وصفات حراير الكوزينة الجزء الثاني

[rahma2014]

صابلي الكرميل لبشرى
250 إ مرغرين طرية + 3 م ك سكر رطب مايكونوش معمرين بزاف + 1 باكي فلان دوق كراميل وتخدميهم مليح + 4 مك نشاء + 1 بيض + 2 صفارة + فاني و 2قرصات خميرة + فرينة حسب الحاجة
الحشو كوكاو محمص ومرحي + حلوة الترك وتلمي بالمعجون وتشكلي كويرات صغار

تشكلي كويرات من العجينة وتحشيها بكرية من الحشو وتعمليها بالطابع المربع ولا الدائري
والى الفرن , إضغط هنا لرؤية الصورة بحجمها الطبيعي.

[wardatona]

بارك الله فيكم على المجهود الرائع

[idron0]

البريوش بشرى 2008

3كيسان و نصف ..فرينة
4 _ 5 مللاعق سكر
ملح
ملعقة صغيرة خميرة الخبز
كاس وشوي حليب دافئ على حساب الفرينة
كاس زبدة دايبة تستعمليها في الأخير فقط

الطريقة
اول نخلط نصف كمية الحليب الدافئ مع السكر و الخميرة و نتركه 5 ل 10 حتى يخمر

تخلطي كل المقادير حتى تتحصلي على عجينة طرية وعجنيها شوية أومبعد قسميها ل 12 كرية من نفس الحجم و خليهاا ترتاح 10د,ا بسطي الكريات لدوائر متساوية
كل دائرة اغطسيها فالزبدة المدابة وديريها في السنيوة,بشكل دائرة وخليها تخمر
اادهنيها بشوية حليب سائل مع لحظة وعسل ودخلتها للفرن حتى حمارت.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

[idron0]

سيقااار محشي بالكريمة lyzzabel

للعجينة نديرو 500 غ مارغرين طرية و كاس سكر قﻻصي او رطب كيما نقولو نضربوهم مليح و نزيدو زوج حبات بيض كاملين و عطر الفانيلا غبرة و نضرب و نلم بالفرينة حتى نتحصلو على عجينة ما طرية بزاف ما ناشفة يعني كيما عجينة الصابلي
نحلو العجينة رقيقة شوية نقطعها مربعات على حساب طول لي مول تاع القصبة و ندور دورة وحدة برك .. نستف لي مول بالعجين في بﻻ و نطيب في فرن مسخن من قبل على 170 درجة حتى نشوف لي سيقار حمارو غير شوية من تحت .. نخرج البﻻ و نخليهم يبردو شوية و ننحيهم من لي مول
من جهة اخرى نحضر كريمة الحشو لي هي فوندون علبة تاع 500 غ نضيفله 400 غ مارغرين طرية و نضربهم ملييييييح بالباتور حتى نتحصلو على كريمة .. نخليها بجهة
ندوب شوكوﻻ امباسادوغ نواغ في كاسرول على نار هاااادية و نضيفلها شويييية حليب و نغلف بيها لي سيقار .. نستعملو الملعقة و نفرغو عليهم حتى يتغطو كاااامل و نرمدوهم في كاوكاو بﻻ قشور محمص و مرحي متوسط و نخلوهم ينشفو شوية و نحشوهم بالكريمة باستعمال الكيس الحلواني من الجهتين و خﻻاااااص.

[idron0]

قاطو شنال ام محمد اسلام الله

كلية لوز مرحي رقيق وكيلة بيمو مرحية وكيلة نصف كلية حلوة الترك ملعقة كاكاو صغيرة وتلمي بالعسل ولا النيسلي كيما تحبي تعملي كوايرات واديريهم في مول السيليكون تاع نصف دائرة يعني لي على شكل بالون باش تحكم شكل دائري هذا ماكان من بعد نفوتوها في البريو تاع الحلوة نكونو حاضرنا باشيكولا علامة شنال ووراهي تتبع في بايت واجدة ندير قطرة تاع نيسلي ونحطها فوق الحبة .

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

ملاحظة :من ناحية اابريو بزاف انا 50 حبة اداتلي 5 قرع بريو بصح ميجيش حراش في الفم
انا منكدبش عليك اختي بنفس الوصفة راح انديرالها لونبلاج بشيكولا كحلة ولا بيضة ونخلي نفس التزيين شنال خفت من البريو
لي خاف سلم هههههه.

[ام كوكو]

يعطيكم الصحة البنات كل شي روعة

[idron0]

ديسار الدانيت صديقة توبة


إضغط هنا لرؤية الصورة بحجمها الطبيعي.


إضغط هنا لرؤية الصورة بحجمها الطبيعي.


هي ليكم الوصفة ........

إضغط هنا لرؤية الصورة بحجمها الطبيعي.

[lyzzabel]

بارك الله فيك حبيبتي ايدرونو مواااااح كبييييرة ليك و لكل لبنات لي راهم يبدلو في مجهوووود
في موازييين حسناااتكم ان شاء الله

[*توبــــة*]

بو زلوف بالخضرة من مطبخ شاوية حرة 05

طريقتي كا التالي بوزلوف مغلي
مع رند وثوم وملح وشوية خل من بعد نحيلو العضم ونقطع قطع متوسطة ولا كيما تحبي حطي في كوكوطة زيت ورابي الثوم بزيادة والبصل رابيه ولا قطعيه شرائح كيما تحبي وقطعي الطماطم شرائح وضيفي شوية طماطم مصبرة وطبعا التوابل وفلفل اكحل وكمون ورقة رند وملحي صيفي الجزر مقطع دوائر وزيتون اخضر وضيفي البوزلوف تاعك يتقلى مليح ومرقي شوية برك قيس ما يطيب الجزر فقط لانو بوزلوف راه طايب من قبل ومن جهة اقلي البطاطا دوائر او طويلة ستفيها في صنية وكي ينشف لصوص صبيه على البطاطا وقطعي فوقو الدبشة ودخلي يزيد يتجمر في الفرن وقدميه مع القارص واذا حبيتي البطاطا ما تقليهاش لوحيها في الكوكطة

[soltanabelkiis]

yatik saha

[idron0]

كيكة ام محمد اسلام الله

طبقة الأولى عملت بسكوت بيمو او اي نوع تحبيه مطحون+رشة قرفة + زبدة ذائبة تبسيهم مع بعض و تحطينهم في الصينيةو يدخل الثلاجة و الطبقة الثانية هي طبقة الجبن 500غ+150 سكرضربيهم مليح مع بعض +04 بيض و تخلطي بالخلاط الكهربائي و تحطيه فوق الطبقة الأولى وتدخليه الفرن حتى يطيب بالكامل اما الطبقة الأخيرة هي عندي في الوصفة كريمة الشانتيلي لكن أنا عملتها بالمراننغل وهي كمان ضربت صفار بيضتين حتى صارو مثل الثلج + كأس سكر قلاص+1 ملعقة نشاء+عطر الفانيليا و جعتها الى الفرن باش يحمار المرانقل و خرجتها وعملتها ديكون بسيط.

إضغط هنا لرؤية الصورة بحجمها الطبيعي.

[rahma2014]

وصفة OUM ISLEM

صابلي اقتصادي 250غ مرغرين طرية كاس سكر لي عندك ناعم او كريستاليزي انا درت خليط كاس زيت بيضة كاملة كاس نشاء زاست ليمونة وفاني كاس كوكاو او نواد كوكو محمص لون ذهبي نجمع بالفرينة و1خميرة نحل وندير دوائر ودوائر مثقوبة في الوسط نطيبها تبرد نلصق بالمعجون ومع الحواف معجون وكوكاو محمص ومرحي متوسط او نوادكوكو محمص وفي الثقبةديري حبات كبريس 5او6 فقط يذوبو على حمام مائي زيدي 5او6 حبات شكولانوار مع 3 م ك حليب بارد لما يذوبو زيدي 5م ك معجون وديريهم في كيس وعمري الثقوب او ديري في لي مول تاع السليكون مباشرة ويخرج بنين يهبلإضغط هنا لرؤية الصورة بحجمها الطبيعي.

[idron0]

وصفة بطاطا كوكوت lyzzabel
فالكوكوت ديري بطاطا مقطعة دوائر مشي غليظة بزاف و ثوم رابي و حبة طماطم رابي و ملح و فلفل و ورقة رند و شوية زيت حطيهم بالترتيب كيما كتبتهم و زيدي فوقهم نص فنجان صغير تاع ماء و اغلقي الكوكوت و نقصي النار خلااااص و خليها تطيب حتى تنشف مالماء تجي بنييييينة و تقدري تديري بصلة صغيرووووونة رابي من تحت يعني هي الاولى
شفتي شحال ساهلة ههههه

[idron0]

جينواز الجوز والعسل ام نور الهدى2014

الجوز مافيهاش بزاف الجوزوتقدري تستغناي على الجوز وتعوضيه بنكهة الجوز تتباع في قارورات صغيرة

مقادير الجينواز :
250 غ زبدة
1 كاس سكر
3/4 كاس عسل انا درت عسل المرجان فيه نكهة العسل الحر واذا ملقيتيهش ديري اي نوعية نتاع عسل وزيدي ملعقة كبيرة عسل حر
5 بيضات كاملة
كأس جوز مرحي
2 ملاعق كبيرة كاكاو اسود
2 كيسان ونصف فرينة*
2 ملاعق صغيرة بيكاربونات أو خميرة القاطو

في الخلاط حطي الزبدة + السكر + العسل واخفقي مليح وزيدي المكونات الباقية*
جيبي 2 صينيات ادهنيهم بالزبدة والفرينة
وقسمي الخليط على 2 بالتساوي
وحطيهم اطيبو على درجة 180°

تحضير الكريمة*
250 غ زبدة + 250 غ سكر ناعم + فاني*
اخفقيهم مليح وخليهم على جنب
حطي 3/4 كاس حليب في وعاء على نار متوسطة + 1 ملعقة صغيرة سكر + 2 ملاعق كبيرة سميد وخلطي حتى يطيب السميد في الحليب*
جيبي كريمة الزبدة وخلطي معاها الحليب والسميد وزيدي اخفقيهم شوي برك باش يتخلطو مع بعض*

كي يطيب الجينواز وتخليه يبرد حطي الكريمة على طبقة وهي في الصينية متنحيهاش وزيدي حطي فوقها الطبقة الثانية نتاع الجينواز

وحضري كلاصاج الشوكولا*
استعملس شوكولا منى أنا نحبها هههههههههه بنينة ذوبي 600 غ في حمام مائي + صفار بيضة + باكي من قهوة نسكافي وتحركي ملييييح الشوكولا من بعد زيديلها الماء أو الحليب كيما تحبي أنا ندير الماء باش تبقى طرية وتبرق زيدي الماء وابقاي تحركي وتحركي كي تشوفيها سايلة شوي نحيها من الحمام المائي*
ملاحظة : الماء استعملي من نتاع الحمام المائي*
وسيحي الكلاصاج فوق الجينواج ومشيه شوي واعدليه وخليه يشيح
التزيين : ذوبت الشوكولا وحدها من غير أي زيادات وجبت قوالب الورقة عمرتهم بالشوكولا ونحط في الكونجيلاتوغ تجمد شوي ونحيها وندير فوقها البريون الرطب بالبانسو*

وكي يشيح الكلاصاج هاديك الغدوة قطعيه مربعاة وحطي في الكيسات ولازم يتخبى في الثلاجة*
الصينية 25سم نصف القطر يعني كامل 50 سم دور نتاعها.

[idron0]

عصير الجزر لام رامى omhadil

ناخذ 4 حبات جزر تقشريهم وتقطعيهم دوائر وتزيدى تقطعى 3حبات برتقال بالقشرة تاعها وتحطيهم مع الجزر فى كاسرونة حتى يطيبو
بعد مايطيب الجزر والبرتقال تضيفى عليهم 4حبات برتقال مقشرين ومقطعين وتضيفى كيلو سكر وتخليهم على نار هادئة بعد مايذوب السكر ويطيب كلش انزعيهم من فوق النار وخليهم يبردو ممبعد ارحىكلشى فى الروبو
واحتفضى بالماء لى طاب فيه الجزر والبرتقال
بعد ماترحى كلشى هذاك الخليط جوزيه فى السيار يكون خشين ولا رحاية تاع الطوماطيش
وهذالب لى يبقى عودى ارحيه بروبو
بعد ماترحى كلشى ضيفى الماء هى هذا الكمية اضافت 7 لتر تاع ماء وممكن تضيفى ياؤوت ولا عصير الليمون.

ملاحظة:

انا فى الاخير صفيت كلشى بصفاية لانى ماحبتش هذاك اللب داخل العصير وكل واحد وذوقو .

إضغط هنا لرؤية الصورة بحجمها الطبيعي.إضغط هنا لرؤية الصورة بحجمها الطبيعي.إضغط هنا لرؤية الصورة بحجمها الطبيعي.