولوش لالا للمعارك نتعشى بيهم
أم رشدي راني حابة نجرب المنقوشة درتيها باللوز و لا كاوكاو
كوكا , مرام , أم يسرا مساء الخيرات
راني حطيت البريوش موضوع في هذا الرابط https://www.djelfa.info/vb/showthread...post3992721686

اختي لعزيزة درتها بالكاوكاو والله دوقها لايقاوم انشاء الله تجربيها

[nabila222]

المشاركة الأصلية كتبت بواسطة سعيدة8888

مساء النور بنات توحشتكم
راني هنا ساعة على ساعة نجي نطل ونروح
راني كبرت الخط باش تقراو الطلب نتاعي وتجاوبوني وماتهربوش
اولا لي جربت المنقوشة نتاع ام اماني كيفاه جاتكم في البنة و المول نتاع ام اماني شحال حبة يقطع
ثانيا : لي عملت مول الشاش حبيت نسقسي على المحقن لازم نتاع الحديد ولا نقدر نستعل بوش ايدوي كيما لي يديرو فيه في قناة سميرة بالضبط لي يكون لونو اخضر والقمع صغير كيما لي نزينو بيه الشونتيي
جاوبوني بصحتكم واش طيبتو
و الله غير نتشهى تقول راني نتوحم
راني نستنى فيكم

سعيدة مساء النور دخلت على سؤالك ،المنقوشة ما جربتهاش اما مول الشاش انا موالفة نديرو في البوش ادوي نورمال تقدري ديري بيه ونشاء الله الاخوات يجاوبوك،

[ام نهوله]

عطر الذهب مشكوره على الوصفه حنونه نجربو في اقرب وقت باذن الله
لطيفه الف صحه و عافيه على حبيبتي

[kaouka]

لبنات ام اماني في كيكة درت فغماج كيري ونسلي ونا معنديش كيري نقدر نعوضها بتاع المكعبات وﻻﻻﻻﻻﻻﻻﻻﻻ
بليز رني نستنا

[ام رشدى]

يالحراير اين انتن الكثيرات غائبات انشاء الله المانع خييير فرحونا بطلتكم البهية والله المنتدى بلا بيكم .......................

ياريت يرجع القسم لحيويتو ونشاطو

[saja hamed]

نداء الي الاخت زينوبة بخصوص اللازانية درتاها وهيا نية ولا طبختاها في الماء جاوبيني بلييييييييز حبوبا

[ام رشدى]

اختي سعيدة بخصوص سؤالك علي المنقوشة جربيها وماتخافيش راهي بنينة اما فيمايخص قداش الحبة قطعت والله ماحسبت

[طير الرحمة]

مسااااااااااااااااااااااءالوروووووووووووووووووووود
كيف احوالكم
المنتدى ماحب يفتحلى من امس
يخرجولى اعلانات كثير ما فهت علاش

[طير الرحمة]

تبارك الله عليكم
كلشيئ من ايدكم راااااااائع
يا صلحبة الكرواسون ام ابراهيييييييييم من فضلك الوصفة راهي تشخي تقول مشري يعطيك الصحة
وايضا الاخت زينب وصفة خلوة الترك الاقتصادية امممممممممممم تهبل
والبريوووووووووووش تاي والمنقوشة وكلشئ تووووووووووووووووووووووووووووب

[kaouka]

ااهلين ام رشيدي وشراكي ﻻباس وش رني نشوف غير انا وياك رنا ندورو هنا وش عشاك ليوم انا زوجي معروض عند صحبو مغربي دار عقيقه وبني تعش فرماج ولحم ونا رني نشرب في لماء برك منيش حب نتعشا رني غير نزيد ربي يستر برك

[طير الرحمة]

شكون شافت هده الحلقة تقلنا واش دارت فيه

[دائمة الحمد]

مساء الخيرات صحة غداكم وقهيوتكم
كنت وعدت العزيزات نحط كل مرة وصفة من حلويات نفاس اختي
الله غالب راني انشغالاتي يعلم بيها ربي
اليوم راح نبدى بوصفة قاطو البرانساس





مكسرات لوز وجوز وبيستاش مرحيين
هي تقريبا نفس وصفة المشكلة لكن دون عجينة
الوصفة الاصلية 3انواع من المكسرات مرحيين ارطب شوي من تاع البقلاوة بالصح ماشي بودر
3كيلات من النوع الاول مثلا لوز كيلة غير ربع سكر
اكستري تاع الفاني غبرة
نخلطهم ونلمهم بالبيض نصب بالقطرة ونشوف مالازمش تكون طرية باش ما يفسدش الشكل في الطياب لازم تكون حاكمة روحها
ونقصها دوائر مشرشفة ونحطهم في بلا مدهون بالسمن ومرشوش بالفرينة ونزيد نعمل للجوز نفس الشيء ونقص بدائرة اقل وندهن الدوائر الاولى ببياض البيض ونحط الدوائر الثانية
نجي للبيستاش نقوم بنفس العمل ونقطعهم بدائرة اقل وندهن ببياض البيض ونحطهم ونجمل من فوق بحبة نوازات
نخلي البلا في مكان بارد اذا كان خدمت الصباح نطيبهم في الليل واذاكان خدمتهم في الليل نطيبهم الصباح
نحطه في الفور يشيحو برك يعني يبقو بيض لازم حراسة مشددة هههه على نارمتوسط وفي وسط الفرن
نشعل من فوق لحظة فقط يشيحو ونخرجهم من الفور يبردو ونعسلهم بعسل دافئء وخلاص